Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Ձորագետ և Դեբեդ գետերի ափամերձ տարածքներում հորդորում ենք ցուցաբերել զգոնություն 19.04.2024
Հարգելի՛ քաղաքացիներ, տեղեկացնում ենք, որ «ՁորաՀԷԿ-ի» շահագործման ընթացքում էներգահամակարգի աշխատանքի խափանումներով պայմանավորված, առաջիկայում հնարավոր է կայանի կանգ, որն էլ իր հերթին մինչև օգոստոս ամիս կարող է հանգեցնել ջրի բացթողումների կայանի ջրամբարից: Վերջինս կարող է Ձորագետ և Դեբետ գետերի վարարումների պատճառ դառնալ: Վտանգներից խուսափելու համար հորդորում ենք ափամերձ տարածքներում ցուցաբերել առավել զգոնություն:
«Կայուն և ներառական աճ Հայաստանի լեռնային բնակավայրերում (SIGMA) ծրագրի մեկնարկը տրված է: Ծրագրի նպատակն է նվազեցնել աղքատությունը Հայաստանի լեռնային բնակավայրերում: Այն նոր հնարավորություններ է ստեղծում Լոռու, Շիրակի, Տավուշի և Գեղարքունիքի մարզերի ֆերմերների, ագրոբիզնեսների ու փոքր զբոսաշրջային ձեռնարկությունների համար։ Ծրագիրը ֆինանսավորվում է Շվեյցարիայի զարգացման և համագործակցության գործակալության (SDC) կողմից և իրականացվում է «DAI Global» միջազգային ընկերության և իր հայաստանյան մասնաճյուղի կողմից։ Տեղական գործընկերն է «AM Partners Consulting Company»-ն:
Բուժզննություն է անցել 514 երեխա 18.04.2024
«Արաբկիր» միացյալ մանկական բարեգործական հիմնադրամը Յունիսեֆի և ՀՀ Առողջապահության նախարարության հետ համագործակցությամբ իրականացրել է ծրագիր Լոռու մարզի և Լեռնային Ղարաբաղից բռնի տեղահանված երեխաների առողջապահական կարիքների գնահատման, մասնավորապես քրոնիկ հիվանդությունների և զարգացման խնդիրների հայտնաբերման, հետագա բուժման կազմակերպման նպատակով: Ծրագրի շրջանակներում նեղ մասնագետներից կազմված մոբիլ թիմերի կողմից, Լոռու մարզպետի աշխատակազմի հետ համագործակցությամբ, այցելություններ են կատարվել Վանաձորի «Գուգարք» կենտրոնական պոլիկլինիկա» ՊՓԲԸ, «Սպիտակի բժշկական կենտրոն», «Տաշիրի բժշկական կենտրոն», «Ստեփանավանի բժշկական կենտրոն» և «Ալավերդու բժշկական կենտրոն» ՓԲԸ-ների համաբուժարաններ:
Լոռու մարզպետը պարգևատրել է Ոստիկանության մի խումբ ծառայողների 17.04.2024
Լոռու մարզպետ Արամ Ղազարյանը Հայաստանի Հանրապետության Ոստիկանության Լոռու մարզային վարչությունում ապրիլի 17-ին մասնակցել է Ոստիկանության օրվան նվիրված միջոցառմանը: Ներկա էին Ոստիկանության Լոռու մարզային վարչության պետը, վարչության ենթակա բաժինների պետերը, ծառայողներ, Լոռու մարզպետի աշխատակազմի պատասխանատու պաշտոնյաներ: Մասնագիտական տոնի կապակցությամբ ներկաներին շնորհավորել է Ոստիկանության Լոռու մարզային վարչության պետ, գնդապետ Արթուր Զաքարյանը՝ նշելով, որ ոստիկանությունն իր ամենօրյա բարեխիղճ ծառայությամբ պաշտպանում է մարդու, հասարակության, պետության շահերը, հետևողական պայքար մղում հանցավորության դեմ:
Դեբետում կկառուցվի կրթության արդի չափանիշներին համապատասխան կրթօջախ 11.04.2024
Լոռու մարզպետ Արամ Ղազարյանը, ԿԳՄՍ նախարարի տեղակալ Արաքսիա Սվաջյանը, «Հայաստանի մանուկներ» հիմնադրամի (COAF) գործադիր տնօրեն Լիանա Ղալթաղչյանը ապրիլի 10-ին մասնակցել են Փամբակ խոշորացված համայնքի Դեբետ բնակավայրում կառուցվելիք հանրակրթական դպրոցի հիմնարկեքի արարողությանը: Ներկա էին նաև Լոռու մարզպետի աշխատակազմի կրթության, մշակույթի և սպորտի վարչության պետ Գարեգին Քարհանյանը, Փամբակ համայնքի ղեկավար Սուրեն Կոստանդյանը, ՔՈԱՖ-ի ներկայացուցիչներ, մարզպետի աշխատակազմի պատասխանատու պաշտոնյաներ, հյուրեր:
Լոռու մարզպետ Արամ Ղազարյանը Վանաձոր համայնքի ղեկավարի պաշտոնակատար Արկադի Փելեշյանի ուղեկցությամբ ապրիլի 9-ին աշխատանքային այցով եղել է «Վանաձորի բժշկական կենտրոն» ՓԲԸ-ի վարակաբանական բաժանմունքի նոր մասնաշենքի կառուցման շինհրապարակում: Վանաձորի բժշկական կենտրոնի տնօրեն Վահագն Մկրտչյանի, բուժհաստատության այլ պատասխանատու աշխատակիցների և շինարարների ուղեկցությամբ Արամ Ղազարյանը հետևել է շինարարության ընթացքին:
