Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
«Ծնողներին խոստանում եմ` մանկապարտեզը սեղմ ժամկետում գործելու է». Լոռու մարզպետ 17.10.2025
110 երեխա 15 ամիս սպասում է Ալավերդու թիվ 6 մանկապարտեզի բացմանը։ Հիմնանորոգումն արվել է թերություններով, աշխատանքը չի ընդունվել։ Լոռու մարզպետ Արեն Մկրտչյանը շինարարական կազմակերպությանը մինչև նոյեմբերի 1-ը ժամկետ է տվել թերությունները վերացնելու համար՝ նախազգուշացնելով, որ հակառակ դեպքում ընկերությունը հայտնվելու է սև ցուցակում։ «Ծնողներին խոստանում եմ` մանկապարտեզը սեղմ ժամկետում գործելու է»,- նշել է մարզի ղեկավարը։
«Ալավերդիում մեկնարկում են զարգացման խոշոր ծրագրեր». Լոռու մարզպետ 16.10.2025
Մոտ 5.7 մլրդ դրամ կամ շուրջ 15 մլն դոլար է կազմում Ալավերդի համայնքի 2025թ. հաստատված (1 մլրդ 977 մլն դրամ, աշխատանքներն ընթացքի մեջ են) և 2026-ին ծրագրվող (մոտ 3.7 մլրդ դրամ) սուբվենցիոն ծրագրերի փաթեթը։ Այս հաշվարկում ներառված չեն կառավարության ուղիղ ֆինանսավորմամբ իրականացվող և սպասվող մասշտաբային ծրագրերը։ Հրավիրված խորհրդակցությանը Լոռու մարզպետ Արեն Մկրտչյանը համայնքի ղեկավար Դավիթ Ղումաշյանի հետ մանրամասն վերլուծել են ծրագրերը, համայնքի բյուջեն։
Բերքահավաքը և «Բերքի տոն-2025» տոնահանդեսը` Լոռու մարզում 16.10.2025
«Շնորհակալ եմ ձեր աշխատանքի համար, սիրելի գյուղացիներ»,- նշել է Լոռու մարզպետ Արեն Մկրտչյանը: Հոկտեմբերի 18-ին, ժամը 11:00-ին Լոռու մարզպետի աշխատակազմի նախաձեռնությամբ Դսեղի գյուղամիջյան հրապարակում տեղի կունենա «Բերքի տոն-2025» տոնահանդեսը։ Սպասվում է համերգային ծրագիր, 40 տաղավարում ներկայացվելու է մարզի տեղական արտադրանքը, լավագույն գյուղատնտեսները պարգևատրվելու են։ Բոլորիդ հրավիրում ենք։
«37 տարի սպասել եք, դուք տուն ունեք. աչքներդ լույս լինի». Լոռու մարզպետ Արեն Մկրտչյան 15.10.2025
88-ամյա Շահվալադ պապը` Սպիտակի Լեռնանցք գյուղի ամենատարեց բնակիչը, 37 տարի սպասել է ավերիչ երկրաշարժից կորցրած տան փոխհատուցմանը։ ՀՀ կառավարությունը լուծել է տասնամյակների վաղեմության հերթական խնդիրը։
Լոռու մարզպետ Արեն Մկրտչյանն անցկացրել է գործակարգավարական խորհրդակցություն 15.10.2025
«Պետք է պատասխանատվություն վերցնենք մեզ վրա․ քաղաքացուն հետաքրքրում է միայն իր հարցի լուծումը։ Մենք կամ հարց լուծող ենք, կամ՝ չլուծող։ Արդյունքն է կարևոր, մնացածը՝ պատճառաբանություններ ու արդարացումներ։ Մենք այս մարզի համար պատասխանատու ենք»,- նշել է մարզի ղեկավարը: Քննարկվել են կրթության ոլորտում տարվող աշխատանքներն ու դրանց արդյունավետության բարձրացման քայլերը, կառավարության ֆինանսական աջակցությամբ մարզում իրականացվող դպրոցների, մանկապարտեզների և ճանապարհների շինարարական ծրագրերի ընթացքի, ապօրինի կառույցների և տնակային ավանների գույքագրման, ինչպես նաև քաղաքացիների ընդունելության ընթացքում բարձրացված հարցերի լուծմանը, համայնքային խնդիրներին ուղղված մի շարք հարցեր։
155 մլն դրամ. հիմնանորոգվել է Վանաձորի Բաղրամյան էստակադան 14.10.2025
Պետական բյուջեի` 155 մլն դրամ ֆինանսավորմամբ հիմնանորոգվել է Վանաձորի Բաղրամյան էստակադան։ Սա մարզկենտրոնի հարավային մուտքն է։ Իրականացվել են` • Ասֆալտապատման • Ջրամեկուսացման • Հիմքերի և կարանների ամրացման • Ճաղաշարերի վերականգնման • Գծանշման աշխատանքներ
