Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Տեղեկատվական կենտրոն

Նորություններ

Պետական հոգածությամբ ու բարերաների աջակցությամբ հաղթահարելի են բոլոր՝ անգամ անհաղթահարելի թվացող դժվարությունները

Պետական հոգածությամբ ու բարերաների աջակցությամբ հաղթահարելի են բոլոր՝ անգամ անհաղթահարելի թվացող դժվարությունները 16.11.2020

Պատերազմական գործողությունների առաջին իսկ օրերից, Լոռու մարզում ապաստան գտած արցախցի ընտանիքների խնդիրների հոգածությունը Լոռու մարզպետ Անդրեյ Ղուկասյանի գլխավորությամբ և մարզպետի տեղակալ Գայանե Մարկոսյանի համակարգմամբ ստանձնել է Լոռու մարզպետարանում ձևավորված համակարգման կենտրոնը: Մի խումբ բարեգործական կազակերպություններ և անհատներ Լոռու մարզից Հայաստանի Հանրապետության այլ բնակավայրերից և արտերկրից սրտաբուխ ու անշահախնդիր կերպով, սերտորեն համագործակցելով կենտրոնի հետ, պատրաստակամություն են հայտնել իրենց աջակցությունը ցուցաբերելու այդ ընտանիքներին, ինչը և մինչ օրս իրականացվում է:

«Մենք կարևորում ենք ամուր թիկունք ձևավորելու նպատակով համախմբվելու, բռունցքվելու պատրաստակամությունը և կարողությունը»

«Մենք կարևորում ենք ամուր թիկունք ձևավորելու նպատակով համախմբվելու, բռունցքվելու պատրաստակամությունը և կարողությունը» 16.11.2020

Լոռու մարզպետի տեղակալ Գայանե Մարկոսյանի գլխավորությամբ և Վանաձորում գործող «Խաչվող ուղիներ», Հայկական Կարիտասի «Փոքրիկ Իշխան», «Օրրան», «Առավոտ» հասարակական կազմակերպությունների ներկայացուցիչների մասնակցությամբ այսօր կազմակերպվել էր հանդիպում-քննարկում: Նշված կազմակերպությունների սոցիալ-հոգեբանական թիմերն այս ամբողջ ընթացքում, սերտորեն համագործակցելով մարզպետարանում ձևավորված համակարգման կենտրոնի հետ, հետևողական աշխատանքներ են իրականացրել Արցախից տարհանված և Վանաձորի թվով 14 կենտրոնացված կացարաններում ժամանակավորապես ապաստան գտած ընտանիքների հետ: Ողջունելով ներկաներին՝ Գ. Մարկոսյանը շնորհակալություն հայտնեց նրանց ակտիվ և անշահախնդիր համագործակցության, իրականացվող մեծածավալ աշխատանքի համար՝ կարևորելով գործակցության շարունակականությունը ինչպես արցախցի ընտանիքներին աջակցելու նպատակով, այնպես էլ՝ հետագայում՝այլ ծրագրերի շրջանակներում՝ ի շահ Լոռու մարզի զարգացման:

Յուրաքանչյուր արցախցու ծնունդ նոր վերածնունդ է

Յուրաքանչյուր արցախցու ծնունդ նոր վերածնունդ է 15.11.2020

Այս փոքրիկներն արցախցիներ են, ովքեր ծնվել են Լոռու մարզում: Սեպտեմբերի 27-ից մինչ օրս Լոռու մարզում ծնվել է 8 երեխա՝ 4 տղա և 4 աղջիկ (Ստեփանավանի ԲԿ-ում ` 1, Սպիտակի ԲԿ-ում՝ 2, Վանաձորի բժշկական կենտրոնում՝ 5 փոքրիկ): Այս օրերին ամեն մի արցախցու ծնունդ կրկնակի ուրախություն է. ազգի շարունակականության ու հարատևության գրավականն է: Այսօր, առավել քան երբևէ՝ մեզ պետք են նո՛ր ծնունդներ՝ զինվորներ ու զինվոր ծնող մայրեր, ովքեր վաղվա մեր հաղթանակների, հուսալի ու անվտանգ օրերի կերտողը կդառնան:

Լոռու մարզում ապաստան գտած արցախցի ընտանիքների խնդիրների լուծմանն ուղղված քայլերն ու ամենօրյա ջանքերը շարունակում են մնալ օրակարգում

Լոռու մարզում ապաստան գտած արցախցի ընտանիքների խնդիրների լուծմանն ուղղված քայլերն ու ամենօրյա ջանքերը շարունակում են մնալ օրակարգում 14.11.2020

Մարզպետ Ա. Ղուկասյանի գլխավորությամբ և փոխմարզպետ Գ.Մարկոսյանի համակարգմամբ ստեղծված Լոռու համակարգման կենտրոնը շարունակում է համագործակցել տարբեր հասարակական կազմակերպությունների և անհատների հետ՝ նպատակ ունենալով արցախցի ընտանիքներին ապահովել հնարավոր բոլոր միջոցներով՝ հագուստ, սնունդ, առաջնային անհրաժեշտության պարագաներ: Որոշ ընտանիքների տրամադրվել է նաև ֆինանսական աջակցություն: Դե իսկ ստեղծված բազմաթիվ խմբակներն ու ժամանցի կենտրոնները (երգի, պարի, ասեղնագործության և այլն) հնարավորություն են տալիս զբաղվածություն ապահովել արցախցի երեխաների համար: Համակարգման կենտրոնը մոտ երկու ամիս է՝ շուրջօրյա ռեժիմով աշխատում է և շարունակելու է իր աշխատանքները՝ արցախցի ընտանիքների խնդիրները օր առաջ լուծելու համար:

Աշխատանքային խորհրդակցություն՝ Լոռու մարզպետարանում

Աշխատանքային խորհրդակցություն՝ Լոռու մարզպետարանում 13.11.2020

Լոռու մարզպետ Անդրեյ Ղուկասյանը մարզպետի տեղակալ Գայանե Մարկոսյանի, մարզպետարանի կառուցվածքային ստորաբաժանումների ղեկավարների և պատասխանատու այլ պաշտոնյաների մասնակցությամբ այսօր անցկացրեց աշխատանքային խորհրդակցություն: Խորհրդակցության ընթացքում անդրադարձ կատարվեցին մի շարք կարևոր հարցերի:

Ի գիտություն

Ի գիտություն 09.11.2020

Լոռու մարզպետարանում ձևավորված համակարգման կենտրոնը Լոռու մարզպետ Անդրեյ Ղուկասյանի գլխավորությամբ և մարզպետի տեղակալ Գայանե Մարկոսյանի համակարգմամբ ավելի քան մեկ ամիս է՝ իրականացնում է Արցախից ժամանակավորապես Հայաստան տեղափոխված քաղաքացիներին կացարանով ապահովման գործընթացը, հոգում նրանց առաջին անհրաժեշտության բոլոր կարիքները: Համակարգման կենտրոնի կազմում ներգրավված են ինչպես աշխատակիցներ մարզպետարանի աշխատակազմից, այնպես էլ՝ տարբեր կազմակերպությունների, քաղհասարակության ակտիվ ներկայացուցիչներ: Շուրջօրյա ռեժիմով աշխատանքի արդյունքը բազմաթիվ շնորհակալական խոսքերն են, ձևավորված բարեկամական միջավայրը:

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2021-04-13 12:40:28