Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ԳԱՅԱՆԵ ՄԱՐԿՈՍՅԱՆԸ ՀՀ ԳՐՈՂՆԵՐԻ ՄԻՈՒԹՅԱՆԸ ՇՆՈՐՀԱՎՈՐԵՑ ՀՈԲԵԼՅԱՆԱԿԱՆ ՏԱՐԵԴԱՐՁԻ ԱՌԹԻՎ 12.11.2019
2019թ.-ը ՀՀ գրողների միության համար հոբելյանական է: Միությունը տոնում է հիմնադրման 85-ամյակը և հոբելյանական տարեդարձը նշվանավորում մի շարք միջոցառումներով: Այդ կարևոր իրադարձությանը նվիրված միջոցառում էր կազմակերպվել ՀՀ գրողների միության Լոռու մարզային բաժանմունքում, որին ներկա էին Լոռու մարզպետի տեղակալ Գայանե Մարկոսյանը, միության նախագահ Էդուարդ Միլիտոնյանը, փոխքաղաքապետ Արման Բերնեցյան, մարզային և քաղաքային իշխանությունների ներկայացուցիչներ, գրողներ, մտավորականներ, հյուրեր:
«ԱՌՈՂՋ ԱՊՐԵԼՈՒ ԻՄ ՔԱՅԼԸ» 12.11.2019
Լոռու մարզում մեկնարկել է «ԱՌՈՂՋ ԱՊՐԵԼՈՒ ԻՄ ՔԱՅԼԸ» ծրագիրը, որն իրականացվում է ՀՀ Առողջապահության նախարարության, Առողջապահության ազգային ինստիտուտի, Լոռու մարզպետարանի առողջապահության և սոցիալական ապահովության վարչության և «Les Laboratories SERVIER» դեղագործական ընկերության հայաստանյան ներկայացուցչության համատեղ ջանքերով: Գիտակրթական ծրագրի նպատակը մարզի պասիվ ազգաբնակչության շրջանում զարկերակային գերճնշման, շաքարային դիաբետի, քրոնիկ երակային հիվանդության վաղ հայտնաբերման ու առողջ ապրելակերպի քարոզչությունն է, ընդ որում թիրախային խումբ է համարվում 25 տարեկանից բարձր քաղաքային և գյուղական պասիվ ազգաբնակչությունը:
ԿԼՈՐ ՍԵՂԱՆ ՔՆՆԱՐԿՈՒՄ ԼՈՌՈՒ ՄԱՐԶՊԵՏԱՐԱՆԻ, ՀԿԽԸ-ի ԵՎ ՄԱՐԶԻ ԳՈՐԾԱՐԱՐՆԵՐԻ ՄԱՍՆԱԿՑՈՒԹՅԱՄԲ 12.11.2019
Այսօր Հայկական Կարմիր խաչի ընկերության(ՀԿԽԸ) նախաձեռնությամբ Միջսեկտորային համագործակցության խթանման միջոցով Լոռու մարզի սոցիալական խնդիրների արձագանքմանն ուղղված կլոր սեղան հանդիպում էր կազմակերպվել Լոռու մարզպետարանի և մարզի մի շարք գործարարների մասնակցությամբ: Միջոցառման նախաձեռնությունը ողջունեց մարզպետի տեղակալ Գայանե Մարկոսյանը:Նա իր խոսքում անդրադարձավ Լոռու մարզպետարանի և Հայկական Կարմի խաչի ընկերության տասնամյակերի պատմություն ունեցող սերտ համագործակցությանը՝ հույս հայտնելով, որ առաջիկայում ևս համատեղ ծրագրեր իրականացնելու բազմաթիվ առիթներ կլինեն:
Այսօր Լոռու մարզպետ Անդրեյ Ղուկասյանն անցկացրեց հերթական աշխատանքային խորհրդակցությունը մարզպետի տեղակալ Գայանե Մարկոսյանի, մարզպետարանի կառուցվածքային ստորաբաժանումների ղեկավարների և մարզպետարանի պատասխանատու այլ պաշտոնյաների մասնակցությամբ: Նախորդ ժամանակահատվածում կատարված աշխատանքների մասին զեկուցմամբ հանդես եկավ Գայանե Մարկոսյանը: Վերջինս մասնավորապես անդրադարձավ իր համակարգման ոլորտում գործող ստորաբաժանումների հետ իրականացված աշխատանքներին, անցկացված միջոցառումներին, հանդիպում-քննարկումներին, քաղաքացիների ընդունելության արդյունքներին և այլն: Մարզպետի տեղակալը հանգամանորեն անդրադարձավ հատկապես մարզի զբոսաշրջային ոլորտի ներկայացուցիչների հետ նախորդ շաբաթ անցկացված խորհրդակցության, ինչպես նաև սեփական եկամուտների հավաքագրման ուղղությամբ իրականացվող աշխատանքների արդյունքներին՝ նշելով, որ նշված ուղղություններով ակնկալվում է դրական տեղաշարժ:
Նոյեմբերի 7-ին Լոռու մարզպետ Անդրեյ Ղուկասյանն անցկացրեց քաղաքացիների հերթական ընդունելությունը: Վերջինիս մասնակցեց ավելի քան 40 քաղաքացի մարզի գրեթե բոլոր տարածշրջաններից: Մարզի ղեկավարին մասնավորապես դիմեցին ֆինանսական աջակցության, աշխատանքի տեղավորման, բնակարանային պայմանների բարելավման, առողջապահական,հողահատկացման,անձնական բնույթի, ինչպես նաև մի շարք այլ հարցերով:
«Երկրաշարժի հետևանքով անօթևան մնացած ընտանիքների բնակապահովման ծրագրի» շրջանակներում իրականացվող և առաջիկայում նախատեսվող աշխատանքների մասին է մեր հարցազրույցը Լոռու մարզպետ Անդրեյ Ղուկասյանի հետ: -Հարգելի պարոն մարզպետ, 2019թ. նշանավորվեց ՀՀ կառավարություն, Լոռու մարզպետարան և «Հայաստանի Ֆուլլեր տնաշինական կենտրոն» բարեգործական հասարակական կազմակերպություն համագործակցությամբ, համաձայն որի «Երկրաշարժի հետևանքով անօթևան մնացած ընտանիքների բնակապահովման ծրագրի» շրջանակներում երկարատև դադարից հետո տրվեց շինարարության մեկնարկը:
