Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Ստեփանավանի տարածաշրջանում կստեղծվի հատապտղային խորը սառեցման սառնարանային տնտեսություն 22.04.2025
Լոռու մարզպետ Արամ Ղազարյանն ապրիլի 22-ին ընդունել է ԵՄ կողմից ֆինանսավորվող և Ավստրիական զարգացման գործակալության կողմից համաֆինանսավորվող «Կանաչ գյուղատնտեսության նախաձեռնությունը Հայաստանում» ծրագրի թիմի ղեկավար Պասխալիս Բոկկերսին և ծրագրի համակարգող Վադիմ Ուզունյանին: Հանդիպմանը մասնակցել է նաև Լոռու մարզպետի աշխատակազմի գյուղատնտեսության և շրջակա միջավայրի պահպանության վարչության պետ Արուս Թումանյանը:
Աշխատանքային խորհրդակցություն 22.04.2025
Լոռու մարզպետ Արամ Ղազարյանը ապրիլի 22-ին անցկացրել է հերթական աշխատանքային խորհրդակցությունը՝ մարզպետի տեղակալ Հովհաննես Ավետիսյանի, մարզպետի աշխատակազմի կառուցվածքային ստորաբաժանումների ղեկավարների, պատասխանատու այլ պաշտոնյաների մասնակցությամբ: Խորհրդակցության ընթացքում անդրադարձ է կատարվել նախորդ շաբաթվա ընթացքում իրականացված աշխատանքներին, տրված հանձնարարականների կատարման ընթացքին, առաջիկայում նախատեսված ծրագրերին: Տրված հանձնարարականների համաձայն՝ ամփոփ տեղեկատվություններ են ներկայացվել քաղաքաշինության, կրթության, առողջապահության, գյուղատնտեսության, ֆինանսական, անձնակազմի կառավարման, զարգացման ծրագրերի, արտաքին կապերի և այլ ոլորտներում իրականացված և ընթացքի մեջ գտնվող աշխատանքների վերաբերյալ:
Սուրբ Հարության Ճրագալույցի Սուրբ Պատարագը Վանաձորի Սուրբ Մարիամ Աստվածածին եկեղեցում 21.04.2025
Ապրիլի 19-ին Սուրբ Հարության Ճրագալույցի Սուրբ Պատարագը Վանաձորի Սուրբ Մարիամ Աստվածածին եկեղեցում մատուցվեց Գուգարաց թեմի առաջնորդ Գերաշնորհ Տեր Հովնան եպիսկոպոս Հակոբյանի հանդիսապետությամբ: Սուրբ Հարության Ճրագալույցի Սուրբ Պատարագին ներկա էին Լոռու մարզպետ Արամ Ղազարյանը, Վանաձոր համայնքի ղեկավարի պաշտոնակատար Արկադի Փելեշյանը, այլ պաշտոնատար անձինք, հավատացյալներ։
Հայ Առաքելական եկեղեցին տոնում է Հիսուս Քրիստոսի հրաշափառ Հարության տոնը 20.04.2025
Ապրիլի 20-ին Հայ Առաքելական եկեղեցին տոնում է Հիսուս Քրիստոսի հրաշափառ Հարության տոնը։ Այսօր առավոտյան, Գուգարաց թեմի բոլոր եկեղեցիներում մատուցվեց զատկական Սուրբ Պատարագ: Վանաձորի Սուրբ Գրիգոր Նարեկացի առաջնորդանիստ եկեղեցում պատարագիչն էր թեմակալ առաջնորդ տեր Հովնան եպիսկոպոս Հակոբյանը: Պատարագին ներկա էին մարզային և համայնքային իշխանությունների ներկայացուցիչներ, այլ պաշտոնյաներ, հավատացյալներ։ Սրբազան հայրը Սուրբ Հարության ավետիսով շնորհավորեց ներկաներին, մշտապես հայ եկեղեցու կողքին գտնվող և աջակցող բարերարներին, հավատացյալ ժողովրդին։
Հուշարձանների և տեսարժան վայրերի պահպանության միջազգային օրվա կապակցությամբ այսօր «Լոռի-Փամբակի երկրագիտական թանգարանը» «Պատմամշակութային ժառանգության գիտահետազոտական կենտրոն» ՊՈԱԿ-ի հետ համատեղ հերթական անգամ հանդես եկավ բացառիկ ցուցադրությամբ, որը կրում էր «Լոռե Բերդ. դարերի արձագանք» խորագիրը: «Լոռե Բերդ» բերդաքաղաքը Լոռու մարզի ամենաբազմաշերտ մշակութային արժեքները ներկայացնող համալիրն է, որտեղ վերջին տարիներին կատարվել են հնագիտական լուրջ պեղումներ «Պատմամշակութային ժառանգության գիտահետազոտական կենտրոնի» կողմից և հայտնաբերվել են բազմաթիվ արժեքավոր, եզակի նմուշներ: Վերջիններիս մի մասը, վերականգնումից հետո, այսօր ցուցադրվում էին առաջին անգամ:
Շրջայց է իրականացվել բուժհաստատություններում 17.04.2025
Լոռու մարզպետ Արամ Ղազարյանի հանձնարարությամբ՝ Լոռու մարզպետի աշխատակազմի առողջապահության և սոցիալական ոլորտի հարցերի վարչության պետ Ռուզաննա Պողոսյանը ՀՀ ԱՆ ՀՎԿԱԿ «Լոռի» մասնաճյուղի մասնագետների հետ այցելել է Սպիտակի բժշկական կենտրոն, Մեծ Պարնիի առողջության կենտրոն և Ջրաշենի բժշկական ամբուլատորիա՝ ՀՀ Առողջապահության նախարարի հրամանով ստեղծված լաբորատորիաներում որակի կառավարման համակարգի ներդրման համապատասխանությունը գնահատելու նպատակով ուսումնասիրություններ իրականացնելու համար: Տնօրեններին հանձնարարվել է աշխատանքները կազմակերպել բացառապես սահմանված նորմերին համապատասխան:
