Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Տեղեկատվական կենտրոն

Նորություններ

Աշխատանքի հրավեր 18.07.2019

Համաձայն Երևան քաղաքի ավագանու 2019թ. ապրիլի 23-ի, N 90-Ա որոշման ստեղծվել է ՀՀ Երևանի աղբահանություն և սանիտարական մաքրում համայնքային հիմնարկ, որը Երևանի քաղաքապետարանի կազմում գործող և իրավաբանական անձի կարգավիճակ չունեցող կազմակերպություն է: Հաշվի առելով, որ նորաստեղծ կազմակերպությունը դեռևս համալրված չէ բավարար մարդկային ռեսուրսներով՝ բանվորներով, որոնք անհրաժեշտ են հիմնարկի աշխատաքները պատշաճ և որակով իրականացնելու համար կազմակերպությունն աշխատանքի է հրավիրում փորձառու և աշխատանքին նվիրված բանվորների:

Մարզպետարանը պատրաստ է աջակցել երիտասարդական կրթական ծրագրերին

Մարզպետարանը պատրաստ է աջակցել երիտասարդական կրթական ծրագրերին 17.07.2019

DNA հասարակական կազմակերպությունը Լոռու մարզի Գուգարք համայնքում իրականացնում է երիտասարդական կրթական ծրագիր: Ծրագրի մասին տեղեկություն տրամադրելու և մարզպետարանից անհրաժեշտ աջակցության և հետագա համագործակցության ակնկալիքով «Ռամզիս Կապիտալ» ներդրումային ընկերության հիմնադիր տնօրեն, DNA հասարակական կազմակերպության խորհրդի անդամ Ռոբերտ Բազիլին և DNA ՀԿ հիմնադիր նախագահ Աննա Մելիքսեթյանը հյուրընկալվեցին Լոռու մարզպետի տեղակալ Գայանե Մարկոսյանին:

Հավանության է արժանացել ևս 6 ծրագիր.  այս տարի միայն սուբվենցիոն միջոցներով Լոռու մարզում կիրականացվեն շուրջ 2.3 մլրդ դրամ ընդհանուր արժողությամբ ծրագրեր

Հավանության է արժանացել ևս 6 ծրագիր. այս տարի միայն սուբվենցիոն միջոցներով Լոռու մարզում կիրականացվեն շուրջ 2.3 մլրդ դրամ ընդհանուր արժողությամբ ծրագրեր 17.07.2019

2019 թ. ՀՀ պետական բյուջեից համայնքներին տրամադրվող սուբվենցիաներ ստանալու համար Լոռու մարզի թվով 25 համայնք ներկայացրել էր 60 ծրագրային հայտ: Հայտերի ներկայացման սկզբնական փուլում 6 ծրագիր տարբեր պատճառներով դուրս է մնացել ոլորտային մարմիններում հետագա քննարկման ենթակա ցանկից` ոչ նպատակահարմար լինելու կամ համայնքի կողմից հրաժարվելու պատճառով: Մնացած 54 ծրագիրը` ընդհանուր մոտ 2,3 մլրդ դրամ նախնական արժեքով, սահմանված ժամկետում և կարգով ներկայացվել է Տարածքային կառավարման և ենթակառուցվածքների նախարարություն:

Մարզի ղեկավարի հանձնարարությամբ ցածր եկամուտներ ունեցող համայնքներում կդադրեցվեն կամ չեն մեկնարկի պետական միջոցներով իրականացվող ծրագրերը

Մարզի ղեկավարի հանձնարարությամբ ցածր եկամուտներ ունեցող համայնքներում կդադրեցվեն կամ չեն մեկնարկի պետական միջոցներով իրականացվող ծրագրերը 17.07.2019

Հուլիսի 12-ին Լոռու մարզպետ Անդրեյ Ղուկասյանն անցկացրեց հերթական աշխատանքային խորհրդակցությունը փոխմարզպետ Գայանե Մարկոսյանի, մարզպետարանի կառուցվածքային ստորաբաժանումների ղեկավարների և պատասխանատու այլ պաշտոնյաների մասնակցությամբ: Մինչ օրակարգային հարցերին անցնելը, մարզպետը ներկայացրեց նորանշանակ խորհրդականին՝ Հարություն Այվազյանին՝ մաղթելով աշխատանքային հաջողություններ: Փոխմարզպետ Գ. Մարկոսյանը ներկայացրեց նախորդ երկու շաբաթների ընթացքում կատարված աշխատանքները՝ միաժամանակ նկատառումներ հայտնելով իր համակարգման ոլորտում գտնվող ստորաբաժանումների աշխատանքների վերաբերյալ:

Դպրոցների կառավարման համակարգը կբարելավվի

Դպրոցների կառավարման համակարգը կբարելավվի 16.07.2019

Լոռու մարզպետարանում անցկացվեց քննարկում դպրոցների կառավարման համակարգի բարելավման շուրջ, որին ներկա էին կրթության տեսչական մարմնի ղեկավար Ալեքսանդր Շագաֆյանը, կրթության փորձագետ Վիգեն Շիրվանյանը, Լոռու մարզպետարանի կրթության, մշակույթի և սպորտի վարչության պետի պաշտոնակատար Ռաֆայել Հարությունյանը, վարչության աշխատակիցներ, Շիրակի մարզպետարանի կրթության, մշակույթի և սպորտի վարչության պետ Հրայր Կարապետյանը, Տավուշի մարզպետարանի կրթության վարչության աշխատակիցներ, դպրոցների տնօրեններ: Քննարկումների նպատակն է մշակել մեկ միասնական մոդել դպրոցների կառավարման խորհուրդների գործունեությունն առավել արդյունավետ կազմակերպելու համար:

Խոտի պահանջարկը մեղմելու համար մարզպետարանը խնդրի լուծման տարբերակներ է առաջակում

Խոտի պահանջարկը մեղմելու համար մարզպետարանը խնդրի լուծման տարբերակներ է առաջակում 16.07.2019

Սակավ անձրևների ու նորմայից ցածր ջերմաստիճանի պատճառով այս տարի Լոռու մարզում գրեթե 2000 տոննայով պակաս խոտ է հավաքվել, քան նախորդ տարի (2018թ. հավաքվել է 5000 տոննա խոտ): Խնդրի վերաբերյալ մարզի ղեկավարին են զեկուցել մարզպետարանի գյուղատնտեսության և բնապահպանության վարչության պատասխանատուները: Մարզպետ Անդրեյ Ղուկասյանի հանձնարարությամբ վարչությունը ներկայում հետևողականորեն զբաղվում է խնդրի կարգավորմամբ, որպեսզի մարզի անասնապահները հնարավորինս քիչ նեղություն կրեն սակավախոտ տարվա հետ կապված: Տեղեկատվություն է հավաքագրվում համայնքներից բերքահավաքի ընթացքում հնձված խոտի վերաբերյալ՝ պարզելու, թե հատկապես ո՞ր համայնքներում կա խոտի պահանջարկ և ո՞ր համայնքներում՝ ավելցուկ: Բացի այդ, մարզպետարանի հողաշինության և հողօգտագործման բաժնի տվյալներով մարզում առկա է 2395 հա պետական սեփականության հեռահար խոտհարք, որը համայնքների ղեկավարները պատրաստ են տրամադրելու վարձակալությամբ: Այս հարցում ևս մարզպետարանը պատրաստ է աջակցել:

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2019-08-20 16:58:48