Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Անցկացվել է ՀՀ վարչապետի որոշմամբ ստեղծված միջգերատեսչական աշխատանքային խմբի առաջին նիստը 28.03.2025
Լոռու մարզպետ Արամ Ղազարյանը մարտի 27-ին ՀՀ տարածքային կառավարման և ենթակառուցվածքների նախարարությունում մասնակցել է Վարչապետ Նիկոլ Փաշինյանի որոշմամբ ստեղծված միջգերատեսչական աշխատանքային խմբի առաջին նիստին։ Նիստն անց է կացվել ՀՀ ՏԿԵ նախարար Դավիթ Խուդաթյանի գլխավորությամբ։ Նիստին մասնակցել են Կադաստրի կոմիտեի նախագահ Սուրեն Թովմասյանը, Քաղաքաշինության կոմիտեի նախագահ Եղիազար Վարդանյանը, ՏԿԵՆ փոխնախարար Վարդան Կոստանյանը, Շրջակա միջավայրի և Էկոնոմիկայի փոխնախարարներ Տիգրան Գաբրիելյանն ու Արման Խոջոյանը, ՀՀ մյուս մարզերի մարզպետները։
ՀՀ կառավարության մարտի 27-ի նիստում ընդունված որոշմամբ 6 մլն 607.9 հազար դրամ է հատկացվել մի շարք մարզային նշանակության ավտոճանապարհների, կամուրջների հիմնանորոգման նախագծա-հետազոտական, գեոդե¬զիաքար¬տե¬զագրական աշխատանքների իրականացման նպատակով: Այդ թվում՝ Լոռու մարզի Վանաձոր քաղաքի Վարդանանց փողոցի հիմնանորոգում՝ 1 մլն 107.4 հազար դրամ, Մ-6,Վանաձոր (Մ-3 հատման կետ) – Ալավերդի - ՀՀ սահման միջպետական նշանակության ավտոճանապարհի 43-րդ կմ-ում փլուզված ստորին հենապատի վերակառուցում ՝ 832.5 հազար դրամ
Մարտի 27-ին՝ Թատրոնի միջազգային օրվա առթիվ, միջոցառում էր կազմակերպվել Վանաձորի թատերարվեստի ներկայացուցիչների մասնակցությամբ: Միջոցառումը կազմակերպվել էր Վանաձորի տիկնիկային թատրոնի նախասրահում, որին ներկա էին Լոռու մարզպետի տեղակալ Հովհաննես Ավետիսյանը, Գուգարաց թեմի առաջնորդ Գերաշնորհ Տեր Հովնան եպիսկոպոս Հակոբյանը, Վանաձոր համայնքի ղեկավարի պաշտոնակատար Արկադի Փելեշյանը, Լոռու մարզպետի աշխատակազմի, Վանաձորի համայնքապետարանի պատասխանատու պաշտոնյաներ, Վանաձորի Հովհաննես Աբելյանի անվան պետական դրամատիկական, տիկնիկային և «Բոհեմ» թատրոնների գործիչներ, հյուրեր:
Հաստատվել է 2025թ. Բուսաբուծության աջակցության ծրագիրը. նախատեսված է ծախսերի 50%-ը փոխհատուցում 27.03.2025
ՀՀ կառավարության որոշմամբ մինչև 100 հա մակերեսով հացահատիկային (աշնանացան և գարնանացան ցորեն, գարնանացան գարի, եգիպտացորեն, վարսակ, հաճար), հատիկաընդեղեն (ոլոռ, լոբի, ոսպ, սիսեռ) և կերային մշակաբույսերի (առվույտ, կորնգան, կերի ճակնդեղ) մշակության 1 հա հաշվով կատարվող հիմնական աշխատանքների (վարի, ցանքի, բերքահավաքի) և սերմի արժեքի համար նախատեսված ծախսերի 50%-ը կփոխհատուցվի։
Լոռու մարզպետը պարգևատրել է մշակույթի վաստակավոր մի շարք գործիչների 26.03.2025
Մարզպետ Արամ Ղազարյանը մարտի 26-ին հանդիպել է Լոռու մարզը ներկայացնող մշակույթի վաստակավոր գործիչների հետ, որոնք տարվա ընթացքում հոբելյանական տարեդարձ են նշել: Հանդիպմանը ներկա էին նաև Լոռու մարզպետի տեղակալ Գոռ Ասրյանը, աշխատակազմի գլխավոր քարտուղար Կամո Աշրաֆյանը, պատասխանատու պաշտոնյաներ: Արամ Ղազարյանը բարձր է գնահատել արվեստի բնագավառի ներկայացուցիչների բազմամյա ստեղծագործական ուղին, շնորհակալություն հայտնել նրանց Լոռու մարզի մշակութային կյանքի զարգացման գործում ունեցած զգալի ներդրումների համար և շնորհավորել է հոբելյանական տարվա կապակցությամբ:
Մարտի 26-ին Լոռու մարզպետ Արամ Ղազարյանը հյուրընկալել է Հայաստանի Հանրապետության Գյումրի համայնքում Ռուսաստանի Դաշնության գլխավոր հյուպատոս Իգոր Տիտովին: Հանդիպմանը ներկա է եղել նաև Լոռու մարզպետի աշխատակազմի գլխավոր քարտուղար Կամո Աշրաֆյանը: Մարզի ղեկավարը շնորհավորել է հյուպատոսին պատասխանատու պաշտոն ստանձնելու կապակցությամբ և հույս հայտնել, որ համագործակցությունը երկու կառույցների միջև կշարունակվի՝ հնարավորություն տալով առավել ընդլայնելու գործակցության ոլորտները:
