Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
«Լոռի Բերդում շուտով կունենանք իրավիճակ, երբ 1 սմ հիմնանորոգման ենթակա ճանապարհ չի մնա»․ Արեն Մկրտչյան
12.10.2026
Լոռի Բերդ բնակավայրում վերջին 5 տարիներին իրականացվել են ճանապարհային ենթակառուցվածքների բարելավման, հանրային
նշանակության կառույցների հիմնանորոգման և գյուղատնտեսության զարգացմանն ուղղված մի շարք աշխատանքներ։
Այս ընթացքում բնակավայրում 2,3 կմ ճանապարհ սալարկվել է տուֆ քարով, ասֆալտապատվել է մեկ փողոց։ Ճանապարհաշինական աշխատանքներում, ՀՀ կառավարության և համայնքի համատեղ միջոցներով ներդրվել է շուրջ 90 մլն դրամ։
Բնակավայրն ամբողջությամբ ապահովված է արտաքին լուսավորությամբ։ Հիմնանորոգվել են հանդիսությունների սրահն ու համայնքային կենտրոնը, ձեռք են բերվել հակակարկտային կայաններ և գյուղտեխնիկա։
Ընդհանուր առմամբ, վերջին հինգ տարիներին Լոռի Բերդ բնակավայրում իրականացվել են շուրջ 320 մլն դրամի աշխատանքներ՝ ուղղված ենթակառուցվածքների բարելավմանը և բնակավայրի զարգացմանը։
Լոռու մարզպետ Արեն Մկրտչյանն այցելել է Լոռի Բերդ բնակավայր։ Համայնքի ղեկավար Արայիկ Ներսիսյանի ուղեկցությամբ շրջել է գյուղում, ծանոթացել իրականացված աշխատանքներին։
