Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
«Մարզկենտրոնի կառավարման ճգնաժամը լուծված է». Լոռու մարզպետ 10.03.2026
Մոտ մեկ տարվա դադարից հետո՝ մարտի 9-ին, կայացել է Վանաձոր համայնքի ավագանու նիստը՝ ավագանու 17 անդամի մասնակցությամբ։ Անդրադառնալով նիստի կայացմանը՝ Լոռու մարզպետ Արեն Մկրտչյանը նշել է. «Մարզկենտրոնի կառավարման ճգնաժամը լուծված է։ 5 ամիս շարունակ տասնյակ հանդիպումներ, ժամեր տևած քննարկումներ եմ ունեցել ավագանու նիստի կայացման նպատակով` հավատալով, որ հանուն Վանաձորի զարգացման ավագանու նիստը կայանալու է»: Նիստի ընթացքում հաստատվել է մոտ 32 մլն դոլար արժողությամբ ծրագրային փաթեթ, որն աննախադեպ ծավալ է մարզկենտրոնի պատմության ընթացքում: Մանրամասները՝ տեսանյութում
Արեն Մկրտչյանի գլխավորությամբ քննարկվել են ընթացիկ աշխատանքները 06.03.2026
Լոռու մարզպետն աշխատակազմում անցկացրել է հերթական գործակարգավարական խորհրդակցությունը։ Տրվել են հանձնարարականներ մի շարք ուղղություններով, ինչպես նաև ներկայացվել և ամփոփվել են կատարված աշխատանքները։ Մանրամասները՝ տեսանյութում
Լոռու մարզպետի շնորհակալագրին է արժանացել սամբոյի Եվրոպայի չեմպիոն Գոռ Հարությունյանը 06.03.2026
Լոռու մարզպետ Արեն Մկրտչյանը սամբոյի Եվրոպայի գործող չեմպիոն, աշխարհի գավաթակիր, վանաձորցի Գոռ Հարությունյանին պարգևատրել է շնորհակալագրով։ Մարզպետը բարձր է գնահատել մարզիկի ձեռքբերումները և ընդգծել, որ նման հաջողությունները բարձրացնում են Լոռու մարզի հեղինակությունը։ «Չեմպիոնները, ուսուցիչները, բժիշկները, արվեստագետները պետք է լինեն Լոռու մարզի և մարզկենտրոնի այցեքարտը»,- նշել է մարզի ղեկավարը։
Լոռու մարզպետը շնորհակալագրով է պարգևատրել երիտասարդ երաժիշտ Նարեկ Նասիբյանին 06.03.2026
Վանաձորում ապրում և ստեղծագործում է տաղանդավոր երաժիշտ՝ 22-ամյա սաքսոֆոնահար Նարեկ Նասիբյանը։ Սաքսոֆոնից բացի Նարեկը տիրապետում է ևս ութ երաժշտական գործիքի։ Նա ակտիվորեն ներգրավված է մարզկենտրոնի մշակութային կյանքում։ Լոռու մարզպետ Արեն Մկրտչյանն անակնկալ այցելել է Նարեկ Նասիբյանի ստեղծագործական կենտրոն և երիտասարդ երաժշտին պարգևատրել շնորհակալագրով։ Մանրամասները՝ տեսանյութում
Հանդիպում մարզպետի հետ. Ախթալայում 45-օրյա գործադուլն ավարտվել է 04.03.2026
Լոռու մարզպետ Արեն Մկրտչյանն օրերս ընդունել է Ախթալայի լեռնահարստացման կոմբինատի 52 աշխատակցի: Հանդիպումից հետո դադարեցվել է 45 օր տևած գործադուլը, աշխատակիցները վերադարձել են աշխատանքի։ Հանդիպմանը մասնակցել է նաև ընկերության տնօրենը, ով հանձնառություն է ստանձնել բավարարել աշխատանքային պայմանների բարելավման վերաբերյալ ներկայացված 4 հիմնական պահանջները։
Լոռու մարզպետն այցելել է «Գլորիա» կարի ֆաբրիկա 03.03.2026
2750 աշխատակից. «Մերսեդես», «Վոլկսվագեն», «Բի Էմ Դաբլյու» ընկերությունների մասնագետների արտահագուստը կարվում է Լոռու մարզկենտրոն Վանաձորում՝ «Գլորիա» կարի ֆաբրիկայում: Լոռու մարզպետ Արեն Մկրտչյանն այցելել է «Գլորիա» կարի ֆաբրիկա, ընկերության հիմնադիր Բագրատ Դարբինյանին հանձնել շնորհակալագիր՝ Լոռու մարզում ծավալած տնտեսական գործունեության համար։ Ընկերությունն իր արտադրանքն արտահանում է եվրոպական ավելի քան 10 երկիր, խոշոր հարկատու է, օգտվում է Կառավարության աջակցության ծրագրերից։ Մանրամասները՝ տեսանյութում
