Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Հանդիպում Լեռնային Ղարաբաղից բռնի տեղահանված քաղաքացիների հետ՝ Սպիտակ համայնքում 23.05.2024
Լոռու մարզպետ Արամ Ղազարյանի հանձնարարությամբ մայիսի 22-ին մարզպետի տեղակալ Հովհաննես Ավետիսյանը Սպիտակ համայնքում հանդիպում է ունեցել Լեռնային Ղարաբաղից բռնի տեղահանված և Սպիտակ խոշորացված համայնքում բնակություն հաստատած քաղաքացիների հետ: Հանդիպմանը մասնակցել են նաև Սպիտակ համայնքի ղեկավար Քաջայր Նիկողոսյանը, Լոռու մարզպետի աշխատակազմի, Սպիտակի համայնքապետարանի պատասխանատու այլ պաշտոնյաներ, ՄՍԾ տարածքային կառույցի աշխատակիցներ:
Նշվել է Վազգեն Բադալյանի 70-ամյա հոբելյանը 22.05.2024
Լոռու մարզպետի աշխատակազմի նախաձեռնությամբ և Վանաձորի համայնքապետարանի աջակցությամբ Հովհաննես Աբելյանի անվան պետական դրամատիկական թատրոնում տեղի է ունեցել բռնցքամարտի վաստակավոր մարզիչ, ոստիկանության գնդապետ, գեղանկարիչ, ՀՀ ֆիզիկական կուլտուրայի և սպորտի վաստակավոր գործիչ, Հայաստանի նկարիչների միության անդամ, Վանաձորի պատվավոր քաղաքացի, մանկավարժ և հասարակական գործիչ Վազգեն Բադալյանի ծննդյան 70-ամյակին նվիրված հոբելյանական միջոցառումը:
Աշխատանքային խորհրդակցություն 22.05.2024
Մայիսի 20-ին Լոռու մարզպետ Արամ Ղազարյանի գլխավորությամբ անցկացվել է աշխատանքային խորհրդակցություն, որին ներկա են եղել Լոռու մարզպետի տեղակալներ Գոռ Ասրյանը, Հովհաննես Ավետիսյանը, աշխատակազմի գլխավոր քարտուղար Կամո Աշրաֆյանը, մարզպետի աշխատակազմի կառուցվածքային ստորաբաժանումների ղեկավարները, այլ պատասխանատու պաշտոնյաներ:
Հանդիսավորությամբ բացվեց Վանաձորի Ստեփան Աղաջանյանի անվան գեղարվեստի դպրոցի վերակառուցված մասնաշենքը 21.05.2024
Լոռու մարզպետ Արամ Ղազարյանը, Գուգարաց թեմի առաջնորդ գերաշնորհ տեր Հովնան եպիսկոպոս Հակոբյանը, Վանաձոր համայնքի ղեկավարի պաշտոնակատար Արկադի Փելեշյանը, Հայ օգնության ֆոնդի Հայաստանի մասնաճյուղի տնօրեն Բագրատ Սարգսյանը, Հայ օգնության ֆոնդի ծրագրերի տնօրեն Արտո Որբերյանը, բարերար Գուրգեն Եկարեանը, «Կանակա» շինարարական կազմակերպության նախագահ Հայկ Հովիվյանը, այլ պաշտոնատար անձինք, հյուրեր մայիսի 21-ին ներկա են եղել Վանաձորի Ստեփան Աղաջանյանի անվան գեղարվեստի դպրոցի վերակառուցված մասնաշենքի բացմանը:
Քննարկում՝ «ԼՂՀ բնակչության բռնի տեղահանում. նոր մարտահրավերներ համայնքներում» խորագրով 21.05.2024
ՀՀ տարածքային կառավարման և ենթակառուցվածքների նախա¬րա¬րությունը (ՏԿԵՆ)¬ Գերմանական միջազգային համագործակցության ընկերության (ԳՄՀԸ/GIZ¬) կող¬մից իրականացվող «Լավ կառավարում հանուն տեղական զարգացման Հարավային Կովկասում» ծրագրի շրջանակներում մայիսի 17-ին Լոռու մարզպետարանում կազմակերպել էր քննարկում՝ «ԼՂՀ բնակչության բռնի տեղահանում. նոր մարտահրավերներ համայնքներում» խորագրով: Մասնակցում էին Լոռու մարզպետի տեղակալ Հովհաննես Ավետիսյանը, Գերմանական միջազգային համագործակցության ընկերության (ԳՄՀԸ/GIZ¬) ներկայացուցիչներ Արմեն Քեշիշյանը, Գայանե Նալբանդյանը, Մհեր Հակոբյանը, Տաթև Սարգսյանը, մարզպետի աշխատակազմի պատասխանատու պաշտոնյաներ, մարզի համայնքների ներկայացուցիչներ, սոցիալական աշխատողներ:
Թանգարանների միջազգային օրը՝ Լոռի-Փամբակի երկրագիտական թանգարանում 21.05.2024
«Թանգարանների միջազգային օրվա» կապակցությամբ, «Թանգարանային գիշեր» միջացառումների շրջանակում մայիսի 18-ին գեղեցիկ միջոցառումներ էին կազմակերպվել Լոռու մարզի բոլոր թանգարաններում՝ մարզի մշակութասեր հասարակության համար ստեղծելով իսկական տոն: «Լոռի-Փամբակի երկրագիտական թանգարան» էին այցելել Լոռու մարզպետի տեղակալ Հովհաննես Ավետիսյանը, մարզպետի աշխատակազմի կրթության, մշակույթի և սպորտի վարչութան պետ Գարեգին Քարհանյանը, մարզպետի աշխատակազմի այլ պատասխանատու պաշտոնյաներ՝ «Թանգարանների միջազգային օրվա» կապակցությամբ աշխատակիցներին և հյուրերին շնորհավորելու և տոնական ցուցադրության բացմանը ներկա լինելու նպատակով:
