Տեղեկատվական կենտրոն
Նորություններ
Լոռի-Փամբակի երկրագիտական թանգարանի ցուցանմուշները կհարստացվեն
03.03.2016
Լոռու մարզպետ Արթուր Նալբանդյանի հետ «Պատմամշակութային ժառանգության կենտրոնի» փոխտնօրեն, պրոֆեսոր, հնագետ, պատմաբան Հակոբ Սիմոնյանի հանդիպումը խոստումնալից ձեռնարկումների մեկնարկ կանխորոշեց: Հնագետը, ով ծնունդով վանաձորցի է, ի թիվս այլ հնավայրերի, շուրջ 17 տարի ղեկավարում է նաև Լոռի Բերդի պեղումները, և ցանկություն հայտնեց մարզում տուրիզմի զարգացմանը նպաստելու նպատակով ծրագիր իրականացնել Վանաձորի Լոռի-Փամբակի երկրագիտական թանգարանում՝ Լոռի Բերդի գտածոները թանգարանին նվիրելու, նոր ցուցադրություններ կազմակերպելու, եռալեզու (հայերեն, ռուսերեն, անգլերեն) կատալոգ հրատարակելու նպատակով:
Մարզպետ Արթուր Նալբանդյանը ողջունեց հնագետի նախաձեռնությունը: Այդ ծրագրերն իրականացնելու ուղղությամբ գործնական քայլեր անելու վերաբերյալ պայմանավորվածություն ձեռք բերվեց: