Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Հանձնարարվել է արձագանքել հրդեհից տուժած քաղաքացիների բոլոր խնդիրներին և արագ տալ լուծումներ 10.02.2025
Ստեփանավան համայնքի Աշոտաբերդ թաղամասում տեղի ունեցած հրդեհի հետևանքների վերացման համար փետրվարի 8-ին Ստեփանավանի համայնքապետարանում անց է կացվել խորհրդակցություն, որին մասնակցում էին Տարածքային կառավարման և ենթակառուցվածքների նախարարի տեղակալ Նարեկ Մանուկյանը, Լոռու մարզպետ Արամ Ղազարյանը, Ստեփանավան համայնքի ղեկավար Արմեն Գրիգորյանը, ՆԳՆ Փրկարար ծառայության Լոռու մարզային վարչության պետ Սերոբ Գաբրիելյանը, Հայկական Կարմիր խաչի ընկերության Ստեփանավանի տարածքային մասնաճյուղի նախագահ Արմեն Առաքելյանը, Ստեփանավանի ՄՍԾ տնօրեն Անժելա Գրիգորյանը, մարզպետի աշխատակազմի և համայնքապետարանի աշխատակիցներ։
Լոռու մարզպետ Արամ Ղազարյանի հանձնարարությամբ՝ մարզպետի աշխատակազմի, Ստեփանավանի համայնքապետարանի պատասխանատու պաշտոնյաները, Ստեփանավանի ՄՍԾ֊ի մասնագետները, Ստեփանավանի ԲԿ֊ի բուժաշխատողները, «Հայկական կարմիր խաչ» ընկերության Ստեփանավանի մասնաճյուղի ներկայացուցիչներն այցելել են հրդեհի հետևանքով անօթևան մնացած և հյուրանոցներում տեղակայված, ինչպես նաև բարեկամների տներում ապաստանած ընտանիքներին, իրականացրել կարիքների գնահատում, հետաքրքրվել նրանց զգացողությամբ։
Լոռու մարզպետը և Ստեփանավանի համայնքապետը ծանոթացել հրդեհից տուժածների կեցության պայմաններին 10.02.2025
Փետրվարի 9-ի օրվա ավարտին Լոռու մարզպետ Արամ Ղազարյանը և Ստեփանավանի համայնքապետ Արմեն Գրիգորյանն այցելել են հրդեհի հետևանքով հյուրանոցներում ապաստանած ընտանիքներին, ծանոթացել նրանց կեցության պայմաններին: Պաշտոնյաները շրջել են առանձնասենյակներում, զրուցել քաղաքացիների հետ, վստահեցրել, որ հրդեհից տուժած անձանց կարիքները ՀՀ կառավարության առաջնային ուշադրության կենտրոնում են և արվում է առավելագույնը նրանց խնդիրների լուծման և աստիաճանաբար բնականոն կյանքին վերադառնալու համար: Մարզի ղեկավարը և Ստեփանավանի համայնքապետը պատասխանել են նաև քաղաքացիների հարցերին:
ՀՀ տարածքային կառավարման և ենթակառուցվածքների նախարար Դավիթ Խուդաթյանն այցելել է Ստեփանավան համայնք 10.02.2025
ՀՀ տարածքային կառավարման և ենթակառուցվածքների նախարար Դավիթ Խուդաթյանը փետրվարի 10֊ին այցելել է Ստեփանավան համայնք, հետևել Ստեփանավան համայնքի Աշոտաբերդ թաղամասում շենքի հրդեհման հետևանքով իրականացվող աշխատանքների ընթացքին։ Ապա՝ պաշտոնյաներն այցելել են հյուրանոց, որտեղ բնակվում են հրդեհից տուժած բնակիչներ, հետաքրքրվել նրանց կենցաղային պայմաններով, ինքնազգացողությամբ։ Բնակիչները շնորհակալություն են հայտնել ՀՀ Վարչապետին, Կառավարությանը, մարզպետի և համայնքապետարանի աշխատակազմերին հոգածության համար։ Այցելություն է կատարվել նաև ՀՀ կառավարության ֆինանսավորմամբ Աշոտաբերդ թաղամասի համար շենքերի կառուցման շինհրապարակ։ Պաշտոնյաները հետևել են շինարարության ընթացքին։
Անակնկալ այց՝ Դսեղի և Թումանյանի առողջության կենտրոններ 07.02.2025
Լոռու մարզպետ Արամ Ղազարյանի հանձնարարությամբ մարզպետի աշխատակազմի առողջապահության և սոցիալական ոլորտի հարցերի վարչության պետ Ռուզաննա Պողոսյանը փետրվարի 6-ին անակնկալ այցով այս անգամ եղել է Դսեղի և Թումանյանի առողջության կենտրոններում: Դսեղի առողջության կենտրոնի նոր շենքի կառուցումն իրականացվել է «Հայաստանի մանուկներ» բարեգործական հիմնադրամի («COAF») կողմից՝ ՀՀ առողջապահության նախարարության և Լոռու մարզպետի աշխատակազմի հետ համագործակցությամբ: Շինարարական աշխատանքներն իրականացվել են 2021-2023թ.թ.: Շենքի հանդիսավոր բացումը տեղի է ունեցել 2024թ. հունիսին: Բուժհաստատությունը հագեցած է բժշկական անհրաժեշտ սարքավորումներով և գույքով:
Լոռու մարզի սպորտային պարերի թիմը հաջողություններ է գրանցել Համահայկական երկրորդ ձմեռային խաղերում 07.02.2025
Համահայկական երկրորդ ձմեռային խաղերի շրջանակներում անց է կացվել «Բարեկամության կամուրջ» սպորտային-պարահանդեսային պարերի միջազգային բաց առաջնություն։ Մարզիկները լատինաամերիկյան և եվրոպական պարաձևերում անհատական պարերի տարբեր տարիքային խմբերում բարձր հորիզոնականներ են գրավել։ Վանաձոր համայնքից լատինաամերիկյան պարաձևում առաջին պատվավոր հորիզոնականն են գրավել Եվա Պողոսյանը, Վիոլետա Սահրադյանը, Անի Հովսեփյանը, երկրորդ հորիզոնականը զբաղեցրել է Անյուտա Խաչատրյանը։ Լատինաամերիկյան և եվրոպական պարաձևերում երկրորդ հորիզոնականն են գրավել Լիկա Մարգարյանը և Յանա Պողոսյանը։ Անահիտ Ղարագյոզյանը, Իրինա Ղարագյոզյանը, Նատալի Սեդրակյանը, Անուշ Խլոպուզյանը համապատասխանաբար գրավել են 2-րդ և 3-րդ հորիզոնականները։
