Լոռու մարզպետի աշխատակազմ

Լոռու մարզպետ Արեն Մկրտչյանը շնորհակալագրերով է պարգևատրել մարզի մի խումբ բուժաշխատողների՝ առողջապահության ոլորտում ծավալած անձնվեր և բարեխիղճ աշխատանքային գործունեության համար։
Միջոցառման ընթացքում մարզի ղեկավարը շնորհակալություն է հայտնել բուժաշխատողներին՝ ընդգծելով նրանց կարևոր առաքելությունն ու պատասխանատու աշխատանքը ինչպես պետության համար դժվարին ժամանակներում, այնպես էլ խաղաղ պայմաններում։
«Շատ կարևոր է ընդգծել, որ բուժաշխատողները պետության համար օրհասական պահերին միշտ առաջնագծում են եղել: Խաղաղություն է մեր երկրում, բայց հիմա էլ բուժաշխատողներն առաջնագծում են՝ արդեն խաղաղ պայմաններում իրականություն դարձնելու ամենառազմավարական ռեֆորմներից մեկը՝ առողջության համընդհանուր ապահովագրության համակարգը»,- ասել է մարզի ղեկավարը։

Մանրամասները՝ տեսանյութում