Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Հրամանատարաշտաբային ուսումնավարժություն Լոռու մարզպետի ղեկավարությամբ 14.09.2018
Համաձայն «Լոռու մարզի արտակարգ իրավիճակներում բնակչության պաշտպանության և քաղաքացիական պաշտպանության համակարգերի նախապատրաստման 2018թ. հիմնական միջոցառումների պլանի» սեպտեմբերի 14-ին Լոռու մարզպետ Հրանտ Մարգարյանի ղեկավարությամբ իրականացվեց «Լոռու մարզի անտառային և այլ բուսածածկ տարածքներում առաջացած խոշոր հրդեհների մարման աշխատանքների կազմակերպում և իրականացում» թեմայով հրամանատարաշտաբային ուսումնավարժություն: Մարզպետի որոշմամբ ուսումնավարժության ղեկավարման շտաբի պետ է նշանակվել ՀՀ ԱԻՆ փրկարար ծառայության Լոռու մարզային փրկարարական վարչության պետ, ՓԾ գնդապետ Կարեն Հովհաննիսյանը:
Հանդիսավորությամբ բացվել է Մոր և մանկան այգու խաղահրապարակը 13.09.2018
Լոռու մարզպետարանի հարևանությամբ գտնվող Մոր և մանկան այգու կառուցումը իրականացվել է մարզպետարանի առաջարկությամբ՝ ներկայացված հրատապ ծրագրի շրջանակում: Այգու շինարարությունը նախատեսված էր երկու փուլով՝ 27 մլն. դրամ ընդհանուր արժեքով: Առաջին փուլում ծախսվել է 13 միլիոն դրամ: 3000 քմ. տարածքում իրականացված աշխատանքներին երկրորդ փուլով նախատեսված էր ավելացնել լուսավորության համակարգ, զուգարաններ և ժամանցի լիարժեք կազմակերպման համար անհրաժեշտ այլ պարագաներ:
Տավուշի մարզի Դիլիջան քաղաքում սեպտեմբերի 9-ին մեկնարկեց «Մշակութային վերածնունդ» գորգագործության եւ դեկորատիվ–կիրառական արվեստների փառատոնը։ Փառատոնին տարբեր համայնքները ներկայացնում էին իրենց ձեռքի աշխատանքները։ Պետական աջակցությամբ փառատոնն այս տարի անցկացվում էր առաջին անգամ։
Լոռու մարզում սեպտեմբերի 8-ին իրականացված համապետական շաբաթօրյակի աշխատանքների ամփոփ տեղեկություն 11.09.2018
2018 թվականի սեպտեմբերի 8-ին կայացած համապետական շաբաթօրյակին մասնակցել են մարզի բոլոր 56 համայնքները: Աշխատանքներին մասնակցել են համայնքներում գործող բոլոր համայնքային և մարզային կազմակերպությունները, հանրապետական գործադիր մարմինների տարածքային ստորաբաժանումները, այդ թվում կրթական և առողջապահական ընկերությունները, արդյունաբերական ձեռնարկությունները, ինչպես նաև մասնավոր ընկերությունները և բնակչութունը:
«Բացահայտի՛ր Լոռին» միջոցառումների շարքը մեկնարկեց Լոռու մարզպետարանից 11.09.2018
Ռուսաստանի Դաշնության կառավարության կողմից ֆինանսավորվող և ՄԱԿ-ի Զարգացման ծրագրի (ՄԱԶԾ) կողմից իրականացվող «Ինտեգրված գյուղական զբոսաշրջության զարգացում» ծրագիրը՝ ՀՀ տարածքային կառավարման և զարգացման նախարության, Լոռու մարզպետարանի, Զբոսաշրջության պետական կոմիտեի և «Ավանդական տոների վերածնունդ» կրթամշակութային ՀԿ-ի հետ համատեղ Լոռու մարզում իրականացնում է ծրագրեր՝ «Բացահայտի՛ր Լոռին» վերտառությամբ:
ՀՀ ԼՈՌՈՒ ՄԱՐԶՊԵՏ Հ.ՄԱՐԳԱՐՅԱՆԻ 100-ՕՐՅԱ ԱՇԽԱՏԱՆՔԱՅԻՆ ԳՈՐԾՈՒՆԵՈՒԹՅԱՆ ՄԱՍԻՆ ՏԵՂԵԿԱՏՎՈՒԹՅՈՒՆ 10.09.2018
Համայնքների բյուջեների կատարում ՀՀ Լոռու մարզի համայնքների 2018 թվականի բյուջեների վերլուծությունը ցույց է տալիս, որ 2018 թվականի օգոստոսի 31-ի դրությամբ համայնքային բյուջեների եկամուտների հավաքագրման կատարողականը կազմել է 93.6%, կամ նախատեսված 4 միլիարդ 670.3 մլն. դրամի դիմաց հավաքագրվել է 4մլրդ 370.9մլն. դրամ, նախորդ տարվա նույն ժամանակահատվածի համեմատությամբ ապահովվել է 105.9%-ով, կամ ավել է հավաքագրվել 242.6մլն. դրամ:
