Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Մեծարման երեկո՝ ի պատիվ Լոռու մարզի բուժաշխատողների 25.08.2026
Լոռու մարզպետ Արեն Մկրտչյանը շնորհակալագրերով է պարգևատրել մարզի մի խումբ բուժաշխատողների՝ առողջապահության ոլորտում ծավալած անձնվեր և բարեխիղճ աշխատանքային գործունեության համար։ Միջոցառման ընթացքում մարզի ղեկավարը շնորհակալություն է հայտնել բուժաշխատողներին՝ ընդգծելով նրանց կարևոր առաքելությունն ու պատասխանատու աշխատանքը ինչպես պետության համար դժվարին ժամանակներում, այնպես էլ խաղաղ պայմաններում։
Շրջայց՝ Ալավերդի համայնքում 24.08.2026
ՀՀ գլխավոր դատախազ Աննա Վարդապետյանը, Լոռու մարզպետ Արեն Մկրտչյանի և Լոռու մարզի դատախազ Մովսես Անտոնյանի ուղեկցությամբ, օրերս աշխատանքային շրջայց է իրականացրել նաև Ալավերդի համայնքում։ Դիտարկվել են մասնավորեցված մի շարք հանրային նշանակության օբյեկտներ, որոնց վերաբերյալ իրականացվում են համայնքային շահերի պաշտպանությանն ուղղված իրավական գործընթացներ։ Կադրերը՝ տեսանյութում
Աշխատանքային այց Լոռի․ Աննա Վարդապետյանն ու Արեն Մկրտչյանը շրջել են Վանաձորում 21.08.2026
Լոռու մարզպետ Արեն Մկրտչյանի և Լոռու մարզի դատախազ Մովսես Անտոնյանի ուղեկցությամբ Գլխավոր դատախազ Աննա Վարդապետյանը Լոռու մարզ կատարած աշխատանքային երկօրյա այցի ընթացքում, շրջել է Վանաձոր համայնքի այն տարածքներում, որտեղ դատախազական ներգործության կամ պետական (համայնքային) շահերի պաշտպանության հայցերի բավարարման արդյունքում՝ անշարժ գույքեր են վերադարձվել համայնքին կամ դրանք համայնքին վերադարձնելու իրավական գործընթացն սկսված է: Պաշտոնյաներն այցելել են դատախազական ներգործության և պետշահերի հայցերի արդյունքում համայնքներին վերադարձված այգիների, այլ անշարժ գույքերի տարածքներ: Դատախազության ջանքերով` Լոռու մարզպետի աշխատակազմի հետ համագործակցությամբ, մարզկենտրոնի հանրային նշանակության օբյեկտները, տարածքները վերադարձվում են քաղաքին։ Այցը՝ կադրերով
Պետական աջակցության ծրագրերը՝ մեկ ուղեցույցում 20.08.2026
ՀՀ էկոնոմիկայի նախարարության պետական աջակցության ծրագրերին այժմ կարող եք ծանոթանալ նաև թերթվող էլեկտրոնային գրքի ձևաչափով։ Ուղեցույցում մեկտեղված են ծրագրերի նպատակները, աջակցության պայմաններն ու հնարավորությունները։ Ծրագրերի վերաբերյալ առավել մանրամասն տեղեկատվությանը կարող եք ծանոթանալ նաև ՀՀ էկոնոմիկայի նախարարության պաշտոնական կայքում՝ ուղեցույցում տեղադրված QR կոդի միջոցով։ Էլեկտրոնային ուղեցույցը՝ https://tinyurl.com/state-support-guide
Լոռու մարզում անցկացվել է օգոստոսյան խորհրդակցություն 20.08.2026
Նոր ուսումնական տարվան ընդառաջ Լոռու մարզում անցկացվել է օգոստոսյան խորհրդակցություն՝ հանրակրթական դպրոցների տնօրենների, վարչատնտեսական համակարգողների, տարածքային մանկավարժահոգեբանական աջակցության կենտրոնների ներկայացուցիչների, ինչպես նաև մարզի կրթական հաստատությունների ղեկավարների մասնակցությամբ։ Խորհրդակցությունը վարել է ՀՀ կրթության, գիտության, մշակույթի և սպորտի նախարարի տեղակալ Արաքսիա Սվաջյանը։ Ողջույնի խոսքով հանդես է եկել Լոռու մարզպետի խորհրդական Հասմիկ Ադամյանը։ Միջոցառմանը ներկա են եղել ԿԶՆԱԿ հիմնադրամի տնօրեն Ժաննա Հարությունյանը, ԿԳՄՍ նախարարության հանրակրթության վարչության պետ Թամարա Սարգսյանը, Լոռու մարզպետի աշխատակազմի կրթության, մշակույթի և սպորտի վարչության պետ Արմինե Երիցյանը, Լոռու մարզպետի աշխատակազմի պատասխանատու այլ պաշտոնյաներ։
Ալավերդի համայնքում նշվել է քաղաքի տոնը 19.08.2026
Տոնական միջոցառմանը դստեր հետ ներկա է եղել Լոռու մարզպետ Արեն Մկրտչյանը՝ շնորհավորելով ալավերդցիներին քաղաքի տոնի առթիվ։ Մարզի ղեկավարն իր խոսքում անդրադարձել է Ալավերդի համայնքում իրականացվող մեծածավալ աշխատանքներին՝ նշելով, որ Կառավարության, Լոռու մարզպետի աշխատակազմի և Ալավերդու համայնքապետարանի համագործակցությամբ հետևողական աշխատանք է տարվում քաղաքի բարեկարգման և զարգացման ուղղությամբ, որի արդյունքներն աստիճանաբար ավելի տեսանելի են դառնում։ Մանրամասները՝ տեսանյութում
