Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Փոխմարզպետ Ա. Ղուկասյանը աշխատանքային այցով Ալավերդիում 08.08.2018
Օգոստոսի 7-ին մարզպետի տեղակալ Անդրեյ Ղուկասյանն աշխատանքային այցով Ալավերդիում էր: Նա եղավ Ալավերդու բժշկական կենտրոնում, որտեղ հանդիպում ունեցավ բուժանձնակազմի հետ: Կենտրոնի տնօրեն Ստեփան Մոսինյանը և բաժինների պատասխանատուները ներկայացրին 2018թ.-ի առաջին կիսամյակի աշխատանքների հաշվետվությունը: Բուժաշխատողները բարձրաձայնեցին իրենց հուզող հարցերը՝ ոլորտի աշխատակիցների սոցիալական ապահովության, պետպատվերով տրամադրվող դեղամիջոցների ցանկի, քանակի և ուշացումների, վճարովի և պետպատվերով ծառայությունների համամասնության, ինչպես նաև այլ հարցերի վերաբերյալ:
Այսօր Լոռու մարզպետ Հրանտ Մարգարյանը խորհրդակցություն անցկացրեց Վանաձորի դպրոցների տնօրենների մասնակցությամբ: Քննարկմանը ներկա էին նաև մարզպետի տեղակալ Սերգեյ Սարուխանյանը, մարզպետարանի աշխատակազմի գլխավոր քարտուղար Նարեկ Սարգսյանը, Կրթության, մշակույթի և սպորտի վարչության պետի պաշտոնակատար Արփինե Մատինյանը և կրթական ծրագրերի համակարգող Դավիթ Հակոբյանը:
Մարզի զորակոչի պլանը գերակատարվել է 07.08.2018
Օգոստոսի 7-ին Լոռու մարզպետարանում տեղի ունեցավ Լոռու մարզային զորակոչային հանձնաժողովի հերթական նիստը, որը վարում էր հանձնաժողովի նախագահ, Լոռու մարզպետ Հրանտ Մարգարյանը: Նիստին ներկա էր նաև մարզպետի տեղակալ Արամ Խաչատրյանը:
Արտագնա խորհրդակցություններ Թումանյանի տարածաշրջանում 06.08.2018
Մարզպետ Հրանտ Մարգարյանը մարզպետարանի պատասխանատու պաշտոնյաների ուղեկցությամբ աշխատանքային այց կատարեց Թումանյանի տարածաշրջան՝ լինելով Ախթալա, Շնող, Ալավերդի միավորված համայնքներում: Ախթալայում մարզպետը հանդիպում ունեցավ համայնքի ղեկավար Արկադի Թամազյանի, ավագանու անդամների, բնակավայրերի վարչական ղեկավարների և ակտիվ բնակչության հետ: Ա. Թամազյանը նշեց, որ Ախթալան մարզի այն եզակի համայնքներից է, որտեղ ավագանու ինստիտուտը լիարժեք կայացած է, և ցանկացած հարց լուծում է ստանում համագործակցված աշխատանքի շնորհիվ միայն:
Աշխատանքային խորհրդակցություն 06.08.2018
Օգոստոսի 6-ին Լոռու մարզպետ Հրանտ Մարգարյանն անցկացրեց հերթական աշխատանքային խորհրդակցությունը փոխմարզպետների, մարզպետարանի կառուցվածքային ստորաբաժանումների ղեկավարների, պատասխանատու այլ պաշտոնյաների մասնակցությամբ: Մարզպետ Հ. Մարգարյանը ներկայացրեց նախորդ շաբաթ Թումանյանի տարածաշրջան կատարած այցի մանրամասները՝ նշելով, որ հընթացս հանդես է եկել մի շարք հանձնարարականներով, որոնց մի մասը լուծում են ստացել հենց տեղում:
Օծվեց Արդվու Սուրբ Հովհան Օձնեցի Հայրապետի դամբարան-մատուռին կից զանգակատան խաչը 03.08.2018
Օգոստոսի 2-ին Գուգարաց թեմի առաջնորդ Գերաշնորհ տեր Սեպուհ արքեպիսկոպոս Չուլջյանի ձեռամբ, օծվեց և տեղադրվեց Թումանյանի տարածաշրջանի Արդվի համայնքի Սուրբ Հովհան Օձնեցի Հայրապետի դամբարան-մատուռին կից վերակառուցված զանգակատան խաչը: Սուրբ Հայրապետի շիրիմը դարեր շարունակ ուխտագնացության և հոգեկան հաղորդության սրբազան վայր է եղել:
