Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Տեղեկատվական կենտրոն

Նորություններ

ՄԱՐԶԻ ՂԵԿԱՎԱՐԸ ՀՈՒՅՍ ՀԱՅՏՆԵՑ, ՈՐ «ԹԵՂՈՒՏ» ԸՆԿԵՐՈՒԹՅԱՆ ԿՈՂՄԻՑ ՏՐԱՄԱԴՐՎԱԾ ՄԻՋՈՑՆԵՐԸ ԿՆՊԱՍՏԵՆ ՀԱՄԱՅՆՔԱՅԻՆ ԽՆԴԻՐՆԵՐԻ ԼՈՒԾՄԱՆԸ

19.12.2019

Այսօր մարզպետ Անդրեյ Ղուկասյանն ընդունեց «Թեղուտ» ընկերության գլխավոր տնօրեն Վլադիմիր Նալիվայկոյին: Հանդպմանը ներկա էին նաև Շնող խոշորացված համայնքի ղեկավար Դավիթ Ղումաշյանը, մարզպետարանի պատասխանատու պաշտոնյաներ: Մարզի ղեկավարի առաջարկությամբ ընկերության գլխավոր տնօրենը համառոտ ներկայացրեց ընկերության գործունեությունը, արտադրական գործընթացները՝ նշելով, որ աշխատակիցների մեծ մասը ազդակիր համայնքների, ինչպես նաև ՀՀ քաղաքացիներ են:
Մարզի ղեկավարին առավել հետաքրքրում էին ընկերության կողմից իրականացվող սոցիալական և բնապահպանական ծրագրերը, որոնք ուղղված կլինեն Շնող խորոշացված համայնքի բնակավայրերի խնդիրների լուծմանը:
Վ. Նալիվայկոն տեղեկացրեց, որ, բացի հարկային պարտավորություններից, ընկերությունը համայնքապետարանի հետ կնքված պայմանագրի հիման վրա յուրաքանչյուր տարի պարտավորություն է ստանձնել պայմանագրով սահմանված գումար տրամադրելու համայնքին՝ այն, ըստ անհրաժետության տնօրինելու նապատկով: Նրա վստահեցմամբ, սոցիալական պատասխանատվության շրջանակներում ընկերությունը մարզում այլ բարեգործական ծրագրեր ևս իրականացնում է:
Ա. Ղուկասյանն, ի պատասխան հույս հայտնեց, որ դրանք կօգտագործվեն նպատակային կերպով՝ հաշվի առնելով համայնքի առաջնահերթությունները:
-Համայնքը կարող է նշված գումարի շրջանակներում նաև ակտիվ մասնակցություն ունենալ սուբվենցիոն ծրագրերին՝ այդ կերպ լուծելով կենսական նշանակության ավելի շատ խնդիրներ համայնքի համար՝ նպաստելով հավասարապես բոլոր բնակավայրերի զարգացմանը,-ասաց մարզի ղեկավարը:
 

← Վերադառնալ ցուցակին

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2020-01-23 17:37:45