Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Տեղեկատվական կենտրոն

Նորություններ

«Քո արվեստը դպրոցում. մասնագիտության որոնումներում»

«Քո արվեստը դպրոցում. մասնագիտության որոնումներում» 07.10.2022

ՀՀ կրթության, գիտության, մշակույթի և սպորտի նախարարության աջակցությամբ «Երախաների հատուկ ստեղծագործական կենտրան» ՊՈԱԿ-ը 2022 թ. իրականացնում է «ՔՈ ԱՐՎԵՍՏԸ ԴՊՐՈՑՈՒՄ. մասնագիտության որոնումներում» հանրապետական ծրագիրը: Ծրագիրը միտված է երեխաների մասնագիտական կողմնորոշմանը, հոգևոր զարգացմանը, արվեստի ճյուղերի ճանաչմանն ու հայ արվեստագետների հանրային ճանաչելիության բարձրացմանը:

«Ուսուցչի օրվա» կապակցությամբ պարգևատրվել են մարզի մի խումբ վաստակաշատ ուսուցիչներ

«Ուսուցչի օրվա» կապակցությամբ պարգևատրվել են մարզի մի խումբ վաստակաշատ ուսուցիչներ 06.10.2022

վաստակաշատ ուսուցիչներ «Ուսուցչի օրվա» կապակցությամբ Լոռու մարզպետարանում հյուրընկալվել էին մի խումբ վաստակաշատ ուսուցիչներ: Լոռու մարզպետ Արամ Խաչատրյանի և իր անունից նրանց շնորհավորել է փոխմարզպետ Գոռ Ասրյանը՝ ընդգծելով ուսուցչի աշխատանքի կարևորությունը պետության և հասարակության համար: - Հարգարժա՛ն ուսուցիչներ, սրտանց շնորհավորում եմ ձեզ մասնագիտական տոնի առթիվ, անսպառ ուժ ու եռանդ եմ մաղթում: Ձեր կրթած ու դաստիարակած, հայրենասեր սաներն այսօր, թշնամուն դեմ առ դեմ կանգնած, խիզախորեն պաշտպանում մեր սրբազան Հայրենիքի սահմաններն ու պահպանում մեր անդորրը։ Մաղթում եմ ձեզ խաղաղ, բեղմնավոր մանկավարժական գործունեություն և ամուր առողջություն, - մասնավորպես ասել է Գ. Ասրյանը:

Դարպասի միջնակարգ դպրոցը «Սմարթ» դասասենյակ ունի

Դարպասի միջնակարգ դպրոցը «Սմարթ» դասասենյակ ունի 06.10.2022

Ուսուցչի օրը» Դարպաս բնակավայրի միջնակարգ դպրոցում նշանավորվեց «Սմարթ» դասասենյակի բացմամբ։ Դպրոցականների կրթության որակը բարելավելու և նորաբաց «Սմարթ» դասասենյակի հնարավորություններն ավելացնելու նպատակով «Ջենեսիս Արմենիա» հիմնադրամը դպրոցին է նվիրել ինտերակտիվ խելացի գրատախտակ և հոգացել դասասենյակի հատակի երեսպատման ծախսերը։ Այլ բարերարների օժանդակությամբ էլ դասասենյակը հագեցվել է ժամանակակից համակարգիչներով։ Դասասենյակի ընդհանուր նորոգումը կիրականացվի դպրոցի կողմից տնտեսված միջոցների հաշվին:

Անցկացվեց «Հաշմանդամություն ունեցող անձանց հարցերով զբաղվող Լոռու մարզային հանձնաժողովի» արտագնա նիստ

Անցկացվեց «Հաշմանդամություն ունեցող անձանց հարցերով զբաղվող Լոռու մարզային հանձնաժողովի» արտագնա նիստ 06.10.2022

Այսօր Վանաձորի «ՀԿ կենտրոնում» անցկացվեց «Հաշմանդամություն ունեցող անձանց հարցերով զբաղվող Լոռու մարզային հանձնաժողովի» արտագնա նիստ, որը վարում էր Լոռու մարզպետի տեղակալ Գոռ Ասրյանը: Հանձնաժողովի քարտուղար, մարզպետարանի առողջապահության և սոցիալական ապահվության վարչության սոցիալական ապահովության բաժնի պետ Վալերի Ջաղինյանը համառոտ տեղեկատվություն հաղորդեց այն առաջարկությունների և կարծիքների մասին, որոնք Լոռու մարզպետարանը ներկայացրել է hաշմանդամության հիմնախնդիրների վերաբերյալ ՀՀ կառավարության մի շարք որոշումների նախագծերի առնչությամբ:

Լոռու մարզպետի տեղակալն այցելել է մարզի տարածքում գտնվող հապալասի ամենաընդարձակ այգին

Լոռու մարզպետի տեղակալն այցելել է մարզի տարածքում գտնվող հապալասի ամենաընդարձակ այգին 05.10.2022

Լոռու մարզպետի տեղակալ Գոռ Ասրյանը մարզպետարանի գյուղատնտեսության և բնապահպանության վարչության պետ Արուս Թումանյանի ուղեկցությամբ այցելել է բարձրարժեք հապալասի մշակությամբ զբաղվող «Դենդրո Գարդեն» ՓԲԸ։ Փոխմարզպետը շրջել է տնտեսության տարածքում, ծանոթացել տարածքում ընկերության ծավալած գործունեությանը և հատապտղի աճեցման մեխանիզմներին։ Ներկայացնելով «Դենդրո Գարդեն» ՓԲԸ-ի ընթացիկ աշխատանքները և զարգացման ծրագրերը՝ ընկերության տեղամասի պետ Կարեն Զալինյանը նշել է, որ 10 հա այգին հիմնվել է 2021 թվականին, անցած տարվա ընթացքում ներդրվել են օրգանիկ ձևով մշակման տեխնոլոգիաներ, անցկացվել է կաթիլային ոռոգման համակարգ։ Այգում բարձրարժեք հապալասի 10 տեսականի կա, որոնք հաջորդ տարվանից բավարար բերքատվություն կապահովեն։

Առողջությանն ընդառաջ. Վանաձորում անցկացվեց միջազգային  առողջապահական գիտաժողով

Առողջությանն ընդառաջ. Վանաձորում անցկացվեց միջազգային առողջապահական գիտաժողով 04.10.2022

«Եվրոպա Դոննա Արմենիա» կազմակերպությունը Լոռու մարզպետարանի աջակցությամբ Վանաձորում անցկացրեց առողջապահական գիտաժողով՝ կարևորելով մարզային բժիշկների ներգրավվածությունը արդի կոնֆերանսներին և նպատակ ունենալով բարձրացնել քաղցկեղի մասին տեղեկացվածությունը մարզում: «Առողջությանն ընդառաջ. քաղցկեղի վաղ հայտնաբերման կարևորությունը, բուժումը» թեմայով գիտաժողովը վարում էին միջազգային հեղինակավոր բժիշկներ Երևանից, Մոսկվայից և Վալենսիայից, մասնակցում էին Լոռու մարզի առողջության առաջնային պահպանման օղակի, հիվանդանոցային և այլ առողջապահական հաստատությունների բուժաշխատողներ:

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2023-01-26 15:37:20