Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
«Կրի՛ր, որ կրենք» խորագրի ներքո Լոռու մարզի համայնքներում իրականացվեց դիմակների բաշխման ակցիա 29.06.2020
Հունիսի 27-ին վաղ առավոտից Լոռու մարզպետ Անդրեյ Ղուկասյանի, փոխմարզպետ Գայանե Մարկոսյանի, մարզպետարանի կառուցվածքային ստորաբաժանումների ղեկավարների, Վանաձորի բժշկական կենտրոնի տնօրեն Վահագն Մկրտչյանի մասնակցությամբ շարունակվեց «Կրի՛ր, որ կրենք» խորագրի ներքո անցկացվող դիմակների բաշխման ակցիան՝ Լոռու մարզի բնակչության շրջանում համավարակի վերաբերյալ հանրային իրազեկման, պաշտպանիչ դիմակների կրելը խրախուսելու և պարետատան կողմից սահմանված կանոններին հետևելու նպատակով: Արշավները կազմակերպվեցին Վանաձոր, Ստեփանավան, Սպիտակ, Ալավերդի, Տաշիր համայնքներում, որոնց միացան նաև համայնքների ղեկավարները, համայնքապետարանների աշխատակիցներ:
Ասֆալտապատման աշխատանքներ՝ Օձուն համայնքի բնակավայրերում 29.06.2020
Օձուն համայնքի Օձուն և Այգեհատ բնակավայրերում կասֆալտապատվի ընդհանուր առմամբ 1000 գծմ երկարությամբ փողոց(Օձուն բնակավայրի 13-րդ փողոցի 650 գծմ և Այգեհատ բնակավայրի 11-րդ փողոցի 350 գծմ երկարությամբ հատվածները): Արդյունքում շուրջ 500 բնակիչ կօգտվի բարեկարգ ճանապարհներից:
Վահագնի համայնքը ձեռք կբերի գյուղտեխնիկա և գյուղսարքավորումներ 29.06.2020
Վահագնի համայնքն իր կարիքների համար պետություն-համայնք համատեղ ներդրմամբ իրականացվող սուբվենցիոն միջոցներով այս տարի ձեռք կբերի գյուղտեխնիկա և գյուղսարքավորումներ, իսկ արդյունքը կլինի այն, որ համայնքում մշակվող հողատարածքները կավելանան 35 հեկտարով:
Տաշիրում կիրականացվի «Համայնքային սեփականություն հանդիսացող շենքերի վերանորոգում» ծրագիրը 29.06.2020
Այս տարի սուբվենցիոն միջոցներով Տաշիր համայնքի «Համայնքային սեփականություն հանդիսացող շենքերի վերանորոգում» ծրագրի շրջանակներում նախատեսվում է վերանորոգել Բլագոդարնոյե, Դաշտադեմ, Լեռնահովիտ, Կաթնառատ, Մեդովկա, Մեղվահովիտ, Սարատովկա բնակավայրերի վարչական կենտրոնները` բնակիչների սպասարկումը պատշաճ մակարդակով ապահովելու համար: Նախատեսվում է նաև համայնքային սեփականություն հանդիսացող տեխնիկական միջոցների համար կառուցել 2 կայանատեղի, վերանորոգել համայնքի միակ արվեստի դպրոցը, որն այժմ ունի 160 սան:
Ծաղիկներ խոնարահվեցին անհայտ կորածների հիշատակին նվիրված խաչքար-հուշարձանին 29.06.2020
Հունիսի 29-ը մեր հանրապետությունում նշվում է որպես անհայտ կորած ազատամարտիկների հիշատակի օր: Այդ առիթով Լոռու մարզպետ Անդրեյ Ղուկասյանը, փոխմարզպետ Գայանե Մարկոսյանը, մարզպետարանի գլխավոր քարտուղար Արթուր Մխիթարյանը, այլ պաշտոնյաներ հարգանքի տուրք մատուցեցին Վանաձորում տեղադրված արցախյան հերոսամարտի մասնակիցներին նվիրված խաչքար-կոթողի մոտ: Նրանք նաև ծաղիկներ խոնարհեցին հուշարձանին: Անդրեյ Ղուկասյանի կողմից Լոռու մարզի անհայտ կորած ազատամարտիկների ընտանիքներին նաև դրամական աջակցություն է ցուցաբերվել:
Չկալով համայնքն այս տարի վերջապես կգազաֆիկացվի 26.06.2020
Սուբվենցիոն ծրագրերի շրջանակներում Չկալով համայնքն այս տարի վերջապես կգազաֆիկացվի: Այս ավետիսին համայնքի բնակիչները երկար են սպասել՝ հուսալով, որ հեռու չէ այն օրը, երբ տները կկարողանան ջեռուցել գազի միջոցով: Ծրագրի ընդհանուր բյուջեն` նախահաշվային արժեքով, կազմում է 21 մլն 827.5 հազար դրամ, որից 3 մլն դրամը համայնքային ներդրումն է, 4 մլն 639.6 հազար դրամը կներդրվի բարերարի կողմից, իսկ մնացած մասը կֆինանսավորվի պետբյուջեից:
