Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Կառուցվել է Ագարակ բնակավայրի դպրոցի մարզադահլիճը 14.10.2026
«Ագարակ գյուղի դպրոցի նորակառույց մարզադահլիճն է. երեխաները, որ տարիներ ի վեր պայման չեն ունեցել, հիմա խաղում են մոտ 200 մլն դրամ արժեքով այս գեղեցիկ մարզադահլիճում»,- Արեն Մկրտչյան
Բազում բնակավայրում հիմնանորոգվել է դեպի նորակառույց դպրոց տանող ճանապարհը 14.10.2026
Բազում բնակավայրում հիմնանորոգվել է դեպի նորակառույց դպրոց տանող 400 մետր երկարությամբ ճանապարհը։ Ճանապարհի հիմնանորոգման աշխատանքների իրականացման համար պետական բյուջեից հատկացվել է 72,5 մլն դրամ։ Ծրագրի շրջանակում իրականացվել է ճանապարհի երկշերտ ասֆալտապատում, կառուցվել է ջրահեռացման համակարգ։ Աշխատանքների ավարտական փուլում կտեղադրվեն նաև ճանապարհային նշանները և կիրականացվեն ճանապարհային գծանշման աշխատանքները՝ երթևեկության անվտանգությունն ու կազմակերպվածությունն ապահովելու նպատակով։ Լոռու մարզպետ Արեն Մկրտչյանն այցելել է Բազում բնակավայր, տեղում հետևել իրականացված աշխատանքներին և դրանց ընթացքին։
Ագարակում մանկապարտեզ է հիմնանորոգվում, լուծվում է նաև խմելու ջրի խնդիրը 14.10.2026
Լոռու մարզի Ագարակ բնակավայրում իրականացվում են համայնքի բնակիչների համար կարևոր նշանակություն ունեցող երկու խոշոր ծրագրեր՝ մանկապարտեզի հիմնանորոգում և խմելու ջրի ու կոյուղու համակարգերի վերականգնում։ Մինչ այս Ագարակ բնակավայրում մանկապարտեզ չի գործել։ Նախադպրոցական կրթության հասանելիությունն ապահովելու նպատակով նախկին գյուղապետարանի շենքը վերափոխվել է մանկապարտեզի, որն այժմ հիմնանորոգվում է։ Ծրագրի իրականացման համար ներդրվել է 43 մլն դրամ։ Աշխատանքների ավարտից հետո բնակավայրի փոքրիկները հնարավորություն կունենան նախադպրոցական կրթություն ստանալ իրենց բնակավայրում՝ բարեկարգ և հարմարավետ պայմաններում։ Մեկ այլ կարևոր ծրագիր էլ ուղղված է Ագարակի՝ տասնամյակներ շարունակ չլուծված խմելու ջրի խնդրի կարգավորմանը։ 1 մլրդ 350 մլն դրամ ներդրմամբ իրականացվում են խմելու ջրի ներքին ցանցի և կոյուղու համակարգի վերականգնման աշխատանքներ։ Ծրագրի ավարտին ագարակցիները կունենան շուրջօրյա՝ 24-ժամյա ջրամատակարարում։
Վանաձոր համայնքի տիրապետմանն է վերադարձվել Հրանտ Մաթևոսյանի անվան զբոսայգու ևս մեկ հողատարածք։ 13.10.2026
Դատախազական ներգործության արդյունքում Վանաձոր համայնքի տիրապետմանն է վերադարձվել Հրանտ Մաթևոսյանի անվան զբոսայգու տարածքում գտնվող ևս մեկ հողատարածք։ «Վանաձորին պատկանողը վանաձորցիներին վերադարձնելու հարցում կոմպրոմիս չի լինելու, կես քայլ հետ չեմ դնելու։ Հրանտ Մաթևոսյանի անվան զբոսայգու 16 կտոր արդեն համայնքի հաշվեկշռում է։ Մյուս 9 կտորի ուղղությամբ աշխատանքը շարունակվում է»։ ,- նշել է մարզպետ Արեն Մկրտչյանը:
Ազնվաձոր բնակավայր տանող ճանապարհի հիմնանորոգման աշխատանքներն ընթացքի մեջ են 13.10.2026
«Մոտ 3 ամիս առաջ Ազնվաձորում խոստացանք՝ գյուղ տանող քարուքանդ ճանապարհը հիմնանորոգվելու է։ 3 ամիս անց քայլում ենք հիմնանորոգվող ճանապարհով»,- Արեն Մկրտչյան Ազնվաձոր բնակավայր տանող ճանապարհի հիմնանորոգման աշխատանքներն ընթացքի մեջ են։ Արդեն իրականացվել է ճանապարհի 1,5 կմ հատվածի ասֆալտապատման առաջին շերտի տեղադրումը, ինչպես նաև կառուցվել է ջրահեռացման համակարգը։ Ծրագրի իրականացման համար ՀՀ պետական բյուջեից հատկացվել է 151 մլն դրամ։
Լոռի Բերդ համայնքի 9 գյուղերում բարեկարգման աշխատանքները շարունակվում են 13.10.2026
ԼոռիԲերդ համայնքի բոլոր 9 բնակավայրերում ապահովվել է արտաքին լուսավորություն, հիմնանորոգվել են համայնքային կենտրոններն ու հանդիսությունների սրահները։ Արտաքին լուսավորության համակարգի ներդրման համար ՀՀ կառավարության և համայնքի համատեղ ներդրմամբ հատկացվել է 114 միլիոն դրամ։ Բարեկարգման աշխատանքները շարունակվում են նաև այս փուլում։ 9 բնակավայրերում հիմնանորոգվում են գյուղամիջյան հրապարակները, կառուցվում են մանկական խաղահրապարակներ։ Լոռու մարզպետ Արեն Մկրտչյանն այցելել է համայնքի բնակավայրեր, տեղում ծանոթացել իրականացվող աշխատանքներին և բնակավայրերի բարեկարգման ընթացքին։
