Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Եվս մեկ սպասված ծրագիր՝ Վանաձորում 29.07.2026
Կառավարությունը հաստատել է Վանաձորի Մյասնիկյան փողոցի հիմնանորոգման սուբվենցիոն ծրագիրը։ Ծրագրի նախահաշվային արժեքը կազմում է 652 մլն դրամ, իսկ հիմնանորոգվող ճանապարհահատվածի երկարությունը՝ 1.8 կմ։ Նախատեսվում է իրականացնել 10 սմ հաստությամբ երկշերտ ասֆալտապատում, մայթերի սալարկում, ջրահեռացման համակարգի կառուցում, ինչպես նաև ստորգետնյա խողովակաշարերի փոխարինում։ Մանրամասները՝ տեսանյութում
Սպիտակի 6 նոր երթուղայինները շուտով կսկսեն սպասարկել բնակիչներին․ ուղևորափոխադրումն անվճար կլինի 29.07.2026
Սպիտակ համայնքի համար ձեռք բերված նոր երթուղայինները օգոստոսի 1-ից դուրս կգան երթուղի՝ ապահովելով համայնքի բնակավայրերի և քաղաքի միջև կանոնավոր ուղևորափոխադրում։ Երթուղայինների շահագործման նախապատրաստական աշխատանքներին և ծառայության կազմակերպման ընթացքին տեղում ծանոթանալու նպատակով Լոռու մարզպետ Արեն Մկրտչյանն այցելել է Սպիտակ համայնք։ Հանդիպման ընթացքում քննարկվել են երթուղիների գործարկման, ինչպես նաև ծառայության արդյունավետ կազմակերպմանն առնչվող հարցեր։ Մանրամասները՝ տեսանյութում
Լոռու մարզպետի նախաձեռնությամբ Ազնվաձորի բազմազավակ ընտանիքը սեփական տանիք ունի 29.07.2026
Լոռու մարզպետ Արեն Մկրտչյանն Ազնվաձորում անակնկալ է մատուցել Արմինեին, ով մինչև այժմ իր հինգ երեխաների հետ ապրում էր ծանրագույն պայմաններում։ Մարզպետի նախաձեռնությամբ Արմինեն այսուհետ կունենա սեփական տուն։ Այցի ընթացքում մարզի ղեկավարը դստեր՝ Մարիայի հետ միասին անձամբ է այցելել ընտանիքին՝ կիսելու նրանց ուրախությունը։ «Որոշել էի, որ Արմինեն իր հինգ երեխաների հետ չի ապրելու ծանրագույն պայմաններում, և այսօր այդ որոշումն իրականություն դարձավ։ Չեմ թաքցնի՝ անչափ երջանիկ եմ»,- նշել է Լոռու մարզպետը։ Մանրամասները՝ տեսանյութում
Ներդրվում է 6 մլն դոլար․ Օձունում կառուցվում է նոր գերժամանակակից կրթահամալիր 27.07.2026
Զրոյից կառուցվող կրթահամալիրի շինարարությունն ամբողջությամբ ֆինանսավորվում է պետական բյուջեի միջոցներով։ Շինարարական աշխատանքներն ընթանում են առաջանցիկ տեմպերով։ Լոռու մարզպետ Արեն Մկրտչյանն այցելել է շինհրապարակ, ծանոթացել ընթացիկ աշխատանքներին, ընդգծել ծրագրի՝ սահմանված ժամկետներում ու որակով իրականացման կարևորությունը։ Մանրամասները՝ տեսանյութում
Վանաձորի Ներսիսյան նրբանցք 10 հասցեում գտնվող բազմաբնակարան շենքում շարունակվում են նոր վերելակի տեղադրման աշխատանքները։ Լոռու մարզպետ Արեն Մկրտչյանը հետևել է աշխատանքների ընթացքին, շրջել հարակից թաղամասում, այցելել մի շարք բակեր, ծանոթացել առկա խնդիրներին և բնակիչների հետ քննարկել հետագա աշխատանքների առաջնահերթությունները, նրանց կողմից բարձրացված հարցերն ու առաջարկները։ Մանրամասները՝ տեսանյութում
Արեն Մկրտչյանն Ալավերդում գնահատել է քաղաքի վերափոխման ընթացքը 24.07.2026
«Ալավերդին ծաղկում է. ալավերդցիներն այս օրվան տասնամյակներով սպասել են: Եվ սա շատ ոգևորող է, քանի որ տեղացիները երկար տարիներ տխրեցնող մի արտահայտությամբ էին բնորոշում Ալավերդին` մեռնող քաղաք։ Ալավերդին այսօր վերածնվող քաղաք»,- նշել է Լոռու մարզպետ Արեն Մկրտչյանը՝ հերթական աշխատանքային շրջայցի ընթացքում թվարկելով քաղաքում իրականացվող և նախատեսվող ծրագրերը: Մանրամասները՝ տեսանյութում
