Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Տեղեկատվական կենտրոն

Նորություններ

Ինչպե՞ս հնարավոր դարձավ Վանաձորի համար 45 նոր ավտոբուսների ձեռքբերումը․ մանրամասնում է մարզպետը 09.11.2026

Վանաձորի համար 45 նոր ավտոբուսների ձեռքբերումը հնարավոր է դարձել երկու կարևոր հանգամանքի շնորհիվ՝ ՀՀ կառավարության կողմից համայնքին հատկացվող ֆինանսավորման ավելացման և ծրագրի հաստատման ուղղությամբ ամիսներ շարունակ գործադրված ջանքերի արդյունքում։ Այս մասին նշել է Լոռու մարզպետ Արեն Մկրտչյանը՝ ներկայացնելով ծրագրի իրականացման ճանապարհին ունեցած հիմնական ձեռքբերումները։ Մարզպետի խոսքով՝ ՀՀ կառավարությունը Վանաձորի բյուջեին հատկացվող տարեկան ֆինանսավորումն ավելացրել է 2,5 միլիարդ դրամով (շուրջ 7 միլիոն ԱՄՆ դոլարով)։ Նա ընդգծել է, որ առանց Կառավարության աջակցության ավտոբուսների ձեռքբերումը դժվար իրագործելի կլիներ։ Արեն Մկրտչյանի խոսքով՝ երկրորդ կարևոր գործոնը ծրագրի հաստատման ուղղությամբ իր 7 ամիս շարունակ հետևողական աշխատանքն է։ Մոտ մեկ տարվա ընդմիջումից հետո մարտի 9-ին կայացած ավագանու նիստում, ի վերջո, հաստատվել էր ավտոբուսների ձեռքբերման ծրագիրը։

Վանաձորի նոր ավտոբուսները՝ ժամանակակից հագեցվածությամբ և հարմարավետության նոր պայմաններով 09.11.2026

Ավտոբուսների տեխնիկական առանձնահատկություններն ու ուղևորների հարմարավետության համար նախատեսված պայմանները Չինաստանի Ժողովրդական Հանրապետությունից՝ անմիջապես «Դոնգֆենգ Մոթոր Քորփորեյշն» ավտոարտադրող ընկերության արտադրամասից, ներկայացրել է Լոռու մարզպետ Արեն Մկրտչյանը։ Մարզի ղեկավարը նաև փորձնական վարում է իրականացրել՝ անձամբ ծանոթանալով Վանաձորի համար ձեռք բերված նոր ավտոբուսների հարմարավետությանն ու ֆունկցիոնալ հնարավորություններին։ Չինաստանում տեղի է ունեցել նաև 45 նոր ավտոբուսների հանձնման հանդիսավոր արարողությունը։ Առաջիկայում ավտոբուսները կուղևորվեն Հայաստան՝ համալրելու Վանաձորի հանրային տրանսպորտի համակարգը։ Մանրամասները՝ տեսանյութում

«Խոստացել էի՝ արվում է»․ Լոռու մարզպետը՝ Վանաձորի Տարոն-4 թաղամասի ճանապարհի հիմնանորոգման մասին 06.11.2026

Կառավարություն-համայնք համաֆինանսավորմամբ շուրջ 1.5 մլն դոլար է ներդրվում Վանաձորի Տարոն-4 թաղամասի ճանապարհի հիմնանորոգման համար։ Արդեն տեղադրվել է 1350 մետր հեղեղատար խողովակ։ Կիրականացվի 1.8 կմ ճանապարհի երկշերտ ասֆալտապատում՝ 10 սմ ընդհանուր հաստությամբ։ Կկառուցվեն նաև սալիկապատ մայթեր։ Աշխատանքների ավարտին ճանապարհը կգծանշվի և կկահավորվի անհրաժեշտ ճանապարհային նշաններով։ Մանրամասները՝ տեսանյութում

Վանաձորի համար նախատեսված 45 նոր ավտոբուսներն արտադրված են․ երեք օրից կուղևորվեն մարզկենտրոն 06.11.2026

Լոռու մարզպետ Արեն Մկրտչյանն աշխատանքային այցով գտնվում է Չինաստանի Ժողովրդական Հանրապետությունում՝ Վանաձորի համար ձեռք բերված 45 ավտոբուսների մատակարարման գործընթացին առնչվող հարցերի քննարկման և տեղում աշխատանքները համակարգելու նպատակով։ «Ուբեյ նահանգից շնորհավորում եմ վանաձորցիներին․ 45 ավտոբուսներն արտադրված են, երեք օրից կճանապարհվեն մարզկենտրոն»,- հայտնել է Լոռու մարզպետ Արեն Մկրտչյանը։ Վանաձորի համար նախատեսված 45 ավտոբուսների ձեռքբերման ընդհանուր արժեքը գերազանցում է 4.5 միլիոն ԱՄՆ դոլարը։ Տարիներ շարունակ վանաձորցիներին սպասարկած հնամաշ տրանսպորտային միջոցներին կփոխարինեն նոր, ժամանակակից ավտոբուսները։

«Տասնամյակներ սպասված. 4 ամիս առաջ խոստացա, 4 ամիս անց սկսեցինք Դարպասի ճանապարհի հիմնանորոգումը». Լոռու մարզպետ 05.11.2026

Մեկնարկել են տասնամյակներ շարունակ սպասված Դարպաս բնակավայրի ճանապարհի հիմնանորոգման աշխատանքները։ Ընդամենը 3-3.5 մետր լայնություն ունեցող հին ու քայքայված ճանապարհը վտանգավոր էր երթևեկության համար։ Տարիների ընթացքում այս հատվածում գրանցվել են բազմաթիվ ավտովթարներ։ Ծրագրով նախատեսվում է ճանապարհի լայնացում և հիմնանորոգում։ Աշխատանքների ավարտից հետո ճանապարհը կունենա ասֆալտապատ երթևեկելի հատված, ջրահեռացման համակարգ, սալարկված մայթեր և ճանապարհային գծանշումներ։ Մանրամասները՝ տեսանյութում

Լեռնապատի միջնակարգ դպրոցը հիմնանորոգվել է 04.11.2026

Կառավարությունը ծրագրի իրականացման համար ներդրել է 283 միլիոն դրամ։ Դպրոցը համալրվել է նաև նոր գույքով: Սեպտեմբերի 1-ից աշակերտները դասերն անցկացնում են հիմնանորոգված դպրոցում։ Լոռու մարզպետ Արեն Մկրտչյանը շրջայց է կատարել Լեռնապատի դպրոցում: Մանրամասները՝ տեսանյութում: https://www.youtube.com/shorts/jAKCNdF5cas

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2026-11-18 11:41:54