Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Հովնանաձորում կառուցվում է օրվա կարգավորվող ջրամբար՝ Սերբիայի կառավարության ֆինանսավորմամբ 10.07.2025
ՄԱԿ-ի Զարգացման ծրագրի(ՄԱԶԾ) կողմից իրականացվող և Սերբիայի կառավարության կողմից ֆինանսավորվող «Դիմակայունություն ի սկզբանե» ծրագրի շրջանակում մեկնարկել է Լոռի Բերդ համայնքի Հովնանաձոր բնակավայրում օրվա կարգավորման ջրամբարի և մղման խողովակաշարի կառուցումը: Ծրագիրն իրականացվում է ՀՀ տարածքային կառավարման և ենթակառուցվածքների նախարարության, Լոռու մարզպետի աշխատակազամի և տեղական ինքնակառավարման մարմինների հետ գործակցությամբ։
Հովհաննես Ավետիսյանը աշխատանքային այցով եղել է Ալավերդի խոշորացված համայնքում 09.07.2025
Լոռու մարզպետի պաշտոնակատար Հովհաննես Ավետիսյանը հուլիսի 9-ին աշխատանքային այցով եղել է Ալավերդի խոշորացված համայնքում: Նրան ուղեկցել են մարզպետի աշխատակազմի պատասխանատու պաշտոնյաներ: Առաջին կանգառը եղել է Վանաձոր-Ալավերդի-Նոյեմբերյան ավտոճանապարհի 42-րդ կմ-ում (Թումանյան-Ալավերդի հատված (Մ6)), որտեղ փլուզում էր տեղի ունեցել մայիսի վերջին: Թումանյանի ՃՇՇՁ ԲԲ ընկերության կողմից շարունակվում են հենապատի վերականգնողական աշխատանքները: Վերականգնվող հատվածի երկարությունը կազմում է մոտ 35մ: Աշխատանքներն ավարտական փուլում են:
Աշխատանքային խորհրդակցություն համայնքների ղեկավարների հետ 08.07.2025
Լոռու մարզպետի պաշտոնակատար Հովհաննես Ավետիսյանն անցկացրել է խորհրդակցություն աշխատակազմի պատասխանատու պաշտոնյաների, մարզի համայնքների ղեկավարների և համայնքների ներկայացուցիչների մասնակցությամբ: Խորհրդակցության ընթացքում քննարկվել է համայնքների տնտեսական և սոցիալական ենթակառուցվածքների զարգացմանն ուղղված սուբվենցիոն միջոցներով իրականացվող ծրագրերի ընթացքը և կատարվող շինարարական աշխատանքներում որակական ցուցանիշներին վերաբերվող հարցեր։
Վանաձորը հյուրընկալել էր TechWeek 2025-ը 07.07.2025
Հուլիսի 4-ին Վանաձորում՝ Շառլ Ազնավուրի անվան մշակույթի պալատում, մեկնարկել է տեխնոլոգիաներին նվիրված ամենասպասված միջոցառումներից մեկը՝ Tech Week 2025-ը։ Վանաձորը TechWeek 2025-ը կհյուրընկալի հուլիսի 4-6-ը: Բացման հանդիսավոր արարողությանը ներկա են եղել և ողջույնի խոսքով հանդես են եկել ՀՀ Բարձր տեխնոլոգիաների և արդյունաբերության նախարար Մխիթար Հայրապետյանը, Լոռու մարզպետի պաշտոնակատար Հովհաննես Ավետիսյանը։ Նրանք շնորհակալություն են հայտնել կազմակերպիչներին՝ Վանաձորում նման բարձրակարգ միջոցառման կազմակերպման համար։
Լոռու մարզպետի պաշտոնակատար Հովհաննես Ավետիսյանն հուլիսի 3-ին, խորհրդակցություն է անցկացրել ՀՀ Շրջակա միջավայրի նախարարության էկոպարեկային ծառայության Լոռու մարզային վարչության տեղամասերի, նախարարության «Հայանտառ»ՊՈԱԿ-ի Լոռու մարզի անտառնտեսությունների ղեկավարների և ոստիկանության ներկայացուցիչների մասնակցությամբ: Քննարկմանը ներկա են եղել նաև Լոռու մարզպետի աշխատակազմի գյուղատնտեսության և շրջակա միջավայրի պահպանության վարչության պետ Արուս Թումանյանը, մարզպետի աշխատակազմի այլ պատասխանատու պաշտոնյաներ։ Հանդիպման նպատակը մարզի անտառտնտեսություններում արձանագրվող ապօրինի ծառահատումների դեպքերի վերաբերյալ քննարկումն էր՝ խնդիրների վերհանման և արձանագրվող դեպքերը հնարավորինս նվազեցնելու կամ բացառելու համար:
413,9 միլիոն դրամ՝ Լոռու մարզի 6 սուբվենցիոն ծրագրի համաֆինանսավորման համար 27.06.2025
Կառավարությունը 413,9 միլիոն դրամով կհամաֆինանսավորի Լոռու մարզի համայնքների ենթակառուցվածքների զարգացմանն ուղղված 6 սուբվենցիոն ծրագիր: Այդ ծրագրերն են՝ • Վանաձոր համայնքի Վանաձոր բնակավայրի գլխավոր փողոցների լուսավորության համակարգի արդիականացում (աշխատանքներն իրականացվել են 95 տոկոսով), • Ստեփանավան համայնքի Ստեփանավան բնակավայրի քաղաքային այգու և Ալեայի անցուղու մի հատվածի բարեկարգում (աշխատանքներն իրականացվել են 95 տոկոսով),
