Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Վանաձոր համայնքում հանրային տրանսպորտի արդիականացման ծրագիրն ընթացքի մեջ է։ Ձեռք բերվելիք ավտոբուսները լինելու են համայնքային սեփականություն, իսկ դրանց շահագործումից ստացվող ողջ հասույթը մուտքագրվելու է համայնքային բյուջե։ Կառավարությունը ևս աջակցելու է ծրագրին՝ Վանաձորի համայնքապետարանին ազատելով մաքսատուրքից և ավելացված արժեքի հարկից, ինչի արդյունքում համայնքը կխնայի շուրջ 400-500 մլն դրամ, որը կուղղվի համայնքային այլ խնդիրների լուծմանը։ Ծրագրի նպատակն է բարելավել Վանաձորի հանրային տրանսպորտի համակարգը, ապահովել առավել հարմարավետ ուղևորափոխադրումներ բնակիչների համար։
Ալավերդի համայնքի թիվ 2 մանկապարտեզում իրականացվել են բակի հիմնանորոգման և բարեկարգման աշխատանքներ 27.04.2026
Ծրագրի շրջանակում մանկապարտեզի բակում տեղադրվել են ժամանակակից և անվտանգ խաղասարքեր, կառուցվել է ռետինե ծածկույթով խաղահրապարակ, իրականացվել են ասֆալտապատման աշխատանքներ, ինչպես նաև կատարվել է տարածքի ընդհանուր բարեկարգում։ Ծրագիրն իրականացվել է համայնքային բյուջեի միջոցներով։ Լոռու մարզպետ Արեն Մկրտչյանն այցելել է մանկապարտեզ, ծանոթացել կատարված աշխատանքներին, կարևորել նմանատիպ ծրագրերի շարունակական իրականացումը: Մանրամասները՝ տեսանյութում
Մարզպետ Արեն Մկրտչյանը բարձր է գնահատել Վանաձորի բռնցքամարտիկների միջազգային հաջողությունը 23.04.2026
Վանաձորի Ուլիխանյանի անվան բռնցքամարտի ակումբն օրերս միջազգային մրցաշարում գրանցել է նշանակալի հաջողություն․ 8 մասնակցից 7-ը Ռուսաստանի Դաշնությունից վերադարձել են հաղթանակով։ Արդյունքների ամփոփմամբ՝ ակումբի թիմը ճանաչվել է նաև մրցաշարի լավագույն թիմ։ Վանաձորի թիվ 28 դպրոցում գործող ակումբը տարիներ շարունակ նշանակալի ներդրում ունի Լոռու մարզի բռնցքամարտի զարգացման գործում՝ ապահովելով նաև հաջող արդյունքներ միջազգային հարթակներում։ Արձանագրված հաջողությունների կապակցությամբ Լոռու մարզպետ Արեն Մկրտչյանն այցելել է մարզադպրոց, շնորհակալություն հայտնել մարզչական անձնակազմին և մարզիկներին՝ ցուցաբերած բարձր արդյունքների և հետևողական աշխատանքի համար։ Մանրամասները՝ տեսանյութում
Մեկնարկել է Ալավերդի-Աքորի-Կաճաճկուտ ավտոճանապարհի հիմնանորոգման նախագծումը 22.04.2026
Ալավերդի-Աքորի-Կաճաճկուտ ավտոճանապարհի հիմնանորոգման երկար սպասված գործընթացը մեկնարկել է․ ընթանում է նախագծման փուլը։ Կհիմնանորոգվի շուրջ 11.5 կմ երկարությամբ ճանապարհահատվածը, որը երկար տարիներ քայքայված և անբարեկարգ վիճակում է: Աշխատանքները կիրականացվեն ամբողջությամբ պետական բյուջեի միջոցներով։ Լոռու մարզպետ Արեն Մկրտչյանն այցելել և պատասխանատու կառույցների ներկայացուցիչների հետ քննարկել է նախագծման փուլին և աշխատանքների կազմակերպմանն առնչվող հարցեր: Մանրամասները՝ տեսանյութում
ՀԱՅՏԱՐԱՐՈւԹՅՈւՆ 21.04.2026
«Տոների և հիշատակի օրերի մասին» ՀՀ օրենքի համաձայն՝ ապրիլի վերջին շաբաթ օրը նշվում է Հայաստանի Հանրապետության Քաղաքացու օրը, որն այս տարի կանցկացվի ապրիլի 25-ին։ Քաղաքացու օրվան նվիրված միջոցառումները կանցկացվեն «Մենք ենք մեր պետությունը» խորագրով։ Այդ շրջանակում Լոռու մարզում նախատեսվում են բանախոսություններ: Միջոցառումները կիրականացվեն 3 բաղադրիչով՝ կրթություն, երիտասարդություն և մշակույթ։ Սիրով հրավիրում ենք մասնակցելու միջոցառումներին։ Ստորև ներկայացվում է Լոռու մարզում անցկացվելիք միջոցառումների ժամանակացույցը: Մանրամասները՝ կայքում https://escs.am/am/news/36023
Օձունում կհիմնանորոգվի դեպի գերեզմանատուն տանող 1.3 կմ ճանապարհը 20.04.2026
Լոռու մարզի Օձուն բնակավայրում նախատեսվում է հիմնանորոգել դեպի գերեզմանատուն տանող ճանապարհը. ծրագիրը հաստատվել է: Մոտ 1.3 կիլոմետր երկարությամբ ճանապարհահատվածը խիստ անբարեկարգ վիճակում է։ Լոռու մարզպետ Արեն Մկրտչյանն այցելել է Օձուն, դիտարկել ճանապարհի ներկայիս վիճակը, քննարկել ծրագրի իրականացման մանրամասները։ Մանրամասները՝ տեսանյութում
