Լոռու մարզպետի աշխատակազմ

Լոռու մարզում ամփոփվել են «Հայաստանի Հանրապետության Վարչապետի գավաթ» սիրողական սեղանի թենիսի մրցաշարի մարզային փուլի արդյունքները:
Մրցաշարին մասնակցել են Ալավերդու, Վանաձորի, Սպիտակի, Ստեփանավանի, Տաշիրի համայնքային փուլի հաղթող մասնակիցները՝ 30 թիմ, 120 մասնակից:
Մարզային փուլի 5-9-րդ դասարանների խմբում հաղթող է ճանաչվել Վանաձորի թիվ 20 դպրոցը, 10-12-րդ դասարանների խմբի հաղթող՝ Վանաձորի թիվ 11 դպրոցը:
Հաղթող թիմերը կմասնակցեն «Հայաստանի Հանրապետության վարչապետի գավաթ» սիրողական սեղանի թենիսի մրցաշարի հանրապետական փուլին:
Միջոցառումը նպատակ ունի նպաստել դպրոցականների առողջության պահպանմանը, խթանել առողջ կենսակերպի ձևավորումը նրանց շրջանում, ինչպես նաև զարգացնել սեղանի թենիսի նկատմամբ հետաքրքրությունը, ընդլայնել դրա տարածումը և բացահայտել խոստումնալից մարզիկներին։

Մանրամասները՝ տեսանյութում