Պաշտոնական էլ. փոստ

(միայն www.e-citizen.am համակարգով ծանուցումների համար)

Հարգելի բարեկամ,
Ողջունում եմ Ձեր այցը Լոռու մարզպետի աշխատակազմի պաշտոնական կայք: Այստեղ դուք կգտնեք անհրաժեշտ տեղեկատվություն Լոռու մարզպետի ու մարզպետի աշխատակազմի գործունեության մասին: Սա մեր հաղորդակցման հարթակն է, որն ապահովում է մարզի գլխավոր կառույցի բաց ու թափանցիկ լինելը, միաժամանակ, հնարավորություն է ընձեռում իմանալու հանրության կարծիքն ու գնահատականը: Հուսով եմ, որ Ձեր արձագանքներով և առաջարկություններով կաջակցեք պաշտոնական կայքի գործառույթների մշտական բարելավմանը:
Մշտապես թարմացնելով առկա տեղեկատվությունը՝ միաժամանակ պատրաստ ենք Ձեզ տրամադրելու այն ամբողջական տեղեկությունները, որոնք անհրաժեշտ կլինեն՝ օրենքով սահմանված ժամկետներում պատասխանելով ձեր հարցումներին:
Մեզ համար չափազանց կարևոր է յուրաքանչյուր լոռեցու արժանապատիվ ապրելու իրավունքի ապահովումը: Միասին՝ փոխվստահության մթնոլորտում, պիտի կերտենք մեր մարզի բարեկեցությունը:

Ամենաջերմ բարեմաղթանքներով՝ Արամ Խաչատրյան
ՀՀ Լոռու մարզպետ


ՈՒՇԱԴՐՈՒԹՅՈՒՆ

Հարգելի՛ լոռեցիներ, «ՀՀ Լոռու մարզպետի գավաթ-2023» մրցաշարը ֆուտզալ և սեղանի թենիս մարզաձևերից կանցկացվի 2023թ. հունիսի 6-ից 11-ն ընկած ժամանակահատվածում՝ Վանաձորում: Այն նպատակ ունի մասսայականացնելու և զարգացնելու նշված մարզաձևերը և նպաստելու ազգաբնակչության առողջ ապրելակերպին: Ֆուտզալի «ՀՀ Լոռու մարզպետի գավաթ-2023» մրցաշարն կանցկացվի 1 փուլով, որին կմասնակցեն համայնքներում հաղթած թիմերը, թիմեր մարզում գործող հիմնարկ-ձեռնարկություններից։ Հայտերը պետք է վավերացված լինի մասնակից կազմակերպության կողմից: Հիմնարկ - ձեռնարկությունների դեպքում թիմերի խաղացողները պետք է լինեն տվյալ ձեռնարկության աշխատակիցներ /առնվազն 3 ամիս/:

25.05.2023

«Ներառական կրթության համակարգի հզորացում Հայաստանում» ծրագրի շրջանակում վերանորոգվել է Վանաձորի ՏՄԱԿ-ը

ՀՀ կրթության, գիտության, մշակույթի և սպորտի նախարար Ժաննա Անդրեասյանը և Լոռու մարզպետի տեղակալ Հովհաննես Ավետիսյանը մասնակցել են Վանաձորի տարածքային մանկավարժահոգեբանական աջակցության վերանորոգված կենտրոնի բացման արարողությանը: Կենտրոնը վերանորոգվել է ՀՀ ԿԳՄՍ նախարարության և ԱՄՆ Միջազգային զարգացման գործակալության համագործակցությամբ՝ «Ներառական կրթության համակարգի հզորացում Հայաստանում» ծրագրի շրջանակում: Վանաձորի ՏՄԱԿ-ի բացմամբ՝ ամփոփվել է ծրագիրը։ Միջոցառմանը ներկա են եղել նաև ԿԳՄՍ նախարարի տեղակալ Արաքսիա Սվաջյանը, Վանաձոր համայնքի ղեկավար Արկադի Փելեշյանը, Լոռու մարզպետի աշխատակազմի կրթության, մշակույթի և սպորտի վարչության պետ Արամ Գրիգորյանը, ԱՄՆ Միջազգային զարգացման գործակալության հայաստանյան առաքելության տնօրեն Ջոն Ալելոն, պաշտոնատար այլ անձինք:

31.05.2023

Նախակրթարան՝ այժմ արդեն Չկալով բնակավայրում

ՀՀ Լոռու մարզի Թումանյան խոշորացված համայնքի Չկալով բնակավայրում հանդիսավորությամբ բացվեց նախադպրոցական կենտրոն, որը կրթական այլընտրանքային ծառայություն կմատուցի բնակավայրի 3-6 տարեկան փոքրիկներին: Նախադպրոցական կենտրոնը ստեղծվել է ԵՄ աջակցությամբ և ՅՈՒՆԻՍԵՖ-ի կողմից իրականացվող «Ապագան այսօր» ծրագրի շրջանակներում: Այս նախաձեռնությունը համահունչ է նաև Հայաստան-ՅՈՒՆԻՍԵՖ 2021-2025թթ. համագործակցության ծրագրին և 2021-2026թթ. պետության կողմից որդեգրված զարգացման ծրագրի կրթական նպատակներին: Կենտրոնի բացումը հնարավոր է դարձել Եվրոպական միության, ՀՀ կրթության, գիտության, մշակույթի և սպորտի, ՀՀ տարածքային կառավարման և ենթակառուցվածքների նախարարությունների հետ համատեղ աշխատանքի արդյունքում: Չկալովում նախակրթարանի ստեղծմանն աջակցել են նաև «Քայլառքայլ» հիմնադրամը և բարերար Սիլվա Մովսիսյանը: Այսպիսով, Լոռու մարզում այս նախաձեռնության շրջանակներում արդեն թվով տասը այլընտրանքային մանկապարտեզ է գործում, որից 5-ը՝ Թումանյան խոշորացված համայնքում:

31.05.2023

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2023-06-08 13:57:00