Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Վանաձոր, Իսահակյան 3-րդ նրբանցք․ հիմնանորոգման աշխատանքներ 12.08.2026
385 մետր երկարությամբ Իսահակյան 3-րդ նրբանցքի հիմնանորոգումն իրականացվում է համայնքային բյուջեի միջոցներով։ Ծրագրի արժեքը 45 մլն դրամ է: Տարիներ շարունակ անմխիթար վիճակում գտնվող փողոցը կունենա բարեկարգ երթևեկելի հատված։ Մանրամասները՝ տեսանյութում
Արեն Մկրտչյանը Վանաձորում ներկա է եղել «Լավ Էլի» խմբի համերգին 11.08.2026
Օրերս Վանաձորի Շառլ Ազնավուրի անվան մշակույթի պալատում անցկացվել է «Լավ Էլի 30» համերգաշարի վանաձորյան համերգը։ Համերգին ներկա է եղել Լոռու մարզպետ Արեն Մկրտչյանը։ «Չեմ ուզում թաքցնել ոգևորությունս․ առաջին անգամ հանդիպեցի մարդկանց, որոնց երաժշտական ժառանգությունը 20-25 տարի իմ ականջներում, իմ մտքում ու իմ սրտում է։ Վանաձորում նրանց հետ հանդիպումն առանձնահատուկ զգացողություն էր»,- նշել է Լոռու մարզպետը։ «Լավ Էլի» խմբի անվճար համերգաշարը շարունակվում է Հայաստանի տարբեր մարզերում՝ հանդիսատեսին ներկայացնելով խմբի ստեղծագործական ժառանգությունն ու տարիների ընթացքում սիրված երաժշտությունը։ Հիշեցնենք, որ «Լավ էլի» հայկական ալտերնատիվ ռոք խումբը կազմավորվել է 1996 թվականին՝ Վանաձորում։ Մանրամասները՝ տեսնյութում
Ճանապարհային դեպարտամենտի լաբորատորիայի կողմից իրականացված ուսումնասիրության արդյունքում Սպիտակի ոլորանների տարբեր տեղամասերում ասֆալտապատման որակի վերաբերյալ տրվել էր բացասական եզրակացություն։ Արդյունքում շինարարական կազմակերպությունը քանդել է խնդրահարույց տեղամասերի ասֆալտապատված հատվածները և իր միջոցներով կրկին իրականացրել ասֆալտապատում: Կատարված աշխատանքները կրկին կստուգվեն լաբորատոր փորձաքննության միջոցով։ Մանրամասները՝ տեսնյութում
Տարոն-4 թաղամասի կենտրոնական ճանապարհի հիմնանորոգման շինարարությունը շուտով կմեկնարկի 11.08.2026
Վանաձորի Տարոն-4 թաղամասի կենտրոնական ճանապարհի հիմնանորոգման մրցույթն արդեն կայացել է, ընտրվել է շինարարական կազմակերպությունը։ Այս պահին ընթացքի մեջ է պայմանագրի կազմման և անհրաժեշտ փաստաթղթերի ձևակերպման փուլը։ «Եվս մեկ սպասված ճանապարհաշինական ծրագիր՝ Վանաձորում: Շուտով կունենանք նաև շինարարության մեկնարկ»,- անդրադառնալով Տարոն-4 թաղամասի կենտրոնական ճանապարհի հիմնանորոգման ծրագրին՝ նշել է Լոռու մարզպետ Արեն Մկրտչյանը։ Մանրամասները՝ տեսանյութում
«Թերություններով նախագիծը բերում է խնդրահարույց արդյունքի». Արեն Մկրտչյան 10.08.2026
Լոռու մարզպետ Արեն Մկրտչյանն այցելել է Հագվի բնակավայր, տեղում հետևել Հագվի տանող ճանապարհի շինարարության ընթացքին։ Մարզի ղեկավարը հանձնարարել է խստիվ հետևել նախագծերի որակին։ Դեպի Հագվի բնակավայր տանող 2.71 կմ ավտոճանապարհի հիմնանորոգումն իրականացվում է Լոռու մարզպետի աշխատակազմի պատվերով և ամբողջությամբ պետական բյուջեի ֆինանսավորմամբ` 540 մլն դրամ արժեքով։
Լոռու մարզպետը Վանաձորի Զաքարյան 1 շենքում հանդիպել է բնակիչների հետ 10.08.2026
Վանաձորի Զաքարյան 1 շենքում մեկնարկել են նոր՝ ժամանակակից վերելակի տեղադրման աշխատանքները։ Ծրագրի ընդհանուր արժեքը կազմում է 8.3 միլիոն դրամ։ Լոռու մարզպետ Արեն Մկրտչյանը բակային հանդիպում է ունեցել բնակիչների հետ, ներկայացրել ընթացիկ և սպասվող ծրագրերը, լսել քաղաքացիների առաջարկություններն ու դիտարկումները։
