Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Պետբյուջեի միջոցներով Լոռու մարզի Լեռնապատ համայնքում իրականացվում են ասֆալտապատման աշխատանքներ: 4.5 կմ երկարությամբ ճանապարհի հիմնանորոգման համար կծախսվի 205 մլն դրամ: Կապալառու կազմակերպությունը «Լոռի ՃՇՇ» ընկերությունն է: Ճանապարհի հիմքի ուժեղացման աշխատանքներն իրականացվում են գերժամանակակից սառը մշակման տեխնոլոգիայով:
«Լոռի-Մարտակերտ» համագործակցության շրջանակներում 31.07.2019
«Լոռի-Մարտակերտ» համագործակցության 2019 թ. միջոցառումների ծրագրի շրջանակներում հուլիսի 30-ին Արցախի հանրապատության Մարտակերտի շրջանի թվով 14 դպրոցական՝ իրենց ղեկավարի ուղեկցությամբ ժամանեցին Լոռու մարզ: Նրանք Լոռու մարզպետարանի աջակցությամբ իրենց 7-օրյա հանգիստը կանցկացնեն «Գուգարք» ճամբարում: Հյուրերին դիմավորեց և ուղեկցում էր Լոռու մարզպետարանի գլխավոր քարտուղարի պաշտոնակատար Վալերի Խաչատրյանը: Երեխաների ճամբարային հանգիստը կուղեկցվի էքսկուրսիաներով դեպի Լոռու մարզի պատմամշակութային վայրեր: Կկազմակերպվեն նաև մշակութային միջոցառումներ, հետաքրքիր խաղեր:
Սպիտակի տարածաշրջանում կգործի «Սպիտակ Մանուշակ» սոցիալական ձեռնարկությունը 31.07.2019
Մերձավոր Արևելքի հիմնադրամի և «Սպիտակի Հելսինկյան խումբ» իրավապաշտպան հկ-ի նախաձեռնությամբ «ԵՄ-ն կանանց համար. տնտեսական հզորացում սոցիալական ձեռնարկությունների միջոցով» ծրագրի շրջանակներում Լոռու մարզի Ղուրսալի համայնքի վարչական տարածքում՝ Սպիտակ-Վանաձոր մայրուղու վրա տեղակայված սրահում, հուլիսի 31-ին անցկացվեց «Սպիտակ Մանուշակ» սոցիալական ձեռնարկության հանդիսավոր բացման արարողությունը: Միջոցառմանն իր մասնակցությունն էր բերել Լոռու մարզպետի տեղակալ Գայանե Մարկոսյանը:Ներկա էին նաև Սպիտակի քաղաքապետ Գագիկ Սահակյանը, Եվրամիության, Մերձավոր Արևելքի հիմնադրամի ներկայացուցիչներ, բազմաթիվ հյուրեր:
Այսօր Լոռու մարզպետի տեղակալ Գայանե Մարկոսյանն ընդունեց «Decis-international» կազմակերպության ներկայացուցիչ Տաներ Չեյկենին և Եվրոպական բիզնես ասոցիացիայի ներկայացուցիչ Գարեգին Գալուստովին: Հանդիպմանը ներկա էին նաև մարզպետարանի Ֆինանսատնտեսական զարգացման վարչության պետի պաշտոնակատար Արտավազդ Բեջանյանը, Գյուղատնտեսության և բնապահպանության վարչության պետի պաշտոնակատար Արտյոմ Շահվերդյանը, Զարգացման ծրագրերի և վերլուծության բաժնի պետ Հասմիկ Մկրտչյանը, բաժնի աշխատակիցներ:
«ՎԱՐԴԱՎԱՌԻ ՏՈՆ»-ը՝ Օձունում 29.07.2019
«Պետական աջակցություն մշակութային միջոցառումներին» ծրագրի շրջանակներում ամենամայա «Վարդավառի տոն» տոնակատարությունն անցկացվեց հուլիսի 27-ին՝ Օձունում, որին իր մասնակցությունն էր բերել նաև Լոռու մարզպետ Անդրեյ Ղուկասյանը: Այն ևս նվիրված էր Հովհաննես Թումանյանի և Կոմիտասի 150-ամյա հոբեյաններին: Միջոցառումը կազմակերպվել է Լոռու մարզպետարանի կրթության, մշակույթի և սպորտի վարչության մշակույթի և սպորտի բաժնի ջանքերով:
ԼԵՌՆԱՎԱՆՑԻՆԵՐԸ ՆՇԵՑԻՆ ԲՆԱԿԱՎԱՅՐԻ ՀԻՄՆԱԴՐՄԱՆ 190-ԱՄՅԱԿԸ 29.07.2019
Լոռու մարզի Լեռնավան համայնքը հուլիսի 27-ին նշում էր հիմնադրման 190-ամյակը, ինչի առիթով հանդիսավոր միջոցառում էր կազմակերպվել գյուղում: Տոնակատարությանն իրենց մասնակցությունն էին բերել Լոռու մարզպետի տեղակալ Գայանե Մարկոսյանը, մարզպետարանի կրթության, մշակույթի և սպորտի վարչության պետի պաշտոնակատար Ռաֆայել Հարությունյանը, այլ պաշտոնյաներ, զբոսարջիկներ հյուրեր:
