Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Այսօր ՀՀ ՊՆ Լոռու մարզի զինվորական կոմիսարիատի Սպիտակի բաժանմունքից պարտադիր զինվորական ծառայության մեկնեցին նաև Գուգարքի և Սպիտակի տարածաշրջանների նորակոչիկները: Նրանց անփորձանք ծառայություն ու բարի վերադարձ մաղթելու էր մեկնել Լոռու մարզպետ Արամ Խաչատրյանը. «Կատարեք ձեր սրբազան պարտքը, ծառայե՛ք հայրենիքին բարեխղճորեն ու բարձր պահեք ձեր մարզի, ձեր համայնքի պատիվն ու հեղինակությունը:
Պետությունը կմեծացնի գյուղական բնակավայրերի՝ տեղական քարով սալարկման համար համաֆինանսավորման չափը. 15.02.2021
Նախորդ տարի մի շարք գյուղական բնակավայրերի ճանապարհներ բարեկարգվեցին տեղական քարով սալարկմամբ, ինչը նախադեպային էր սուբվենցիոն ծրագրերի համար: Հաշվի առնելով, որ ճանապարհների վերանորոգման այս մեթոդը՝ թե դիմացկունությամբ, թե կոլորիտային միջավայր հաղորդելու առումով հաջողված էր՝ այս տարի փոփոխություն է տեղի ունեցել ներհամայնքային ճանապարհների վերանորոգման՝ սուբվենցիոն հայտերի ներկայացման չափորոշիչներում:
Երբ հայրենիքի սահմանների անառիկությունը վտանգված է, ոստիկանը նույնպես զինվոր է դառնում. Ա. Խաչատրյան 12.02.2021
Լոռու մարզպետարանը շարունակում է ուշադրության կենտրոնում պահել պատերազմի ընթացքում հայրենիքին ծառայություն մատուցած կառույցները և անհատներին: Այս անգամ մարզպետ Արամ Խաչատրյանը շնորհակալագրերով պարգևատրեց ՀՀ ՊՆ Վանաձորի Ռազմական Ոստիկանության և Ճանապարհային Ոստիկանության բաժնի մի խումբ աշխատակիցների: Մարզի ղեկավարը բարձր գնահատեց ուժայինների ներգրավվածությունը պատերազմական գործողություններին: - Պետության համար պատասխանատու այս ժամանակաշրջանում ձեր պարտականությունները կատարել եք բարձր մակարդակով՝ հանուն ներքին ու արտաքին անվտանգության՝ հաճախ նաև վտանգելով ձեր կյանքը:
Քաղաքացիների կողմից բարձրաձայնված խնդիրների հրատապ լուծումը մարզպետարանի օրակարգում է 11.02.2021
Այսօր Լոռու մարզպետ Արամ Խաչատրյանն անցկացրեց քաղաքացիների հերթական ընդունելությունը: Շուրջ մեկ տասնյակ քաղաքացիներ մարզպետին դիմեցին հիմնականում աշխատանքի տեղավորման, բիզնեսի աջակցության, բնակարանային պայմանների բարելավման, սոցիալական աջակցության և վիրավոր զինծառայողի բուժման հարցերով: Ներկայացված խնդրներից մի մասին լուծում տրվեց հենց տեղում. մասնավորապես՝ մարզպետարանը հնարավորության սահմաններում դրամական աջակցություն կտրամադրի սոցիալապես անապահով ընտանիքի, կլուծի նաև վառելափայտի հարցը:
Գուգարաց թեմի հոգևոր սպասավորներն արժանացան Լոռու մարզպետի շնորհակալագրերի 11.02.2021
Արցախյան պատերազմի ընթացքում Գուգարաց թեմի հոգևոր սպասավորների հայրենանվեր և բարեխիղճ ծառայությունը մշտապես բարձր գնահատանքի է արժանացել Լոռու մարզպետի կողմից: Այսօր Վանաձորի Սուրբ Գրիգոր Նարեկացի առաջնորդանիստ եկեղեցու դահլիճում Արամ Խաչատրյանը շնորհակալագրեր հանձնեց թեմի հոգևոր հայրերին: Հանդիպումը Գուգարաց թեմի առաջնորդ Գերաշնորհ Տեր Հովնան եպիսկոպոս Հակոբյանն սկսեց Տերունական աղոթքով, որից հետո մարզպետը խոսեց պատերազմի և դրան հաջորդող օրերում հոգևորականների անձնվեր ծառայության մասին:
Նա Սրբազան հորը և թեմի հոգևոր հայրերին շնորհավորեց փետրվարի 9-ին Հայ Առաքելական Եկեղեցու կողմից նշվող Սուրբ Ղևոնդյանց քահանայական տոնի կապակցությամ՝ կարևորելով հայ առաքելական եկեղեցու դերը երկրի հոգևոր֊ մշակութային կյանքում. -Բազմիցս առիթներ են եղել ասելու՝ եկեղեցին այն կարևոր օղակն է, որը մշտապես կապել է ժողովրդի տարբեր շերտերին: Մարզային, համայնքային իշխանությունների և Հայ Առաքելական Սուրբ Եկեղեցու համագործակցությունը միայն մեկ նպատակ ունի՝ նպաստել հոգևոր մշակույթի զարգացմանը և գործել ի շահ Լոռու մարզի և լոռեցի հավատացյալների,- նշեց Արամ Խաչատրյանը:
