Տեղեկատվական կենտրոն
Նորություններ
Պետք է լինենք մի թիմ, սակայն միմիայն կրթության ոլորտում Լոռու մարզպետ Անդրեյ Ղուկասյան
27.12.2019
Լոռու մարզպետ Անդրեյ Ղուկասյանն այսօր հանդիպեց Ալավերդու թիվ 10, Շամուտ, Կաճաճկուտ և Պրիվոլնոյե համայնքների միջնակարգ դպրոցների նորընտիր և երիտասարդ տնօրենների հետ: Մարզպետը շնորհավորեց կրթական հաստատության երիտասարդ ղեկավարներին, հույս հայտնեց, որ դպրոցներում կնկատվի սպասված առաջընթաց, կլուծվեն ներկա խնդիրները, նրանց հետևողական աշխատանքի շնորհիվ կբարձրանա կրթության և դաստիարակության որակը:
Նա ընդգծեց, որ որևէ պարտավորություն, կաշկանդվածություն և հատուկ հրահանգներ մարզպետարանի կողմից երբևէ չի հնչելու և մարզպետարան-դպրոց թիմը պետք է ընկալվի բացառապես հանուն կրթության բարելավման և ոչ ավելին:
Կրթության, մշակույթի և սպորտի վարչության պետի պաշտոնակատար Ռաֆայել Հարությունյանն իր հերթին վստահեցրեց, որ ցանկացած բնույթի աջակցություն տնօրենները կարող են ակնկալել վարչությունից մասնավորապես և մարզպետարանից՝ ընդհանրապես, եթե դա չի հակասում օրենքին և միտված է դպրոցի զարգացմանը բոլոր առումներով:
Տնօրենների խոսքով իրենք տրամադրված են առողջացնելու իրենց վստահված հաստատությունները և պատրաստ են օրենքի շրջանակներում համագործակցելու մարզային իշխանության հետ: