Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Հայքի հրապարակը շուտով իր արտաքին տեսքով չի զիջի Հանրապետության հրապարակին 03.07.2019
Վանաձորի Հայքի հրապարակի բարեկարգումը հաճելի ու երկար սպասված իրողություն կլինի վանաձորցիների ու այստեղ այցելող հյուրերի ու զբոսաշրջիկների համար: Այժմյան անբարեկարգ տեսքը շատ շուտով հիշողություն կմնա: Սուբվենցիաներ ստանալու համար ծրագրային հայտերի գնահատման միջգերատեսչական հանձնաժողովի ընթացիկ նիստին քննարկվել և հավանության է արժանացել Վանաձոր համայնքի կողմից ներկայացված 245,7 մլն դրամ արժողությամբ այս ծրագիրը ևս: Այն, ինչպես և սուբվենցիոն մյուս բոլոր ծրագրերն իրականացվում են պետություն-համայնք համատեղ ներդրմամբ:
Ջրաշենում սելավաջրերի հոսքը կանխելու ծրագիր է առաջարկվում 02.07.2019
Հունիսի 28-ին տեղացած հորդառատ անձրևը դարձյալ մեծ վնասներ էր հասցրել Ջրաշեն համայնքին: Սարերի կավային և ավազակոպճային խառնուրդը, սելավաջրերի հետ հոսելով, հասել էր միջհամայնքային ճանապարհներին, քար ու ավազով լցրել դրանք, գյուղացիների այգիներն ու ցանքատարածությունները վերածել լճակների: Հիշեցնենք, որ դրանից օրեր առաջ արձանագրված ջրհեղեղի հետևանքները նույնպիսին էին:
Լոռու մարզի առաջին զորակոչը մեկնարկեց Ստեփանավանի և Տաշիրի տարածաշրջաններից 02.07.2019
Հուլիսի 2-ին Լոռու մարզի առաջին զորակոչը մեկնարկեց Ստեփանավանի և Տաշիրի տարածաշրջանների նորակոչիկների բարի երթով ու բարի ծառայության մաղթանքով: Հանդիսավոր միջոցառմանը ներկա էին Լոռու մարզպետի տեղակալ Գայանե Մարկոսյանը, ԼՄ Զորահավաքային նախապատրաստության բաժնի պետ Սպարտակ Ղուբաթյանը, Ստեփանավան համայնքի ղեկավար Միքայել Ղարաքեշիշյանը, համայնքի բնակիչներ, նորակոչիկների հարազատներ: Նորակոչիկներին Լոռու մարզպետ Անդրեյ Ղուկասյանի և իր անունից ողջունեց, բարի ու անփորձանք ծառայություն մաղթեց Լոռու մարզպետի տեղակալ Գայանե Մարկոսյանը
Վանաձորում նշվեց Անհայտ կորածների օրը 01.07.2019
Հունիսի 29-ը մեր հանրապետությունում նշվում է որպես անհայտ կորած ազատամարտիկների հիշատակի օր: Այդ առիթով Լոռու մարզային միջոցառումն անցկացվեց Վանաձորում տեղադրված արցախյան հերոսամարտի մասնակիցներին նվիրված խաչքար-կոթողի մոտ, որտեղ երախտագետ հանրությունը հարգանքի տուրք մատուցեց մարզի 16 անհայտ կորածներին: Ներկա էին Լոռու մարզպետ Անդրեյ Ղուկասյանը, մարզային ու քաղաքային իշխանության ներկայացուցիչներ, անհայտ կորած զինծառայողների հարազատներ, երկրապահ կամավորականներ: Ներկաները միասնական աղոթք հղեցին առ Աստված, ապա անհայտ կորածների ծնողներին ու հարազատներին իր խոսքն ուղղեց Լոռու մարզպետ Անդրեյ Ղուկասյանը:
Վանաձորում բացվեց առաջին ներառական խաղահրապարակը 01.07.2019
Aid beyond Borders կազմակերպության և Նշան և Լիլիթ Օդաբաշյանների հովանավորությամբ Վանաձորի Դիմաց թաղամասի Երիտասարդական այգում հիմնվել է Նոյի անվան ներառական խաղահրապարակ, որի կառուցման անմիջական նախաձեռնողն ու գաղափարի հեղինակը «Ամենամամա» ակումբի նախագահ Լիլիա Աբրահամյանն է: ԱՄՆ-ում ապրող Նշան և Լիլիթ Օդաբաշյանները, որոնց որդին՝ Նոյը, ունի մանկական ուղեղային կաթված, «Ամենամամա» ակումբի նախագահ Լիլիա Աբրահամյանից և Aid beyond Borders կազմակերպության նախագահ Լիլիա Շաքարյանից ամիսներ առաջ տեղեկացան, որ Վանաձորում ապրող և իրենց որդու նման առողջական խնդիրներ ունեցող շատ երեխաներ հնարավորություն չունեն բակային տարրական ժամանց կազմակերպելու և որոշեցին Վանաձորի Դիմաց թաղամասի Երիտասարդական այգում հիմնել ներառական խաղահրապարակ:
Կիթառահար Ռեինբերտ Էվերսը և թավջութակահար Մաթիաս դե Օլիվերա Պինտոն վանաձորյան բեմում էին 01.07.2019
ՀՀ վարչապետ Նիկոլ Փաշինյանի հովանու ներքո անցկացվող «Երևանյան Հեռանկարներ» միջազգային երաժշտական 20-րդ հոբելյանական փառատոնի շրջանակներում Վանաձորի Էդվարդ Կզարթմյանի անվան երաժշտական դպրոցի դահլիճում ելույթ ունեցան գերմանացի կիթառահար Ռեինբերտ Էվերսը և բրազիլացի թավջութակահար Մաթիաս դե Օլիվերա Պինտոն:
