Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Տեղեկատվական կենտրոն

Նորություններ

Ներկայացվեցին Հարավամերիկյան ցեցի դեմ պայքարի բոլոր միջոցառումները

18.12.2019

Արդեն հաջորդ գյուղատնտեսական տարվա համար Հարավամերիկյան ցեցի դեմ պայքարի միջոցառումներ Գյուլագարակ խոշորացված համայնքի Կուրթան բնակավայրի գյուղատնտեսները պետք է իրականացնեն նախապես՝ այս տարվա պատկերը չկրկնելու համար: Իրազեկման աշխատանքներ իրականացնելու նպատակով Լոռու մարզպետի հանձնարարությամբ մարզպետարանի գյուղատնտեսության և բնապահպանության վարչության պետի պաշտոնակատար Արտյոմ Շահվերդյանը, վարչության աշխատակիցները ոլորտային պատասխանատու այլ մասնագետների՝ Սննդամթերի անվտանգության տեսչության Լոռու մարզային կենտրոնի տնօրեն Կամո Սողոյանի, Էկոնոմիկայի նախարարության գյուղատնտեսական խորհրդատվության, նորարարությունների և մոնիթորինգի վարչության Լոռու մարզի գլխավոր խորհրդատու Արման Դիլբարյանի, «Ագրոքիմիական ծառայություն» ՊՈԱԿ-ի Լոռու մարզի ագրոքիմիկոս Արթուր Մելիքսեթյանի հետ միասին եղան Կուրթան համայնքում՝ անցկացնելով դասընթաց-խորհրդատվություն: Թեև այցի մասին համայնքի ղեկավարին տեղյակ էր պահվել օրեր առաջ, սակայն մասնակցությունը դասընթացին այնքան էլ ակտիվ չէր՝ 20-25 բնակիչ:
Այսուհանդերձ, մասնագետների կողմից հանգամանալի կերպով ներկայացվեցին ցեցի դեմ պայքարի բոլոր միջոցառումները: Նրանք վստահեցրին, որ վերջիններիս իրականացման դեպքում արդյունքները բավականին գոհացուցիչ կլինեն:
Անհրաժեշտության դեպքում մասնագետները պատրաստակամ էին կրկին այցելելու համայնք, խորհրդատվություն տրամադրելու նաև հեռախոսակապի միջոցով:

 

← Վերադառնալ ցուցակին

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2020-01-24 09:56:27