Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Բակային հանդիպումները Վանաձորում շարունակվում են 08.04.2025
Լոռու մարզպետ Արամ Ղազարյանի հանձնարարությամբ՝ մարզպետի տեղակալ Հովհաննես Ավետիսյանը Վանաձոր համայնքի «Քաղաքացիական պայմանագիր» խմբակցության ավագանու անդամների հետ այցելել է Վանաձորի Չուխաջյան թաղամասի 28, 29, 30 և Ռուսթավի 8, 10 շենքերի բակեր, հանդիպել բնակիչների հետ։ Հանդիպումների ընթացքում Հովհաննես Ավետիսյանը նշել է, որ նմանօրինակ հանդիպումների նպատակն է զրուցել քաղաքացիների հետ, արձանագրել նրանց կարիքները, համայնքային խնդիրների վերաբերյալ առաջարկությունները և համատեղ քննարկել համայնքի զարգացման հեռանկարները: Նա ներկայացրել է Վանաձորում պետություն-համայնք համատեղ ներդրմամբ, պետական բյուջեից հատկացված միջոցներով և համայնքապետարանի ֆինանսավորմամբ իրականացված և ընթացիկ ծրագրերի աշխատանքները: Ընդգծել, որ Կառավարությունն իր ուշադրության կենտրոնում է պահում համայնքի տնտեսական զարգացման խնդիրները և առավել արդյունավետ լուծումներ է մշակում:
Լոռու մարզպետ Արամ Ղազարյանի շնորհավորական ուղերձը Մայրության և գեղեցկության տոնի առթիվ 07.04.2025
Սիրելի մայրեր, կանայք, քույրեր, ջերմորեն շնորհավորում եմ ձեզ Մայրության և գեղեցկության տոնի կապակցությամբ: Ինչպես հայտնի է, այս գեղեցիկ խորհրդանշական տոնը քրիստոնեական արմատներ ունի և ազդարարում է Սուրբ Աստվածածնի Ավետման օրը՝ բնության վերազարթոնքը՝ ազդարարելով, որ կնոջն ի վերուստ տրված ամենակարևոր առաքելությունը մայրանալու բերկրանքն է:
Լոռու մարզպետ Արամ Ղազարյանը հյուրընկալել էր ՀՀ ֆիզկուլտուրայի և սպորտի վաստակավոր գործիչ, մանկավարժական գիտությունների դոկտոր, պրոֆեսոր, Վանաձորի պատվավոր քաղաքացի Վանդոս Ղարագյոզյանին, շնորհավորել նրան ծննդյան 85-ամյակի կապակցությամբ: Հանդիպմանը ներկա են եղել նաև Լոռու մարզպետի տեղակալ Հովհաննես Ավետիսյանը, մարզպետի աշխատակազմի պատասխանատու պաշտոնյաներ, ՀՀ գրողների միության Լոռու մարզային բաժանմունքի նախագահ, «Լոռու մարզ» թերթի գլխավոր խմբագիր, բանաստեղծ Մանվել Միկոյանը, դրամատուրգ, երգիծաբան, լրագրող Գագիկ Անտոնյանը: Մարզի ղեկավարը ջերմորեն շնորհավորել է հոբելյարին ծննդյան տարեդարձի առթիվ, բարձր գնահատել նրա պետական, հասարակական, քաղաքական գործունեությունը, անուրանալի վաստակը գիտության, մանկավարժության, ֆիզկուլտուրայի և այլ բնագավառների զարգացման գործում.
ՀՀ կառավարության ապրիլի 3-ի նիստում կայացված որոշմամբ 5 մլն 073.3 հազար դրամ է հատկացվել. Լոռու մարզի Ագարակի միջնակարգ դպրոցի, Վանաձորի ծովակալ Իսակովի անվան թիվ 23 հիմնական դպրոցի, Վանաձորի Խ.Աբովյանի անվան թիվ 9 հիմնական դպրոցի, Վանաձորի Ա.Մաթևոսյանի անվան թիվ 8 հիմնական դպրոցի, Ստեփանավանի Սուրբ Գրիգոր Լուսավորիչի անվան թիվ 2 հիմնական դպրոցի,
ՀՀ կառավարության ապրիլի 3-ի նիստում կայացված որոշմամբ Լոռու մարզպետի աշխատակազմին հատկացնել 24 մլն 915.7 հազ. դրամ՝ ՀՀ Լոռու մարզի Ստեփանավան համայնքի Աշոտաբերդ թաղամասի N 8 շենքի 16 շահառու ընտանիքների համար առաջին անհրաժեշտության պարենային և ոչ պարենային ապրանքների հրատապ ձեռքբերման, հյուրանոցային ծառայությունների փոխհատուցման, ինչպես նաև տուժած բնակիչներին կենցաղային գույքի ձեռքբերման և վարձակալած բնակարանների ընթացիկ տարվա վարձավճարների ֆինանսական աջակցության տրամադրման համար։
ՀՀ ԿԳՄՍ նախարարության նախաձեռնությամբ կազմակերպված «Հայկական համադպրոցական գիտության փառատոնի» 2025 թվականի եզրափակիչ փուլում Լոռու մարզի դպրոցներն արժանացել են 5՝ 1֊ին կարգի, 2՝ 2֊րդ կարգի, 1՝ 3֊րդ կարգի դիպլոմների և 7՝ պատվոգրի: Փառատոնին այս տարի ընդհանուր առմամբ շուրջ 230 սովորող է մասնակցել՝ ներկայացնելով 94 նախագիծ հինգ հիմնական անվանակարգերում՝ մաթեմատիկա-ծրագրավորում, ֆիզիկա-աստղագիտություն, քիմիա, կենսաբանություն, սոցիալական գիտություններ: Եզրափակիչ փուլում նրանք ներկայացրել են հետազոտությունների արդյունքները: Փառատոնին մասնակցել են միջին և ավագ դասարանների աշակերտներ։ Ծրագրի նպատակն է դպրոցահասակների շրջանում գիտական հետազոտությունների նկատմամբ հետաքրքրության սերմանումը, խմբային աշխատանքի, նորարարական նախագծերի իրականացման և դրանց ներկայացման հմտությունների զարգացումը:
