Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Օձուն բնակավայրում մեկնարկել են նոր երաժշտական դպրոցի հիմնանորոգման աշխատանքները 07.05.2026
Նախկինում երաժշտական դպրոցը գործում էր մանկապարտեզի մասնաշենքի երկրորդ հարկում, ինչը խոչընդոտում էր նախադպրոցական տարիքի երեխաների բնականոն առօրյային, հատկապես՝ քնի ժամերին։ Խնդրի կարգավորման նպատակով Հայաստանի Հանրապետության կառավարությունը համայնքին հատկացրել է առանձին պետական մասնաշենք։ Համայնքի և Շվեդիայի միջազգային զարգացման գործակալության համագործակցությամբ շենքն այժմ հիմնանորոգվում է։ Ծրագրի ընդհանուր արժեքը շուրջ 90 մլն դրամ է։ Լոռու մարզպետ Արեն Մկրտչյանն այցելել է Օձուն, ծանոթացել իրականացվող աշխատանքներին, քննարկել ծրագրի ընթացքն ու ժամկետները։ Մարզի ղեկավարի դիտարկմամբ՝ նման ծրագրերը կարևոր են, քանի որ բարելավում են կրթության պայմանները և ընդլայնում երեխաների զարգացման հնարավորությունները։ Մանրամասները՝ տեսանյութում
Ալավերդու քաղաքային լճի տարածքը՝ լայնածավալ վերակառուցման փուլում 06.05.2026
Ալավերդի համայնքում ընթանում են քաղաքային լճի տարածքի վերակառուցման և բարեկարգման լայնածավալ աշխատանքներ։ Վերակառուցվող տարածքը կունենա հետևյալ ենթակառուցվածքները՝ • լուսաձայնային շատրվաններ, • ժամանակակից ամֆիթատրոն՝ մշակութային միջոցառումների կազմակերպման համար, • մանկական խաղահրապարակ և մարզահրապարակ, • ճեմուղիներ և հանգստի կանաչապատ գոտիներ։ Շինաշխատանքների ավարտից հետո Ալավերդին կունենա միջազգային չափանիշներին համապատասխանող, բազմաֆունկցիոնալ քաղաքային զբոսայգի։ Ավելի վաղ տեղեկացրել էինք, որ Լոռու մարզպետի և համայնքի ղեկավարի մասնակցությամբ քննարկումների արդյունքում լճի տարածքը վերադարձվել է Ալավերդուն՝ ի շահ համայնքի զարգացման։ Կադրերում ներկայացված է նախագծի թվային տարբերակը։ Մանրամասները՝ կադրերում
Լոռու մարզի թիմերը՝ առաջին հորիզոնականում 06.05.2026
Լոռու մարզպետ Արեն Մկրտչյանը և մարզպետի աշխատակազմը ջերմորեն շնորհավորում են Վանաձորի թիվ 20 հիմնական և Վանաձորի թիվ 11 ավագ դպրոցներին՝ «ՀՀ վարչապետի գավաթ» սեղանի թենիսի սիրողական մրցաշարի եզրափակիչ փուլում արձանագրած փայլուն հաջողությունների համար։ Մաղթում ենք նորանոր ձեռքբերումներ և նվաճումներ՝ թե՛ սպորտում, թե՛ ուսման մեջ։ Հիշեցնենք, որ Չարենցավանի Արա Մանուկյանի անվան մարզադպրոցում օրերս անցկացվել է «ՀՀ վարչապետի գավաթ» սեղանի թենիսի սիրողական մրցաշարի եզրափակիչ փուլը։ Մրցաշարում հաջողությամբ են հանդես եկել Լոռու մարզի դպրոցականները՝ գրանցելով հաղթական արդյունքներ։ 5-9-րդ դասարանների մրցապայքարում հաղթողի կոչմանն են արժանացել Վանաձորի թիվ 20 հիմնական, իսկ 10-12-րդ դասարանների պայքարում՝ Վանաձորի թիվ 11 ավագ դպրոցների թիմերը։ Մրցանակակիրներին մրցաշարի հաջող անցկացման առթիվ շնորհավորել է ԿԳՄՍ նախարար Ժաննա Անդրեասյանը։ Հաղթողներն ու մրցանակակիրները պարգևատրվել են ՀՀ կրթության, գիտության, մշակույթի և սպորտի նախարարության հավաստագրերով, գավաթներով, մեդալներով և դրամական պարգևներով։
Ալավերդի քաղաքի կարևոր խորհրդանիշներից մեկը՝ քաղաքային լիճը, վերադարձվել է համայնքին 05.05.2026
Լոռու մարզպետ Արեն Մկրտչյանի տեղեկացմամբ՝ իր և համայնքի ղեկավարի հետ քննարկումների արդյունքում լճի տարածքի երկու սեփականատեր հրաժարվել են իրենց սեփականության իրավունքից՝ ի շահ համայնքի զարգացման։ «Շնորհակալ ենք և բարձր ենք գնահատում արված քայլը»,- նշել է մարզի ղեկավարը։ Քաղաքային լճի տարածքում այժմ իրականացվում են լայնածավալ շինարարական և բարեկարգման աշխատանքներ։ Մանրամասները՝ տեսանյութում
Ֆուտբոլի աշխարհի մինչև 20 տարեկանների 2029 թվականի առաջնության խաղերը՝ նաև Վանաձորում 05.05.2026
Վանաձորը պատրաստվում է աննախադեպ իրադարձության՝ ընդունելու ֆուտբոլի աշխարհի մինչև 20 տարեկանների 2029 թվականի առաջնության խաղերը։ ՀՀ կառավարության ապրիլի 30֊ի նիստում Լոռու մարզպետ Արեն Մկրտչյանը ներկայացրել է Վանաձորում իրականացվող նախապատրաստական աշխատանքները՝ կապված ֆուտբոլի աշխարհի երիտասարդական առաջնության խաղերի անցկացման հետ։ Հիշեցնենք, որ Հայաստանը և Վրաստանը համատեղ կընդունեն մրցաշարը։ Հայաստանում խաղերը նախատեսվում է անցկացնել Երևանում, Վանաձորում և Իջևանում։ Մանրամասները տեսանյութում՝
Վանաձորը Ֆուտբոլի աշխարհի երիտասարդական առաջնության հյուրընկալող քաղաքներից մեկն է 30.04.2026
Հայաստանում կկայանա Ֆուտբոլի աշխարհի 2029 թվականի երիտասարդական առաջնությունը։ Հայաստանյան խաղերը կանցկացվեն Երևանում, Վանաձորում և Իջևանում։ «Եվս մեկ շնորհավորելու առիթ ունեմ. Վանաձորը ֆուտբոլի աշխարհի երիտասարդական առաջնության հյուրընկալող քաղաքներից մեկն է»,- նշել է Լոռու մարզպետ Արեն Մկրտչյանը։ Հիշեցնենք, որ Հայաստանը և Վրաստանը համատեղ կհյուրընկալեն Ֆուտբոլի աշխարհի մինչև 20 տարեկանների 2029 թվականի առաջնությունը։
