Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Տնակային, խարխուլ շինությունից՝ ժամանակակից ու գեղեցիկ մանկապարտեզ 15.09.2026
Վանաձորի թիվ 4 մանկապարտեզը հիմնանորոգվել և ամբողջությամբ վերակառուցվել է՝ համայնքի փոքրիկ բնակիչների համար։ Կառավարություն-համայնք համաֆինանսավորմամբ ծրագրի իրականացման համար ներդրվել է 165 մլն դրամ։ Նորակառույց մանկապարտեզը նախատեսված է 70 սանի համար։ Լոռու մարզպետը շրջայց է կատարել մանկապարտեզում, ծանոթացել իրականացված աշխատանքներին և երեխաների համար ստեղծված նորագույն պայմաններին։ Մանրամաները՝ տեսանյութում
«Tour of Armenia» միջազգային բազմօրյա հեծանվավազքի 2-րդ օրվա երթուղին անցկացվել է Լոռու մարզում՝ միջազգային սպորտային հարթակում լայնորեն ներկայացնելով մարզի տպավորիչ ճանապարհներն ու բնապատկերները: Այս միջազգային մարզական իրադարձությունը բացառիկ հնարավորություն էր Լոռու մարզի զբոսաշրջային հսկայական ներուժը, պատմամշակութային գոհարներն ու հիասքանչ բնաշխարհն աշխարհին ցուցադրելու, ինչպես նաև մարզում առողջ ապրելակերպն ու սպորտը հանրահռչակելու համար: Հայաստանում առաջին անգամ անցկացվող «Tour of Armenia» միջազգային հեծանվավազքի մրցմանը մասնակցում են աշխարհի 16 երկրից ժամանած հեծանվորդներ, իսկ մրցաշարը հեռարձակվում է աշխարհի մի շարք հեռուստաընկերություններով։ Լոռու մարզով անցնող 93 կմ երկարությամբ հեծանվավազքը եզրափակվել է Ստեփանավանում։ Մանրամասները՝ տեսանյութում
Ուսանողական փողոցը նորոգվում է․ Լոռու մարզպետը հետևել է աշխատանքների ընթացքին 11.09.2026
Վանաձորի Ուսանողական փողոցը հիմնանորոգվում է։ Այս պահին իրականացվում են փողոցի ասֆալտապատման և մայթերի բարեկարգման աշխատանքներ։ Առաջին շերտի ասֆալտապատումն իրականացվել է 6 սմ հաստությամբ և այժմ գտնվում է փորձաքննության փուլում։ Հաջորդ փուլում նախատեսվում է կատարել 4 սմ հաստությամբ երկրորդ շերտը։ Միաժամանակ սալարկվում են մայթերը։ Աշխատանքների ընթացքին ծանոթացել է Լոռու մարզպետ Արեն Մկրտչյանը։ Մանրամասները՝ տեսանյութում
Հայտարարություն 10.09.2026
Հայաստանում առաջին անգամ անցկացվող միջազգային հեծանվավազքի «Tour of Armenia» մրցաշարի շրջանակում նախատեսվում են երթևեկության սահմանափակումներ: Հարգելի՛ քաղաքացիներ, Սեպտեմբերի 10-13-ը Հայաստանում առաջին անգամ կանցկացվի UCI Europe Tour-ի միջազգային հեծանվավազքի «Tour of Armenia» մրցաշարը։ Մրցաշարը միջազգային չափանիշներին համապատասխան և անվտանգ անցկացնելու նպատակով նշված օրերին հանրապետության մի շարք ավտոճանապարհներին և փողոցներում երթևեկությունը ժամանակավորապես կսահմանափակվի։ Մասնավորապես՝
Լոռու մարզպետ Արեն Մկրտչյանը հերթական շրջայցն է կատարել Օձունում՝ տեղում ծանոթանալով համայնքում իրականացվող շինարարական ծրագրերի ընթացքին։ Մարզի ղեկավարը նշել է, որ մարզում իրականացվող յուրաքանչյուր շինարարական ծրագրի ընթացքը գտնվում է մարզային իշխանությունների ուշադրության ներքո։ Օձունի մանկապարտեզի շինհրապարակում Արեն Մկրտչյանն արձանագրել է աշխատանքների տեմպի հետ կապված խնդիրներ և համապատասխան հանձնարարականներ տվել՝ շինարարական աշխատանքների ընթացքն արագացնելու, ինչպես նաև նախագծային մանր թերությունները վերացնելու վերաբերյալ։
Լեռնապատ բնակավայրի մանկապարտեզն արդեն ունի նորակառույց մասնաշենք 09.09.2026
Ծրագրի արժեքը 40 միլիոն դրամ է, իրականացվել է Կառավարություն-համայնք համաֆինանսավորմամբ։ Լոռու մարզպետ Արեն Մկրտչյանն այցելել է մանկապարտեզ, ծանոթացել պայմաններին, զրուցել սաների և աշխատակազմի հետ։ «Երեխաների ուրախությունը կատարված աշխատանքի լավագույն ցուցիչն է»,- ասել է մարզի ղեկավարը։ Այց է կատարվել նաև բնակավայրում գործող ըմբշամարտի խմբակ։ Լոռու մարզպետը զրուցել է մարզիկների հետ, հետաքրքրվել խմբակի գործունեությամբ, ձեռքբերումներով և առաջիկա նպատակներով։ Մանրամասները՝ տեսանյութում
