Տեղեկատվական կենտրոն
Նորություններ
Աշխատանքային խորհրդակցություն 09.07.2018
Այսօր Լոռու մարզպետ Հրանտ Մարգարյանը փոխմարզպետներ Արամ Խաչատրանի, Անդրեյ Ղուկասյանի, Սերգեյ Սարուխանյանի, մարզպետարանի գլխավոր քարտուղար Նարեկ Սարգսյանի և մի խումբ ստորաբաժանումների ղեկավարների մասնակցությամբ խորհրդակցություն անցկացրեց մի քանի կարևոր հանձնարարականների քննարկման նպատակով: Մինչ քննարկվելիք հարցերին անդրադառնալը, մարզպետը շնորհավորեց Ա. Խաչատրյանին օրերս տոնած հոբելյանի կապակցությամբ՝ մաղթելով հաջողություններ անձնական կյանքում և աշխատանքում:
Հանքավան մեկնեց դպրոցականների երկրորդ հերթափոխը 09.07.2018
Հուլիսի 8-ին՝ առավոտյան, Հանքավանի «Լուսաբաց» ճամբար մեկնեց դպրոցականների երկրորդ հերթափոխը՝ 150 երեխա մարզի տարածաշրջանային համայնքներից: Մարզպետ Հրանտ Մարգարյանի և իր անունից երեխաներին բարի հանգիստ մաղթեց մարզպետարանի կրթության, մշակույթի և սպորտի վարչության կրթական ծրագրերի համակարգող Դավիթ Հակոբյանը:
Լոռու մարզի Սպիտակի սոցիալական աջակցության տարածքային գործակալության պետ է նշանակվել Վահան Ղոչիկյանը 06.07.2018
ՀՀ Լոռու մարզպետի տեղակալ Սերգեյ Սարուխանյանը 2018թ. հուլիսի 4-ին այցելեց աշխատակազմի Սպիտակի սոցիալական աջակցության տարածքային գործակալություն, որի պետի ժամանակավոր թափուր պաշտոնը ՀՀ Լոռու մարզպետարանի աշխատակազմի ղեկավարի՝ 2018թ. հունիսի 29-ի թիվ 156 հրամանով զբաղեցնում է Վահան Ղոչիկյանը: Գործակալության նոր ղեկավարի նշանակումով պայմանավորված, Սպիտակի սոցիալական աջակցության տարածքային գործակալությունը փոխեց նաև իր աշխատանքային հասցեն, այն արդեն գործելու է Սպիտակի Եռանկյունի կենտրոնական թաղամասում:
Զորակոչ և գյուղատնտեսություն 06.07.2018
Սպիտակի զինկոմիսարիատից նորակոչիկների հերթական խումբը մեկնեց պարտադիր զինվորական ծառայության: Լոռու փոխմարզպետ Արամ Խաչատրյանը և Լոռու մարզպետարանի աշխատակազմի զորահավաքային նախապատրաստության բաժնի պետ Սպարտակ Ղուբաթյանը եկել էին բարի ծառայություն ու բարի վերադարձ մաղթելու պատանի զորակոչիկներին: Սպիտակի զինկոմ, մայոր Աղասի Խաչատրյանի խոսքով իրենք դեռևս դպրոցից ամեն կերպ նպաստել են տղաների հայրենասիրական ու բարոյահոգեբանական ոգու բարձրացմանն ու այժմ վստահորեն և ամենայն պատասխանատվությամբ նրանց ճանապարհում են նոր Հայաստանի հերոսական բանակ:
Հուլիսի 5-ին «Մենք» պետական և ազգային արժեքների հանրահռչակման հիմնադրամի կողմից Պետական խորհրդանշանների օրվա առթիվ Երևանում անցկացված տոնական միջոցառում-քայլերթին մասնակցեցին նաև Լոռու մարզի համայնքների ներկայացուցիչները և պարային խմբերը: Լոռու մարզպետարանի աշխատակազմի կրթության, մշակույթի և սպորտի վարչության աջակցությամբ տոնակատարությանն իրենց մասնակցությունը բերեցին մարզի՝ Վանաձոր, Ստեփանավան, Ալավերդի և Տաշիրի համայնքների ներկայացուցիչները, պարային համույթներ:
Մարզպետների մասնակցությամբ անցկացվող հերթական աշխատանքային խորհրդակցությունը՝ՏԿԶՆ-ում 04.07.2018
Հուլիսի 3-ին Տարածքային կառավարման և զարգացման նախարար Սուրեն Պապիկյանի մոտ տեղի է ունեցել երկշաբաթյա պարբերականությամբ ՀՀ մարզպետների հետ անցկացվող հերթական աշխատանքային խորհրդակցությունը, որին մասնակցել է նաև Լոռու մարզպետ Հրանտ Մարգարյանը: