Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Լոռու մարզպետ Անդրեյ Ղուկասյանն հուլիսի 24-ին աշխատանքային այցող եղավ Սպիտակի տարածաշրջանի Հարթագյուղ, Լոսաղբյուր, Մեծ Պարնի, Ծաղկաբեր և Լեռնապատ համայնքներում: Մարզի ղեկավարը նախ ծանոթացավ սուբվենցիոն ծրագրով իրականացվող ոռոգման ջրագծի կառուցման ընթացքին: Ծրագրի ընդհանուր արժեքը 28.9 մլն դրամ է, ջրագծի երկարությունը՝ 1850 մետր: Համայնքի ղեկավար Անդրանիկ Հարությունյանը մարզպետին տեղեկացրեց, որ ջրագծի կառուցմամբ համայնքային անջրդի հողերի զգալի մասը կդառնան ոռոգելի, ինչի հետևանքով զարկ կտրվի հողագործությանը:
Գուգարքի տարածաշրջանի համայնքներում հիմնականում կողմ են խոշորացման գործընթացին 25.07.2019
Հուլիսի 24-ին Լոռու մարզպետի տեղակալ Գայանե Մարկոսյանը, ՀՀ տարածքային կառավարման և ենթակառուցվածքների նախարարության Տեղական ինքնակառավարման քաղաքականության վարչության պետ Աշոտ Գիլոյանը և մարզպետարանի մի խումբ պատասխանատու պաշտոնյաներ հանդիպում-քննարկումներ անցկացրեցին Գուգարքի տարածաշրջանի Փամբակ, Քարաբերդ, Վահագնաձոր, Եղեգնուտ, Վահագնի, Անտառամուտ, Ձորագյուղ, Ձորագետ համայքներում՝ շարունակելով ներկայացնել առաջիկայում նախատեսվող համայնքների խոշորացման ծրագրերը, հարցի վերաբերյալ ՀՀ կառավարության նախնական մոտեցումները և խոշորացման ծրագրի դրական փորձը: Հանդիպումների շարքը սկսվեց Փամբակ, ապա նաև շարունակվեց մյուս համայնքներում՝ ավագանու անդամների, համայնքների աշխատակազմերի, ակտիվ բնակչության:
Լոռու մարզի Արջուտ, Բազում, Ազնվաձոր, Դեբեդ, Դսեղ և Չկալով համայնքներում ՀՀ տարածքային կառավարման և ենթակառուցվածքների նախարարության Տեղական ինքնակառավարման քաղաքականության վարչության պետ Աշոտ Գիլոյանը և Լոռու մարզպետարանի ՏԻ և ՀԳՄ հարցերով վարչության ՏԻ և ՀԾ հարցերով բաժնի պետ Ժիրայր Ղազարյանը հանդիպեցին բնակիչների հետ։ Աշոտ Գիլոյանը տեղեկացրեց, որ խոշորացման այս փուլում նախատեսվում է մարզի 56 համայնքներից 45-ում իրականացնել գործընթացը՝ արդյունքում ձևավորելով համայնքային 13 փունջ:
Այսօր Լոռու մարզպետ Անդրեյ Ղուկասյանն ընդունեց ճանաչողական այցով Լոռու մարզ ժամանած Ռուսաստանի Դաշնության արտակարգ և լիազոր դեսպան, նորին գերազանցություն Սերգեյ Կոպիրկինին: Վերջինիս ուղեկցում էին ՌԴ առևտրի հարցերով ներկայացուցիչ Անդրեյ Բաբկոն, դեսպանատան մշակութային և հումանիտար համագործակցության խորհրդատու Սվետլանա Կոսինչիկովան, մամլո կցորդ Ալեքսանդր Գուչկովը: Հանդիպմանը ներկա էին նաև մարզպետի տեղակալ Գայանե Մարկոսյանը, խորհրդական Լևոն Ասլանյանը և օգնական Ռուբեն Խանզադյանը:
Մարգահովիտ համայնքում Հայաստանում առաջին անգամ անցկացվեց Հապալասի փառատոն 22.07.2019
«ԷՅ ԹԻ ՓԻ» բարեգործական հիմնադրամի նախաձեռնությամբ Լոռու մարզի Մարգահովիտ համայնքում Հայաստանում առաջին անգամ անցկացվեց Հապալասի փառատոն: Փառատոնի նպատակն էր տարածել հապալասի մշակումը, ինչպես նաև ներկայացնել էկոտուրիզմի հնարավորություններն այդ շրջանում: Միջոցառմանն աջակցում էր Հայաստանում Եվրոպական միության պատվիրակությունը և Արեգակ ունիվերսալ վարկային կազմակերպությունը: Փառատոնին իրենց մասնակցությունն էին բերել Լոռու մարզպետի տեղակալ Գայանե Մարկոսյանը, մարզպետարանի պաշտոնյաներ,Եվրոպական միության դեսպան Պյոտր Սվիտալսկին, ԱԺ պատգամավորներ, բազմաթիվ հյուրեր, զբոսաշրջիկներ:
«Սոլար Գրուպ» ընկերությունը գործարարներին առաջարկում է նպաստավոր պայմաններ 22.07.2019
Հուլիսի 19-ին Լոռու մարզպետարանը «Սոլար Գրուպ»-ի հետ համատեղ կազմակերպել էր հանդիպում-իրազեկում՝ մարզում արևային էներգիայի օգտագործումը խթանելու նպատակով: Հանդիպման ընթացքում «Սոլար Գրուպ»-ի մասնագետները ներկայացրեցին մարզում արևային էներգետիկայի զարգացման հնարավորությունները, ինչպես նաև մարզի գործարար հատվածին տրվող արտոնություններն ու պայմանները: Հանդիպումը վարում էր Լոռու մարզպետարանի Զարգացման ծրագրերի, զբոսաշրջության և վերլուծության բաժնի գլխավոր մասնագետ Անի Բաղդասարյանը:
