Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ ՊՆ Լոռու մարզի զինվորական կոմիսարիատի Վանաձորի բաժանմունքից պարտադիր ժամկետային զինվորական ծառայության մեկնեցին Վանաձոր և Փամբակ համայնքների ամառային զորակոչի առաջին նորակոչիկները: Նրանց ծառայության էին ճանապարհում Լոռու մարզպետի տեղակալ Հովհաննես Ավետիսյանը, Զորակոչային և զորահավաքային համալրման ծառայության Լոռու մարզի տարածքային ստորաբաժանման ղեկավար Սամվել Գևորգյանը, Լոռու մարզպետի աշխատակազմի զորահավաքային նախապատրաստության բաժնի պետ Արմեն Հակոբյանը, իրավապահ մարմինների ներկայացուցիչներ, պաշտոնատար այլ անձինք, զինակոչիկների հարազատներ ու ընկերներ: Ողջունելով ներկաներին՝ Հովհաննես Ավետիսյանը Լոռու մարզպետ Արամ Ղազարյանի և իր անունից տղաներին մաղթեց խաղաղ ու անփորձանք ծառայություն, բարի վերադարձ:
Անցկացվել է օպերատիվ շտաբի հերթական նիստը 21.06.2024
Հունիսի 21-ին Ալավերդու համայնքապետարանում անցկացվել է Լոռու և Տավուշի մարզերում տեղացած հորդառատ անձրևների հետևանքով տեղի ունեցած հեղեղումների առաջացրած արտակարգ իրավիճակի կառավարման նպատակով ձևավորված օպերատիվ շտաբի հերթական նիստը։ Նիստին մասնակցում էին Լոռու մարզպետ Արամ Ղազարյամը, ԱԺ Տարածքային կառավարման, տեղական ինքնակառավարման, գյուղատնտեսության և շրջակա միջավայրի պահպանության հարցերի մշտական հանձնաժողովի նախագահ Վահե Ղալումյանը, Լոռու մարզպետի տեղակալներ Գոռ Ասրյանը, Հովհաննես Ավետիսյանը, Ալավերդու համայնքապետ Դավիթ Ղումաշյանը, աղետի հետևանքների վերացման, աղետի գոտու վերականգնման աշխատանքներին ներգրավված գերատեսչությունների ներկայացուցիչներ և պատասխանատու այլ պաշտոնյաներ:
Անցկացվեց մարզային զորակոչային հանձնաժողովի նիստ 20.06.2024
Հունիսի 19-ին Լոռու մարզպետարանում անցկացվեց Լոռու մարզային զորակոչային հանձնաժողովի նիստը, որը վարում էր հանձնաժողովի նախագահ, Լոռու մարզպետ Արամ Ղազարյանը։ Նիստին ներկա էին հանձնաժողովի անդամներ՝ Լոռու մարզային ոստիկանության պետ, գնդապետ Արթուր Զաքարյանը, ՀՀ ՊՆ ՌՈ Վանաձորի ռազմական ոստիկանության բաժնի պետ, փոխգնդապետ Վահան Անտոնյանը, ՀՀ ՊՆ զորակոչային և զորահավաքային համալրման ծառայության Լոռու մարզի տարածքային ստորաբաժանման ղեկավարի տեղակալ, փոխգնդապետ Հայկ Մանթաշյանը, Լոռու մարզպետի աշխատակազմի զորահավաքային նախապատրաստության բաժնի պետ, մարզային զորակոչային հանձնաժողովի քարտուղար Արմեն Հակոբյանը, զորահավաքային նախապատրաստության բաժնի գլխավոր մասնագետ Մարինե Սարգսյանը:
Լոռու մարզպետը հերթական շրջայցն է կատարել աղետի գոտում 20.06.2024
Լոռու մարզպետ Արամ Ղազարյանը, մարզպետի տեղակալ Հովհաննես Ավետիսյանը, Ալավերդու համայնքի ղեկավարի տեղակալ Հարություն Ձավարյանը, պատասխանատու այլ պաշտոնյաներ հունիսի 19-ին այցելել են Ալավերդի համայնքի հեղեղումներից տուժած Սանահին կայարան թաղամաս: Թաղամասի մաքրման աշխատանքները հիմնականում ավարտված են: Արամ Ղազարյանը զրուցել է բնակիչների հետ, պատասխանել նրանց հարցերին: Մարզի ղեկավարը նշել է, որ ՀՀ կառավարության կողմից առաջիկայում փոխհատուցման հստակ ծրագրեր կառաջարկվեն՝ ուղղված բնակիչներին և տնտեսվարողներին։ Սանահին կայարան թաղամասում ենթակառուցվածքները վերականգնված են: Ջրամատակարարման և ջրահեռացման խնդրի հիմնովին լուծման համար Լոռու մարզպետի կողմից տրվել են հանձնարարականներ:
Լոռու մարզպետ Արամ Ղազարյանը հունիսի 18-ին «ԼՈՖԹ Վանաձորում» մասնակցել է ԼՂ-ից բռնի տեղահանված, Վանաձորում և հարակից համայնքներում բնակություն հաստատած քաղաքացիների հետ հանդիպմանը: Հանդիպումն անց է կացվել Հայաստանի Հանրապետության կառավարության և «ԼՈՖԹ» ՀԿ-ի համագործակցությամբ իրագործվող «Աջակցություն Լեռնային Ղարաբաղից բռնի տեղահանված բնակչության սոցիալականացմանը» ծրագրի շրջանակներում: Մասնակցել են նաև Միասնական սոցիալական ծառայության Վանաձորի տարածքային կենտրոնի տնօրեն Լուսինե Աքմաքչյանը, Լոռու մարզպետի տեղակալ Հովհաննես Ավետիսյանը, Լոռու մարզպետի աշխատակազմի պատասխանատու այլ պաշտոնյաներ:
Աշխատանքային խորհրդակություն 18.06.2024
Հունիսի 17-ին Լոռու մարզպետ Արամ Ղազարյանի գլխավորությամբ անցկացվել է աշխատանքային խորհրդակցություն, որին ներկա են եղել Լոռու մարզպետի տեղակալ Գոռ Ասրյանը, աշխատակազմի գլխավոր քարտուղար Կամո Աշրաֆյանը, մարզպետի աշխատակազմի կառուցվածքային ստորաբաժանումների ղեկավարները, այլ պատասխանատու պաշտոնյաներ: Մարզի ղեկավարը ներկայացրել է Անձնակազմի կառավարման, փաստաթղթաշրջանառության և հասարակայնության հետ կապերի վարչության նորանշանակ պետին՝ Կարինե Ադամյանին՝ մաղթելով աշխատանքային ձեռքբերումներ՝ ի շահ Լոռու մարզի և Հայաստանի Հանրապետության: Կ. Ադամյանն իր հերթին շնորհակալություն է հայտնել վստահության համար: Կառուցվածքային ստորաբաժանումների ղեկավարները հանդես են եկել կատարված աշխատանքների վերաբերյալ ամփոփ հաշվետվություններով, ներկայացրել են ընթացքի մեջ գտնվող և առաջիկայում մեկնարկող ծրագրերը, ընթացիկ խնդիրները:
