Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
«ՇՈՂ» ՑԵՐԵԿԱՅԻՆ ԿԵՆՏՐՈՆՈՒՄ ՄԱՐԶԻ ՂԵԿԱՎԱՐԸ ԾԱՆՈԹԱՑԱՎ ՇԱՀԱՌՈՒ ԵՐԵԽԱՆԵՐԻ ԵՎ ՆՐԱՆՑ ԾՆՈՂՆԵՐԻ ՀԵՏ 02.10.2019
Լոռու մարզպետ Անդրեյ Ղուկասյանը հոկտեմբերի 1-ին այցելեց Վանաձորի «Շող» երեխաների ցերեկային կենտրոն: Ամերիկայի Հայ Ավետարանչական Ընկերակցության Հայաստանի ներկայացուցիչ Հարութ Ներսեսյանը մարզի ղեկավարին ներկայացրեց Հայաստանի Հանրապետությունում ընկերակցության ծավալած գործունեությունը, մասնավորապես երեխաների խնամքի և պաշտպանության ոլորտում իրականացվող ցերեկային կենտրոնների կատարած համալիր աշխատանքը, և իհարկե «Շող» կենտրոնի կարևոր առաքելությունը:
ԳԱՅԱՆԵ ՄԱՐԿՈՍՅԱՆԸ ՀՅՈՒՐԸՆԿԱԼՎԵԼ ԷՐ 101-ԱՄՅԱ ՄԱՆԻԿ ՏԱՏԻԿԻ ՏԱՆԸ 02.10.2019
Տարեցների միջազգային օրվա առթիվ մարզպետի տեղակալ Գայանե Մարկոսյանն այցելեց նաև Այգեհատի բնակչուհի 101-ամյա Մանիկ Պետրոսյանին: Շնորհավորելով նրան «Տարեցների միջազգային օրվա» առթիվ՝ փոխմարզպետը Մանիկ Պետրոսյանին բարեմաղթեց առողջություն՝ խոստանալով այցելել նաև հաջորդ տարի: Նա տատիկին նաև մարզի ղեկավարի կողմից դրամական պարգև հանձնեց: Մանիկ տատիկն իր հերթին հորդորներ ուղղեց երիտասարդներին՝ լինել բարի, ազնիվ, շիտակ, գոհանալ ունեցածով, սեփական հացը վաստակել միմիայն քրտնաջան աշխատանքով:
«Բերքի տոնի» կազմակերպման աշխատանքային խումբը Այգեհատում էր. տոնահանդեսը կտարբերվի նախորդներից 02.10.2019
«Բերքի տոն» մարզային տոնահանդեսին ընդամենը հաշված օրեր են մնացել և միջոցառման կազմակերպչական աշխատանքները բուռ ընթացքի մեջ են: Հոկտեմբերի 1-ին տոնակատարության կազմակերպման աշխատանքային խմբի անդամները՝ խմբի ղեկավար, մարզպետի տեղակալ Գայանե Մարկոսյանի գլխավորությամբ Այգեհատ բնակավայրում էին, որտեղ էլ այս տարի նախատեսվում է անցկացնել տոնակատարությունը:
Լոռու մարզպետ Անդրեյ Ղուկասյանի նախագահությամբ անցկացվեց Հաշմանդամություն ունեցող անձանց հարցերով զբաղվող Լոռու մարզային հանձնաժողովի հերթական նիստը՝ հագեցված օրակարգով: Նախ Հանձնաժողովի քարտուղար, մարզպետարանի առողջապահության և սոցիալական ապահովության վարչության սոցիալական ապահովության բաժնի պետ Վալերի Ջաղինյանը տեղեկատվություն ներկայացրեց նախորդ նիստին տրված հանձնարարականների կատարման մասին: Ապա՝ Հաշմանդամություն ունեցող անձանց հարցերով զբաղվող Լոռու մարզային հանձնաժողովի՝ ի դեմս հանձնաժողովի նախագահ, Լոռու մարզպետ Անդրեյ Ղուկասյանի և «Հայկական Կարիտաս» բարեսիրական հասարակական կազմակերպության «Տնային խնամք միայնակ ծերերին» ծրագրի միջև՝ ի դեմս «Հայկական Կարիտաս» ԲՀԿ գործադիր տնօրեն Գագիկ Տարասյանի ստորագրվեց «Համագործակցության հուշագիր», որով կողմերը պարտավորություն ստանձնեցին իրենց լիազորությունների սահմաններում համագործակցելու՝ ի նպաստ տարեցների հիմնախնդիրներ լուծման:
Լոռու մարզպետն անցկացրեց քաղաքացիների ընդունելություն 02.10.2019
Հոկտեմբերի 2-ին Լոռու մարզպետ Անդրեյ Ղուկասյանն անցկացեց քաղաքացիների ընդունելություն, որին մասնակցեց շուրջ 35 քաղաքացի Վանաձորից և մարզի գրեթե բոլոր տարածաշրջաններից: Այս անգամ ևս գերակշռում էին անձնական բնույթի, ֆինանսական աջակցության աշխատանքի տեղավորման, բնակապահովման՝ այդ թվում բնակարանային պայմանների բարելավման վերաբերյալ խնդիրները:
Հանրապետության տարբեր բնակավայրերից հարյուրավոր բնակիչներ, զբոսաշրջիկներ սեպտեմբերի 29-ին ներկա գտնվեցին ««Լոռի բերդ քաղաքատեղի» պատմամշակութային արգելոցում կազմակերպված «Բագրատունյաց ժառանգություն» խորագիրը կրող միջոցառմանը։ Տոնակատարությանն իրենց մասնակցությունն էին բերել Լոռու մարզպետ Անդրեյ Ղուկասյանը, ՀՀ տարածքային կառավարման և ենթակառուցվածքների նախարար Սուրեն Պապիկյանը, ՀՀ կրթության, գիտության, մշակույթի և սպորտի նախարար Արայիկ Հարությունյանը, ԱԺ պատգամավորներ, այլ պաշտոնատար անձինք, Հարգիտա նահանգից Լոռու մարզում գտնվող պատվիրակության անդամները:
