Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Առաջիկայում կմեկնարկի ևս 3 ծրագիր 19.04.2019
Լոռու մարզպետարանում տեղի ունեցավ մարզի զբաղվածության աջակցության մարզային հանձնաժողովի նիստը, որը վարում էր հանձնաժողովի նախագահի տեղեկալ, Զբաղվածության պետական գործակալության Վանաձորի զբաղվածության տարածքային կենտրոնի տնօրեն Արա Առաքելյանը: ՀՀ կառավարության 17.04.2014թ. թիվ 534-Ն որոշմամբ հաստատված Հավելված 21-ի՝ վարձատրվող հասարակական աշխատանքների կազմակերպման միջոցով գործազուրկների ժամանակավոր զբաղվածության ապահովման կարգի պահանջներին համապատասխան նախորդ նիստից հետո ընկած ժամանակահատվածում կատարված աշխատանքների մասին տեղեկատվություն ներկայացրեց հանձնաժողովի քարտուղար, մարզպետարանի առողջապահության և սոցիալական ապահովության վարչության սոցիալական ապահովության բաժնի պետ Վալերի Ջաղինյանը: Նա նշեց, որ Լոռու մարզպետի 2019թ. փետրվարի 21-ի, թիվ 62-Ա որոշմամբ հաստատվել են 2019թ. Լոռու մարզում իրականացվելիք «Վարձատրվող հասարակական աշխատանքների կազմակերպման միջոցով գործազուրկներին ժամանակավոր զբաղվածության ապահովման» ծրագրերն՝ ըստ համայնքների ֆինանսական միջոցների բաշխման, ծրագրերի ուղղվածությ
Մարզպետ Անդրեյ Ղուկասյանը ապրիլի 18-ին ընդունեց «PUM-Նիդեռլանդների առաջատար փորձագետներ» կազմակերպության հայաստանյան կոորդինատոր Ջոն Դոկսենին, հայաստանյան ներկայացուցիչ Սուրեն Խուդավերդյանին և ՓՄՁ ԶԱԿ-ի Լոռու մասնաճյուղի տնօրեն Սևակ Ափուջանյանին: Հանդիպմանը ներկա էր նաև մարզպետարանի առողջապահության և սոցիալական ապահովության վարչության պետի պաշտոնակատար Արթուր Մխիթարյանը: Մարզի ղեկավարին շնորհակալություն հայտնելով հյուրընկալության համար՝ նրանք ներկայացրեցին կազմակերպության գործունեությունը: Հյուրերը նշեցին, որ PUM-ի առաքելությունն է հոլանդացի բարձրակարգ փորձագետների ներգրավումը տնտեսության մեջ, ովքեր իրենց կուտակած երկարատև աշխատանքային փորձի հիման վրա իրականացնում են արհեստավարժ խորհրդատվություններ աշխարհի շուրջ 35 երկրում, այդ թվում՝ 1998թ.-ից՝ նաև Հայաստանում:
Անօթևանների հաշվառման աշխատանքային խումբն արտագնա նիստ անցկացրեց Վանաձորում 17.04.2019
Ինչպես արդեն նշել ենք, Լոռու և Շիրակի մարզերի անօթևանության և տնակների հաշվառման նպատակով ստեղծված աշխատանքային խումբը ապրիլի 16-ին արտագնա նիստ անցկացրեց Վանաձորում: Աշխատանքային խմբի հանդիպմանը մասնակցում էին Լոռու մարզպետ Անդրեյ Ղուկասյանը, քաղաքաշինության կոմիտեի նախագահ Վահագն Վերմիշյանը, նախագահի առաջին տեղակալ Արմեն Ղուլարյանը, մարզպետի խորհրդական Լևոն Ասլանյանը, Վանաձորի, Ստեփանավանի և Սպիտակի համայնքների ղեկավարները, մարզպետարանի և քաղաքապետարանների պատասխանատու աշխատակիցներ, աշխատանքային խմբի անդամներ, շահագրգիռ կառույցների ներկայացուցիչներ:
«Դասավանդի՛ր, Հայաստան» ծրագրի ներկայացուցիչներին ընդունել է Լոռու մարզպետ Անդրեյ Ղուկասյանը 17.04.2019
Ապրիլի 16-ին Գրիգորի Հովհաննիսյանին, Հռիփսիմե Խանզադյանին և Նարեկ Մեյրանյանին ընդունեց Լոռու մարզպետ Անդրեյ Ղուկասյան: Հանդիպմանը ներկա էր նաև մարզպետարանի կրթության, մշակույթի և սպորտի վարչության պետի պաշտոնակատար Ռաֆայել Հարությունյանը: «Դասավանդի՛ր, Հայաստան» ծրագրի ներկայացուցիչները հանգամանալից ներկայացրեցին «Դասավանդի՛ր, Հայաստան» կրթական հիմնադրամի՝ Լոռու մարզում ծավալած գործունեությունը, առաջիկա ծրագրերն ու ընդլայնելու համագործակցության շրջանակներն ու աշխարհագրությունը:
Քաղաքացիների ընդունելություն 17.04.2019
Ապրիլի 17-ին Լոռու մարզպետ Անդրեյ Ղուկասյանն անցկացեց քաղաքացիների ընդունելություն, որին մասնակցեց շուրջ 25 քաղաքացի Վանաձորից և մարզի գրեթե բոլոր տարածաշրջաններից: Հարցերը հիմնականում աշխատանքի տեղավորման, բնակապահովման, ֆինանսական աջակցությանն էին վերաբերում: Քիչ չէին նաև անձնական բնույթի հարցերը:
Ժորա Հովհաննիսյանի անվան ազատ ոճի ըմբշամարտի մանկապատանեկան միջազգային մրցաշարը կայացավ 17.04.2019
Ստ. Սարգսյանի անվան «Հայաստան» մարզական ընկերության Վանաձորի մարզապալատում անցկացվեց ազատ ըմբիշ, վետերանների աշխարհի 17-ամյակի չեմպիոն, ԽՍՀՄ սպորտի վարպետ, հնգակի հաղթող ու մրցանակակիր, ՀՀ վաստակավոր մարզիչ, Վանաձորի պատվավոր քաղաքացի Ժորա Հովհաննիսյանի անվան ազատ ոճի ըմբշամարտի մանկապատանեկան միջազգային մրցաշարը: Մրցաշարին մասնակցում էին ՀՀ բոլոր մարզերից, մայրաքաղաք Երևանից և Արցախից հրավիրված ուժեղագույն ըմբիշները:
