Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Բնակիչներ են դիմում նաև ներդրումներ իրականացնելուն աջակցելու խնդրանքով 27.02.2020
Այսօր Լոռու մարզպետի տեղակալ Գայանե Մարկոսյանն անցկացրեց քաղաքացիների հերթական ընդունելությունը՝ հաղորդակից դառնալով ավելի քան մեկ տասնյակ բնակիչների խնդիրներին: Թեև հարցերի մեծ մասը դարձյալ սոցիալական բնույթի էին՝ ֆինանսական աջակցության, առողջապահական, բնակարանային պայմանների բարելավման և այլն, սակայն ուրախացնող է, երբ բնակիչներ են դիմում՝ ներդրումներ իրականացնելուն աջակցելու խնդրանքով: Վանաձորի բնակիչն Աշոտ Հովհաննիսյանը, մարզպետի տեղակալին տեղեկացրեց, որ ընկերոջ հետ նախատեսում է ինտենսիվ այգիներ հիմնել՝ այգեգործությամբ զբաղվելու նպատակով: Սեփական հողտարածք ունի, սակայն մի փոքր պակասում է: -Եթե վստահ լինենք, որ գործընթացն սկսված է, անպայման կօժանդակենք,-ասաց Գ. Մարկոսյանն՝ առաջարկելով առայժմ հողատարածք վարձակալել 3 տարի, հետագայում հաջողելու դեպքում՝ նաև ավելի երկարաժակետ:
Վանաձորի թիվ 6 հիմնական դպրոցի նախաձեռնությամբ և Լոռու մարզպետարանի՝ ի դեմս մարզպետ Անդրեյ Ղուկասյանի, աջակցությամբ փետրվարի 24-26-ն անցկացվեց Լոռու մարզի հիմնական դպրոցների եռօրյա բասկետբոլի առաջնություն՝ նվիրված Հայոց բանակի օրվան և զոհված զինծառայողների ու մասնավորապես՝ թիվ 6 դպրոցի սան հանդիսացող հերոսների՝ Սպարտակ Քալաշյանի, Գարիկ Պողոսյանի և Մովսես Խուդինյանի հիշատակին: Առաջնությանը մասնակցում էին 12 թիմեր Վանաձորի, Ալավերդու և Տաշիրի դպրոցներից:
Հունվարի 8-ից փետրվարի 14-ը կազմակերպվել և անց են կացվել դպրոցականների առարկայական օլիմպիադաների տարածքային և մարզային փուլերը, որոնց մասնացել է համապատասխանաբար՝ 1322 և 646 աշակերտ(նախորդ տարի՝ 1420 և 612): Առարկայական օլիմպիադաների հանրապետական փուլը մեկնարկել է օրերս և շարունակվելու է մինչև մարտի 28-ը, իսկ ՆԶՊ առարկայինը կանցկացվի մայիսի 15-17-ը: Մարզային փուլին բարձր միավորներ վաստակելու արդյունքում 130(նախորդ տարի՝ 111)աշակերտ իրավունք է նվաճել մասնակցելու օլիմպիադայի հանրապետական փուլին, որոնցից՝ մաթեմատիկա՝ 14, ֆիզիկա՝ 4, կենսաբանություն՝ 8, աշխարհագրություն՝ 2, քիմիա՝ 27, պատմություն, հայոց եկեղեցու պատմություն, հայոց լեզու, հայ գրականություն, ռուսաց լեզու՝ 12-ական, անգլերեն՝ 2, ֆրանսերեն՝ 1, գերմաներեն՝ 5, ՆԶՊ՝ 7: Ինֆորմատիկա և աստղագիտություն առարկաներից օլիմպիադայի հանրապետական փուլին Լոռու մարզից մասնակից չի լինի:
ԲԳՎ՝ ևս 19 ընտանիքի 25.02.2020
Այսօր մարզպետ Անդրեյ Ղուկասյանի կողմից Բնակարանների գնման վկայագրեր(ԲԳՎ) ստացավ «Երկրաշարժի հետևանքով անօթևան մնացած ընտանիքների բնակապահովման ծրագրի» շահառու հանդիսացող ևս 19 ընտանիք՝ Գուգարք, Դարպաս, Լեռնապատ, Արևաշող, Շիրակամուտ, Գոգարան, Մեծ Պարնի, Ջրաշեն, Ծաղկաբեր, Կաթնաջուր համայնքներից:
«Լոռվա Ձմեռ – 2020» 49-րդ ավանդական մարզատոնահանդեսը կայացավ 24.02.2020
Փետրվարի 22-ին Վանաձորի Թեժ լեռան հովտում անց կացվեց «Լոռվա Ձմեռ-2020» 49-րդ ավանդական մարզատոնահանդեսը: Մարզի ամենագեղեցիկ մասսայական տոնակատարություններից մեկին իրենց մասնակցությունն էին բերել Լոռու մարզպետ Անդրեյ Ղուկասյանը, Վանաձորի քաղաքապետ Մամիկոն Ասլանյանը, մարզային և քաղաքային իշխանությունների ներկայացուցիչներ, համայնքների ղեկավարներ, բազմաթիվ լոռեցիներ, հյուրեր: Մարզի ղեկավարի հրավերով տոնահանդեսին մասնակցում էր նաև Տավուշի մարզպետ Հայկ Չոբանյանը:
Մեկնարկել է եռօրյա առաջնություն՝ նվիրված Հայոց բանակի օրվան և զոհված զինծառայողների հիշատակին 24.02.2020
Վանաձորի թիվ 6 հիմնական դպրոցի նախաձեռնությամբ և Լոռու մարզպետարանի աջակցությամբ փետրվարի 24-ին մեկնարկել է Լոռու մարզի հիմնական դպրոցների եռօրյա առաջնություն՝ նվիրված Հայոց բանակի օրվան և զոհված զինծառայողների ու մասնավորապես՝ թիվ 6 դպրոցի սան հանդիսացող հերոսների իշատակին: Առաջնությանը մասնակցում են 12 թիմեր Վանաձորի, Ալավերդու և Տաշիրի դպրոցներից: Նրանց և դահլիճում ներկա զոհված զինծառայողների ծնողներին ու հարազատներին մարզի ղեկավարի և իր անունից ողջունեց մարզպետի տեղակալ Գայանե Մարկոսյանը:
