Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Լեռնապատի միջնակարգ դպրոցը հիմնանորոգվել է 04.11.2026
Կառավարությունը ծրագրի իրականացման համար ներդրել է 283 միլիոն դրամ։ Դպրոցը համալրվել է նաև նոր գույքով: Սեպտեմբերի 1-ից աշակերտները դասերն անցկացնում են հիմնանորոգված դպրոցում։ Լոռու մարզպետ Արեն Մկրտչյանը շրջայց է կատարել Լեռնապատի դպրոցում: Մանրամասները՝ տեսանյութում: https://www.youtube.com/shorts/jAKCNdF5cas
Վանաձորում զրոյից կառուցվում է նոր մանկապարտեզ 04.11.2026
Մանկապարտեզի կառուցման ծրագրի արժեքը 195 միլիոն դրամ է, նախատեսված է 70 սանի համար։ Շինաշխատանքներին տեղում ծանոթացել է Լոռու մարզպետ Արեն Մկրտչյանը։ Շինարարության ընթացքից դժգոհություն հայտնելով՝ մարզպետը պատասխանատուներին տվել է համապատասխան հանձնարարականներ։ «Սա ևս մեկ քայլ է մանկապարտեզի հերթի վերացման ուղղությամբ։ Շինարարության տեմպից դժգոհ եմ»,- նշել է Լոռու մարզպետը: Մանրամասները՝ տեսանյութում
Անցկացվել է գործակարգավարական խորհրդակցություն 03.11.2026
Լոռու մարզպետ Արեն Մկրտչյանի գլխավորությամբ մարզպետի աշխատակազմում անցկացվել է գործակարգավարական խորհրդակցություն։ Քննարկվել են պետական և սուբվենցիոն միջոցներով մարզում իրականացվող շինարարական ծրագրերի ընթացքը, համայնքների սեփական եկամուտների հավաքագրման ցուցանիշներն ու առաջիկա անելիքները։ Անդրադառնալով շինարարական ծրագրերի իրականացմանը՝ Արեն Մկրտչյանը հանձնարարել է մարզպետարան հրավիրել այն շինարարական կազմակերպությունների ներկայացուցիչներին, որոնց աշխատանքներում խնդիրներ են արձանագրվել ժամկետների և որակի պահպանման առումով։
Վանաձորում անցկացվել է դպրոցականների սպարտակիադայի հնգամարտի հանրապետական փուլը 22.10.2026
Վանաձորի աթլետիկայի օլիմպիական հերթափոխի մանկապատանեկան մասնագիտացված մարզադպրոցում անցկացվել է «2026 թ. ՀՀ մարզերի և Երևան քաղաքի հանրակրթական դպրոցների 7-12-րդ դասարանների աշակերտների սպարտակիադա» մարզական միջոցառման հնգամարտի եզրափակիչ՝ հանրապետական փուլը։ Մրցումներին մասնակցել են Երևանի և Հայաստանի 10 մարզերը ներկայացնող՝ մարզային փուլերում հաղթած թիմերը։ Լոռու մարզը ներկայացրել է Վանաձորի Ազատ Խլղաթյանի անվան թիվ 18 դպրոցը, որը հաղթող էր ճանաչվել մարզային փուլում։ Հնգամարտի ծրագիրը ներառել է հինգ վարժություն՝ կրոսավազք (տղաներ՝ 1000 մ, աղջիկներ՝ 500 մ), վազք (տղաներ՝ 100 մ, աղջիկներ՝ 60 մ), հեռացատկ տեղից, թենիսի գնդակի նետում հեռավորության վրա և լցոնած գնդակի նետում։ Մրցանակային տեղեր զբաղեցրած թիմերը պարգևատրվել են ՀՀ կրթության, գիտության, մշակույթի և սպորտի նախարարության կողմից: Մրցույթի կադրերը՝
Լոռու մարզը COP17-ում ներկայացնում է իր կենսաբազմազանությունն ու բնապահպանական նախաձեռնությունները 20.10.2026
Երևանում հոկտեմբերի 19-ին մեկնարկել է ՄԱԿ-ի Կենսաբանական բազմազանության մասին կոնվենցիայի Կողմերի 17-րդ համաժողովը (COP17)։ Համաժողովի շրջանակում Լոռու մարզը «Կանաչ գոտում» 12 օր շարունակ հանդես կգա տաղավարով՝ ներկայացնելով մարզի բնական հարստությունը, համայնքային նախաձեռնություններն ու բնապահպանական ծրագրերը։ Միջոցառման ընթացքում կներկայացվեն մարզի համայնքներում կենսաբազմազանության պահպանությանն ուղղված աշխատանքները, ինչպես նաև մեղվաբուծության, բուսաբուծության և տեղական արտադրության տարբեր ուղղությունները։
Ժամանակակից կրթական պայմաններ՝ Բազում բնակավայրում 19.10.2026
Լոռու մարզպետ Արեն Մկրտչյանն օրերս այցելել է Բազում բնակավայրի նորակառույց կրթահամալիր։ Շուրջ 1 մլրդ 900 մլն դրամ (ավելի քան 5 մլն դոլար) արժողությամբ կրթահամալիրը նախատեսված է 200 աշակերտի և նախակրթարանի 80 սանի համար։ Կրթահամալիրն ապահովված է նոր գույքով, էներգաարդյունավետ համակարգերով, ջրամբարով և առանձին ջրամատակարարման ցանցով՝ կրթական գործընթացի կազմակերպման համար անհրաժեշտ ժամանակակից պայմաններով։ Այցի ընթացքում մարզի ղեկավարը, անդրադառնալով իրականացված աշխատանքներին, նշել է. «Ոգևորությունս չեմ կարող թաքցնել․ սա է իմ երազանքի Հայաստանը, որն իրական է դառնում»։ Մանրամասները՝ տեսանյութում
