Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Ռազմամարզական խաղերի Լոռու մարզային փուլը կայացել է 16.10.2024
Վանաձորի աթլետիկայի մասնագիտական մարզադպրոցում և Վանաձորի թիվ 5 ավագ դպրոցում անց է կացվել ԿԳՄՍ նախարարության կողմից կազմակերպվող զորակոչային և նախազորակոչային տարիքի երիտասարդության ռազմամարզական խաղերի Լոռու մարզային փուլը, որին մասնակցում էին տարածաշրջանային փուլերում հաղթած 6 թիմեր: Թիմերը մրցում էին նռնակի նետում, ձգումներ պտտաձողի վրա, վազք 1000 մետր, հրաձգություն, ինքնաձիգի քանդում-հավաքում մրցաձևերում:
Լոռու մարզպետ Արամ Ղազարյանը հոկտեմբերի 14-ին ընդունել է «Իմ քայլը» հիմնադրամի ծրագրերի և արտաքին կապերի գծով փոխտնօրեն Թալին Թօփալաքեանին և «Գերազանցության համահայկական կենտրոն» միջազգային գիտակրթական հիմնարկի տնօրեն Թագուհի Միրզախանյանին։ Քննարկվել են փոխգործակցության հեռանկարները, ինչպես նաև համատեղ ծրագրերի իրականացման հնարավորությունները: Հիմնադրամի ներկայացուցիչները մարզի ղեկավարին են ներկայացրել հասարակության տարբեր թիրախային խմբերի համար «Իմ քայլը» հիմնադրամի կողմից մի շարք ոլորտներում՝ այդ թվում կրթության, զբաղվածության, սոցիալական զարգացման, գյուղատնտեսության ոլորտներում իրականացվող բարեգործական ծրագրերը և առաջիկա անելիքները։
Հոկտեմբերի 12-ին հանդիսավորությամբ նշվել է Մարգահովիտ բնակավայրի 1027-ամյակը։ «Մարգահովիտի օր» ամենամյա տոնակատարությանը ներկա են եղել ՀՀ վարչապետի խորհրդական Արամ Խաչատրյանը, Լոռու մարզպետի տեղակալներ Գոռ Ասրյանը և Հովհաննես Ավետիսյանը, Փամբակ համայնքի ղեկավար Սուրեն Կոստանդյանը, մարզպետարանի և համայնքապետարանի պաշտոնյաներ, բնակավայրերի վարչական ղեկավարներ, բնակիչներ և հյուրեր: Ներկաներին օրհնության խոսք է հղել Մարգահովիտի Սուրբ Գրիգոր Լուսավորիչ եղեկեցու հոգևոր հովիվ Տեր Ներսես քահանա Ղալայանը։
Մարզի ղեկավարը հերթական խորհրդակցությունն է անցկացրել աշխատակազմի հետ 14.10.2024
Հոկտեմբերի 14-ին Լոռու մարզպետ Արամ Ղազարյանն անցկացրել է աշխատանքային խորհրդակցություն՝ մարզպետի տեղակալներ Գոռ Ասրյանի, Հովհաննես Ավետիսյանի, աշխատակազմի պատասխանատու պաշտոնյաների, կառուցվածքային ստորաբաժանումների ղեկավարների մասնակցությամբ: Մարզի ղեկավարին տեղեկատվություն է ներկայացվել Լոռու մարզում մայիսի 25-26 տեղացած հորդառատ անձրևներով պայմանավորված հեղեղումների պատճառով առաջացած արտակարգ իրավիճակի հետևանքով աղետի գոտում ֆիզիկական անձանց բնակելի տների և տրանսպորտային միջոցների փոխհատուցման գործընթացի վերաբերյալ: Մարզպետ Ղազարյանը հանձնարարել է համապատասխան քայլեր ձեռնարկել գործընթացն արագացնելու և արդեն հաջորդ շաբաթ ավարտին հասցնելու ուղղությամբ:
Հոկտեմբերի 11-ին նշվել է ՀՀ Քննչական կոմիտեի կազմավորման 10-ամյակը և Քննչական կոմիտեի աշխատողի մասնագիտական օրը։ Տոնի առթիվ Լոռու մարզպետ Արամ Ղազարյանը հոկտեմբերի 14-ին այցելել է ՀՀ զինվորական քննչական գլխավոր վարչության յոթերորդ կայազորային քննչական բաժին, շնորհավորել բաժնի պետ Մարտիրոս Ավագյանին, բոլոր ծառայողներին ու աշխատակիցներին: Մարզի ղեկավարը, շնորհավորելով մասնագիտական տոնի կապակցությամբ, բարձր է գնահատել նրանց կողմից իրականացվող աշխատանքները․
Նշվել է Տաշիր քաղաքի տոնը և կազմակերպվել «Պանրի փառատոն» 11.10.2024
Հոկտեմբերի 10-ին նշվել է Տաշիր քաղաքի հիմնադրման 180-ամյակը և անց է կացվել ավանդական դարձած Տաշիրի «Պանրի փառատոնը», որին ներկա է եղել Լոռու մարզպետի տեղակալ Գոռ Ասրյանը: Հանդիսավոր տոնակատարությանը մասնակցել են Տաշիր համայնքի ղեկավար Էդգար Արշակյանը, Գուգարաց թեմի առաջնորդ գերաշնորհ Տեր Հովնան եպիսկոպոս Հակոբյանը, Տաշիրի 1-ին քաղաքապետ Էդիկ Այվազյանը, Լոռու մարզի համայնքների ղեկավարներ, ՀՀ էկոնոմիկայի, ԿԳՄՍ նախարարությունների ներկայացուցիչներ, Տաշիրի պատվավոր քաղաքացիներ, մարզպետի աշխատակազմի և համայնքապետարանի պաշտոնյաներ, հոգևոր այրեր, հարյուրավոր տաշիրցիներ, հյուրեր:
