Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀԱՅՏԱՐԱՐՈւԹՅՈՒՆ 30.01.2024
Հարգելի՛ քաղաքացիներ Լոռու մարզպետ Արամ Ղազարյանը փետրվարի 6-ին և փետրվարի 23-ին Լոռու մարզպետարանում կանցկացնի քաղաքացիների ընդունելություն: Ընդունելությանը մասնակցելու համար քաղաքացիները կարող են աշխատանքային օրերին, ժամը՝ 10։00-17։00-ը, նախապես հերթագրվել՝ զանգահարելով մարզպետի օգնական Տիգրան Խաչատրյանին՝ 0322-4-35-33 հեռախոսահամարով։ Մարզպետ Արամ Ղազարյանը քաղաքացիների ընդունելություն կանցկացնի նաև մարզի տարածաշրջաններում: Ընդունելության օրերի մասին լրացուցիչ կտեղեկացվի:
Հայոց բանակի 32-ամյա տարեդարձն է 29.01.2024
ՀՀ զինված ուժերի կազմավորման 32-րդ տարեդարձի առթիվ Լոռու մարզպետ Արամ Ղազարյանը, մարզային և համայնքային իշխանությունների ներկայացուցիչներն այսօր այցելել և ծաղիկներ են խոնարհել ՀՀ և Արցախի Ազգային հերոս, Սպարապետ Վազգեն Սարգսյանի հուշարձանին: Այցելություն է կատարվել նաև Վանաձորի Պանթեոն: Տոնական օրը հպարտության զգացողության հետ շաղախված էր ուրախ ու տխուր հույզերով: Այսօր փառաբանում ենք մեր պանծալի բանակի շարքերը համալրող քաջերին, զինվորներին, սպաներին ու գեներալներին և մյուս կողմից խնկարկում մարտի դաշտում քաջաբար նահատակված մեր հերոսներին: Ներկաները ծաղիկներ են խոնարհել և հարգանքի տուրք մատուցել զոհված զինծառայողների շիրիմներին:
Մարզպետ Արամ Ղազարյանն այսօր խորհրդակցություն է անցկացրել Լոռու մարզի Մեդովկայի դպրոցը և Վանաձորի թիվ 23, 27, 9, Ստեփանավանի ավագ, Ագարակի դպրոցների մարզադահլիճները կառուցող՝ «Տ-Քնսթաքշն» և Հագվիի դպրոցը կառուցող «Նավասարդ շինարար» շինկազմակերպությունների ներկայացուցիչների մասնակցությամբ՝ այդ կառույցներում ՀՀ քաղաքաշինության կոմիտեի և Լոռու մարզպետի աշխատակազմի կողմից արձանագրված թերությունների վերացման ուղղությամբ կատարված աշխատանքները քննարկելու և դրանց ժամկետները հստակեցնելու նպատակով:
Բռնի տեղահանված մեր հայրենակիցների խնդիրները ուշադրության կենտրոնում են 25.01.2024
Լոռու մարզպետ Արամ Ղազարյանը մարզպետի տեղակալ Հովհաննես Ավետիսյանի ուղեկցությամբ այցելել է Վանաձորի նախկին մանկատուն, ուր ժամանակավորապես բնակվում է Լեռնային Ղարաբաղից բռնի տեղահանված 13 քաղաքացի: Նրանց դիմավորել է Վանաձորի նախկին մանկատան աշխատանքները համակարգող և քաղաքացիական բազում նախաձեռնությունների հեղինակ Լիլիա Աբրահամյանը, ով մարզպետին է ներկայացրել ժամանակավոր կացարանում հանգրվան գտած անձանց կեցության պայմանները:
Այցերը ԼՂՀ բռնի տեղահանված ընտանիքներ շարունակվում են 25.01.2024
Մարզպետ Արամ Ղազարյանի հանձնարարությամբ մարզպետի տեղակալ Գոռ Ասրյանն այցելել է Տաշիր համայնք, որտեղ պետական սեփականություն հանդիսացող վարչական շենքում, որը հարմարեցվել է՝ որպես ժամանակավոր կացարան, բնակվում է Լեռնային Ղարաբաղից բռնի տեղահանված 15 ընտանիք՝ 50 անձ։ Նրան ուղեկցել է համայնքի ղեկավար Էդգար Արշակյանը: Գոռ Ասրյանը զրուցել է քաղաքացիների հետ, հաղորդակից դարձել նրանց կողմից բարձրացված խնդրներին: Քաղաքացիներից մի քանիսը նշել են, որ որոշ փաստաթղթերի բացակայության պատճառով չեն ստացել պետական աջակցության գումարները, բարձրաձայնվել է նաև կենցաղային որոշ իրերի անհրաժեշտության պահանջը: Որպես հիմնական խնդիր, սակայն, նշել են, աշխատանքի տեղավորման հարցը:
Քննարկում է ծավալվել ընտանիքում անչափահաս երեխաների իրավունքների խախտման մեկ դեպքի վերաբերյալ 25.01.2024
Այսօր Լոռու մարզպետի տեղակալ Հովհաննես Ավետիսյանի, Լոռու մարզպետի աշխատակազմի առողջապահության և սոցիալական ոլորտի հարցերի վարչության պետ Ռուզաննա Պողոսյանի, վարչության պատասխանատու պաշտոնյաների, ՀՀ քննչական կոմիտեի Լոռու մարզային վարչության, ՀՀ Ներքին գործերի նախարարության ՈԼՄՎ Թումանյանի բաժնի անչափահասների գործերով և ընտանիքում բռնության կանխարգելման բաժանմունքի ներկայացուցիչների, Ալավերդի համայնքի սոցիալական աշխատողների մասնակցությամբ հանգամանալի քննարկում է ծավալվել ընտանիքում անչափահաս երեխաների իրավունքների խախտման մեկ դեպքի վերաբերյալ:
