Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Կառավարությունը հաստատել է Լոռիում և Տավուշում աղետից տուժած ընտանիքներին փոխհատուցման կարգը 04.07.2024
ՀՀ Կառավարությունը հուլիսի 4-ին հաստատել է ՀՀ Լոռու և Տավուշի մարզերում 2024 թ. մայիսի 25-26-ը տեղացած հորդառատ անձրևներով պայմանավորված հեղեղումների պատճառով առաջացած արտակարգ իրավիճակի հետևանքով աղետի գոտում ֆիզիկական անձանց պատճառված վնասի փոխհատուցման կարգը: Ըստ այդմ՝ կսահմանվեն արտակարգ իրավիճակի հետևանքով պատճառված վնասի փոխհատուցման շահառուները, փոխհատուցման ենթակա առաջնային վնասները, փոխհատուցման պայմանները և ընթացակարգը, դիմումի ներկայացման և դրա հիման վրա փոխհատուցման տրամադրման կարգը։ Կարգավորվելու է ֆիզիկական անձանց պատճառված վնասի առաջնային փոխհատուցումը, այսինքն՝ արտակարգ իրավիճակի հետևանքով աղետի գոտում ֆիզիկական անձանց բազմաբնակարան շենքի բնակարանին կամ անհատական բնակելի տանը և կենցաղային առաջնային գույքին պատճառված վնասի փոխհատուցումը՝ պայմանավորված բնական կենսաապահովման և առաջնային կարիքների ապահովման անհրաժեշտությամբ։
Դատախազության աշխատողի օրվա կապակցությամբ պարգևատրվել են մի խումբ աշխատակիցներ 03.07.2024
Լոռու մարզպետ Արամ Ղազարյանը հուլիսի 2-ին Լոռու մարզի դատախազությունում ներկա է եղել Դատախազության աշխատողի օրվա կապակցությամբ կազմակերպված միջոցառմանը: Մարզպետ Արամ Ղազարյանը ջերմորեն շնորհավորել է Լոռու մարզի դատախազ Արմեն Շահբազյանին, դատախազության գործընկերներին մասնագիտական օրվա կապակցությամբ՝ մաղթելով աշխատանքային ու մասնագիտական ձեռքբերումներ, բարի ծառայություն: - Ձեր աշխատանքն ունի բազմաթիվ բարդություններ, ինչը ձեզնից պահանջում է բարձր պրոֆեսիոնալիզմ: Բոլորիդ հաջողություն եմ մաղթում ձեր առաքելության իրագործման ճանապարհին: Մաղթում եմ այդ բարդ ճանապարհը մինչև վերջ գնալու կարողություն և վճռականություն,-ասել է Ա. Ղազարյանը:
Իրականացվում է ՀՀ-ում ֆինանսական կրթման ազգային ծրագիր 03.07.2024
ՀՀ կենտրոնական բանկի կողմից իրականացվում է ՀՀ-ում ֆինանսական կրթման ազգային ծրագիրը: Ծրագրի նպատակն է աջակցել ՀՀ բնակչության լայն շրջանակներին ավելի արդյունավետ կառավարել ֆինանսները՝ դրանով իսկ նպաստելով ընտանիքների բարեկեցությանը:
2023-2024 ուստարում անցկացված հանրապետական և միջազգային օլիմպիադաներում, մրցույթներում բարձր արդյունքներ ցուցաբերած Լոռու մարզի դպրոցականներին և նրանց ուսուցիչներին պարգևատրելու նպատակով Լոռու մարզպետի աշխատակազմի նախաձեռնությամբ հուլիսի 2-ին հանդիսավոր միջոցառում էր կազմակերպվել Վանաձորի թիվ 7 հիմնական դպրոցի դահլիճում: Միջոցառմանը ներկա էին Լոռու մարզպետ Արամ Ղազարյանը, մարզպետի աշխատակազմի կրթության, մշակույթի և սպորտի վարչության պետ Գարեգին Քարհանյանը, մարզպետի աշխատակազմի պատասխանատու այլ պաշտոնյաներ, դպրոցների տնօրեններ, աշակերտներ, հյուրեր:
Գյուլագարակի արվեստի դպրոցը կգործի նորակառույց շենքում 02.07.2024
Մարզպետ Արամ Ղազարյանը, Գյուլագարակ համայնքի ղեկավար Խաչիկ Վարդանյանի, մարզպետարանի պատասխանատու պաշտոնայների ուղեկցությամբ հուլիսի 1-ին մասնակցել է Գյուլագարակի արվեստի դպրոցի բացման հանդիսավոր արարողությանը: Արվեստի դպրոցը կառուցվել է ՀՀ կառավարություն-համայնք համատեղ ներդրմամբ իրականացվող սուբվենցիոն ծրագրի շրջանակներում: Ծրագրի արժեքը 74 900 000 դրամ (45 տոկոս՝ ՀՀ Կառավարության և 55 տոկոս համայնքային բյուջեի համաֆինանսավորմամբ: Արվեստի դպրոցը Գյուլագարակ համայնքում գործել է 70-ական թթ.-ից: 1988 թվականի ավերիչ երկրաշարժից դպրոցի շենքը փլուզվել է ,այնուհետև գործել տնակային պայմաններում: 2017թ.-ից դպրոցն իր գործունեությունը ծավալել է համայնքապետարանի տարածքում, իսկ այժմ արդեն կարող է դասապրոցեսը կազմակերպել առավել հարմարավետ պայմաններում:
Քաղաքացիների ընդունելություն Գյուլագարակում 02.07.2024
Մարզի ղեկավարը Գյուլագարակ համայնքում հուլիսի 2-ին անցկացրել է քաղաքացիների ընդունելություն: Բնակիչները հարցեր են բարձրացրել հողահատկացման, հողերի օտարման, սոցիալական աջակցության, բնակարանային պայմանների բարելավման, գյուղատնտեսական աջակցության ծրագրերի, բժշկական օգնության տրամադրման, ջրհեղեղից տուժած բնակարանների, հողատարածքների, ջրամատակարարման վերաբերյալ և այլն:
