Տեղեկատվական կենտրոն
Նորություններ
ՀՀ տարածքային կառավարման և զարգացման նախարարություն կներկայացվի 43 համայնքի 102 ծրագիր
05.02.2020
Սուբվենցիոն ծրագրերի հայտերի հավաքագրման և մշակման նպատակով Լոռու մարզպետարանում ձևավորված աշխատանքային խումբը՝ մարզպետի տեղակալ Գայանե Մարկոսյանի գլխավորությամբ, վերջին շտկումներն է իրականացնում՝ ծրագրերը ՀՀ տարածքային կառավարման և զարգացման նախարարություն ուղարկելուց առաջ:
Անցած օրերին, գիշերուզօր, մասնագիտական թիմն աշխատել է՝ ջանք ու եռանդ չխնայելով, որպեսզի ծրագրային հայտերը կազմված լինեն առանց թերացումների: Վերջնարդյունքում նախարարությանը կներկայացվի մարզի թվով 43 համայնքի 102 ծրագիր:
Հիշեցնեն, որ 2018թ.-ին իրականացված ծրագրերի թիվն ընդամենը 26 էր, իսկ նախորդ տարի՝ 55:
Շնորհիվ մարզի ղեկավարի կողմից ցուցաբերված հետևողական վերաբերմունքի, աշխատանքային խմբի կողմից իրականացված բացատրական աշխատանքների և մասնագիտական լուրջ աջակցության զգալիորեն ընդլայնվել է նաև համայնքների մասնակցության աշխարհագրությունը: