Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Ա. Նալբանդյան. ,,Մի քանի անպարտաճանաչ հարկատուների պատճառով կարող է տուժել ողջ համայնքը,, 19.03.2013
Մարտի 18-ին Լոռու մարզպետ Արթուր Նալբանդյանն անցկացրեց հերթական աշխատանքային խորհրդակցությունը: Նա նախ և առաջ անդրադարձավ մարզի մի շարք համայնքներում տեղեկատվական համակարգերի տեղադրման գործընթացին: Լոռու մարզպետարանի աշխատակազմի ղեկավար Աշոտ Մանուկյանը տեղեկացրեց, որ որոշակի խնդիրներ են ծագել, քանի որ համայնքներից մի քանիսը համակարգերի տեղադրման նպատակով համայնքային բյուջեով գումարներ չեն նախատեսել: Մարզպետն առաջարկեց խորհրդակցություն հրավիրել նշված համայնքների ղեկավարների մասնակցությամբ՝ ծագած խնդիրները հարթելու նպատակով:
Ամփոփվեց ռուսերեն լեզվով ասմունքի ,,Կենդանի դասական,, մարզային մրցույթը 18.03.2013
Լոռու մարզպետարանում օրերս անցկացվեց ռուսերեն լեզվով ասմունքի ,,Կենդանի դասական,, մրցույթ, որին մասնակցեցին մարզի դպրոցական փուլերում հաղթած 7-րդ դասարանի աշակերտները: Մրցույթը անցկացվեց ՀՀ ԿԳ նախարարության, ,,Ռոսսոտրուդնիչեստվո,, կազմակերպության և Երևանում Մոսկվայի տան նախաձեռնությամբ:
Սեմինար՝ նվիրված միգրացիայի կարգավորմանը 17.03.2013
ՀՀ ՏԿՆ Միգրացիոն պետական ծառայությունը «Մարդկային զարգացման միջազգային կենտրոն» ՀԿ հետ համագործակցությամբ կազմակերպում է իրազեկման հանդիպումներ և սեմինար-քննարկումներ: Միջոցառումների նպատակն է միգրացիայի ոլորտում լիազորություններ ու գործունեություն իրականացնող պետական, հասարակական և մասնավոր կազմակերպություններին, ինչպես նաև ԶԼՄ ներկայացուցիչներին ծանոթացնել միգրացիայի ոլորտում ՀՀ կողմից վարվող քաղաքականության առանձնահատկություններին, նոր զարգացումներին, ԵՄ հետ ՀՀ հարաբերությունների շրջանակներում ձևավորված նոր իրողությունների ու համագործակցության խնդիրներին, ՀՀ-ից միգրացիայի, այդ թվում՝ աշխատանքային միգրացիայի կանոնակարգման և կարգավորման խնդիրներին: Լոռու մարզում սեմինարը կանցկացվի ս/թ մարտի 20-ին` ժ. 11-ից Լոռու մարզպետարանի դահլիճում:
Լեռնապատ համայնքն ունի հրատապ լուծում պահանջող խնդիրներ 16.03.2013
Լոռու մարզպետ Արթուր Նալբանդյանը աշխատանքային հերթական այցով Գուգարքի տարածաշրջանի Լեռնապատ համայնքում էր: Նա քաջածանոթ է համայնքի խնդիրներին: Գյուղի մանկապարտեզն այժմ չի գործում ցրտի պատճառով: Մանկապարտեզը ժամանակին կաթսայատուն է ունեցել, տնակը ջեռուցվել է: Հիմա չի տաքացվում, ջրամատակարարումը խափանված է՝ արդեն մի քանի տարի: Գյուղի մանկապարտեզի քարե շենքը երկրաշարժի ժամանակ է քանդվել, 1989-ին նախակրթարանը մի կերպ տեղավորվել է փայտաշեն, անհարմար տնակում, ուր մինչ օրս գործում է: Մանկապարտեզը աշխատում է ընդամենը մի քանի ամիս՝ մայիսից հոկտեմբեր: Այն առավելագույնը 25 երեխա կարող է ընդունել: Տնօրենը համոզված է՝ նախակրթարանի վերակառուցման դեպքում հաճախող փոքրիկների թիվն անհամեմատ կավելանա: Համայնքի նոր ղեկավար Սարիբեկ Աբազյանը ևս մանկապարտեզի կառուցման հետ մեծ հույսեր է կապում: Նոր նախակրթարանի համար նույնիսկ նախնական տեղն է որոշվել:
Լոռու մարզային փրկարարական վարչությունը նախազգուշացնում է 15.03.2013
Մարտի 15-ից 17-ը Հայաստանի Հանրապետության և Լոռու մարզի տարածքում սպասվում է ջերմաստիճանի կտրուկ բարձրացում, իսկ մարտի 17-ի գիշերը՝ լույս 18-ին, տեղումներ` անձրևի տեսքով, որի ընթացքում հնարավոր է գետերում և գետակներում ջրի մակարդակի բարձրացում: Երեկ, ինչպես նաև այսօր ու վաղը հանրապետության տարածքը կգտնվի Աֆրիկայի հյուսիսային շրջաններից սկիզբ առած հզոր տաք օդի ալիքի ազդեցության գոտում, որի արդյունքում կդիտվի ջերմաստիճանի կտրուկ բարձրացում՝ մարտի 12-ի համեմատ մոտ 8-10 աստիճանով: Առավելագույն ջերմաստիճանը նշված օրերին կտատանվի՝ լեռնային շրջաններում՝ +11...+16 ասիճան, Լոռում՝ +17…+22 աստիճան:
Քաղաքացիների ընդունելություն 14.03.2013
Լոռու մարզպետի որոշմամբ քաղաքացիների ընդունելության օրեր են սահմանվել յուրաքանչյուր ամսվա երկրորդ և չորրորդ հինգշաբթի օրերը: Մարտի 14-ին Լոռու մարզպետարանում անցկացվեց քաղաքացիների ընդունելություն Վանաձոր քաղաքի և Գուգարքի տարածաշրջանի բնակիչների համար: Քաղաքացիներին հուզող հարցերը լսեց Ա. Նալբանդյանը: Ընդունելությանը մասնակցում էին նաև փոխմարզպետ Տիգրան Բադոյանը, Լոռու մարզպետարանի կրթության, մշակույթի և սպորտի վարչության պետ Մինաս Սայադյանը, առողջապահության և սոցիալական ապահովության վարչության պետ Սամվել Լամբարյանը, մարզպետի խորհրդական Լևոն Ասլանյանը: Շուրջ 40 քաղաքացիներ ներկայացրին իրենց հուզող խնդիրները, որոնք հիմնականում առնչվում էին առոջապահական, բնակարանային խնդիրներին, ավանդների փոխհատուցմանը:
