Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Վատ հավաքագրումները ոչ լիարժեք աշխատանքի արդյունք են 19.10.2018
Լոռու մարզպետ Անդրեյ Ղուկասյանի կողմից հոկտեմբերի 18-ին հրավիրված խորհրդակցությունների առիթը սեփական եկամուտների հավաքագրման չգոհացնող ցուցանիշերն էին: Խորհրդակցություններին մասնակցում էին ընդամենը մինչև 60 տոկոս հավաքագրումներ ապահոված Ձորագյուղ, Վահագնի, Ազնվաձոր, Հալավար, Սարահարթ, Նոր Խաչակապ, Գոգարան, Լեռնավան, Ջրաշեն, Մեծավան, Սարչապետ, Թումանյան, Գյուլագարակ, Շահումյան, Մարգահովիտ, Ֆիոլետովո, Դարպաս, Դեբետ, Վահագնաձոր, Քարաբերդ, Հարթագյուղ, Կաթնաջուր, Սարամեջ, Քարաձոր, Դսեղ համայնքների ղեկավարները: Ներկա էին նաև փոխմարզպետներ Արամ Խաչատրյանը, Սերգեյ Սարուխանյանը, մարզպետարանի պատասխանատու պաշտոնյաներ:
Քայլեր կձեռնարկվեն բնակիչների դժգոհությունը մեղմելու համար 17.10.2018
Հոկտեմբերի 16-ին, Թումանյանի տարածաշրջանի բնակիչները բողոքի ալիք էին բարձրացրել և փակել միջպետական ճանապարհը: Բնակիչների մտահոգությունը լսելու համար, անմիջապես դեպքի վայր էր մեկնել մարզպետի տեղակալ Արամ Խաչատրյանը՝ մարզպետարանի պատասխանատու պաշտոնյաների ուղեկցությամբ:
Բոգդան Հովհաննիսյանը պարգևատրվեց մարզպետի շնորհակալագրով 17.10.2018
Այսօր Լոռու մարզպետ Անդրեյ Ղուկասյանն իր աշխատասենյակում ընդունեց քանդակագործ Բոգդան Հովհաննիսյանին: Հանդիպմանը ներկա էր նաև մարզպետի խորհրդական Լևոն Ասլանյանը, այլ աշխատակիցներ: Մարզպետը շնորհակալություն հայտնեց վարպետ Բոգդանին Ֆրանկոֆոնիայի օրերի շրջանակներում Հայաստանի տաղավարն ու մասնավորապես՝ Լոռու մարզի անկյունը, լավագույնս ներկայացնելու համար:
Հոկտեմբերի 14-ին նշվեց «Մարգահովիտի օր» ամենամյա տոնակատարությունը 16.10.2018
Լոռու մարզի Մարգահովիտ համայնքում հանդիսավորությամբ նշվեց «Մարգահովիտի օր» ամենամյա տոնակատարությունը, որին ներկա էին Լոռու մարզպետ Անդրեյ Ղուկասյանը, Լոռու նախկին մարզպետ, արմատներով մարգահովտցի Հրանտ Մարգարյանը, մարզպետարանի պաշտոնյաներ, համայնքների ղեկավարներ, հյուրեր: Համայնքի ղեկավար Սամվել Անանյանի ուղեկցությամբ մարզպետ Անդրեյ Ղուկասյանը եղավ համայնքապատկան մի քանի հաստատություններում: Արդեն ավարտին է հասցվել Մարգահովիտի կրթամարզամշակութային համալիրը, որտեղ այսուհետ կգործի նաև ըմբշամարտի դպրոցը: Մարզի ղեկավարը մասնակցեց համալիրի բացման հանդիսավոր արարողությանը, որից հետո ցուցադրական մրցելույթներով հանդես եկան մարզադպրոցի պատանի ըմբիշները:
Տաշիրի օրը և պանրի ամենամյա փառատոնն անցկացվեց 6-րդ անգամ 15.10.2018
Տաշիրի օրը և պանրի ամենամյա փառատոնն այս տարի անցկացվեց հոկտեմբերի 14-ին՝ Տաշիրի քաղաքապետարանի հարակից տարածքում: Այն այս տարի տոնվեց արդեն 6-րդ անգամ: Ամենամյա փառատոնը նպաստում է պանրի տեսականու հանրայնացմանը, բիզնեսի զարգացմանը. հանրապետության տարբեր համայնքներից ժամանած հյուրերի մի մասը համտեսից հետո համալրում է մշտական սպառողների շարքերը: Այս տարի տարածաշրջանի ավելի քան 20 պանրագործներ ներկայացնում էին իրենց արտադրանքը՝ ցուցահանդես – հյուրասիրության ընթացքում:
Սիրելի' լոռեցիներ, հարգելի' գործընկերներ, լրագրողներ 15.10.2018
Նախ և առաջ ուզում եմ շնորհակալություն հայտնել ՀՀ վարչապետ Նիկոլ Փաշինյանին և ՀՀ կառավարությանը՝ այս պատասխանատու և միևնույն ժամանակ անչափ պարտավորեցնող պաշտոնն ինձ վստահելու համար: Այն ես համարում եմ ոչ թե սոսկ պաշտոն, այլ առաքելություն, որը ծառայեցնելու եմ ի նպաստ մեր մարզի զարգացման: Այս մոտեցմամբ եմ ես ընդունել իմ՝ Լոռու մարզպետի պաշտոնում նշանակվելու առաջարկն ու այս մտայնությամբ եմ առաջնորդվելու պաշտոնավարման ողջ ընթացքում՝ անկախ մարզպետի պաշտոնում լոռեցիներին ծառայելու ժամկետներից, դժվարություններից, խոչընդոտներից:
