Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Լոռի Բերդ համայնքում շարունակվում են գյուղատնտեսական ռիսկերի նվազեցմանն ու բերքի պաշտպանությանն ուղղված աշխատանքները։ Համայնքում տեղադրվել են 33 հակակարկտային և լոկացիոն կայաններ, որոնց նպատակն է մեղմել կարկուտի պատճառած վնասները և նպաստել գյուղատնտեսական մշակաբույսերի պաշտպանությանը։ Ծրագրի իրականացման համար ներդրվել է շուրջ 50 մլն դրամ։ Լոռու մարզպետ Արեն Մկրտչյանը Լոռի Բերդ համայնք է այցելել ծրագրի ընթացքին և իրականացված աշխատանքներին տեղում ծանոթանալու նպատակով։
Լոռի Բերդ բնակավայրում վերջին 5 տարիներին իրականացվել են ճանապարհային ենթակառուցվածքների բարելավման, հանրային նշանակության կառույցների հիմնանորոգման և գյուղատնտեսության զարգացմանն ուղղված մի շարք աշխատանքներ։ Այս ընթացքում բնակավայրում 2,3 կմ ճանապարհ սալարկվել է տուֆ քարով, ասֆալտապատվել է մեկ փողոց։ Ճանապարհաշինական աշխատանքներում, ՀՀ կառավարության և համայնքի համատեղ միջոցներով ներդրվել է շուրջ 90 մլն դրամ։
«Առաջին դեպքն ա, որ մեր քաղաքում սենց գործեր են արվում». Վանաձորի բնակիչ 09.10.2026
Վանաձորում շարունակվում է բազմաբնակարան շենքերի վերելակների արդիականացման գործընթացը։ Քաղաքում արդեն տեղադրվել է 50 նոր, ժամանակակից վերելակ՝ շուրջ 420 մլն դրամ ընդհանուր արժեքով։ Լոռու մարզպետ Արեն Մկրտչյանն այցելել է Վանաձորի Գրիգոր Լուսավորիչ փողոցի 39/1 շենքի բակ, տեղում ծանոթացել կատարված աշխատանքներին և զրուցել բնակիչների հետ։
600 մլն դրամ պետական ներդրում՝ Լոռի բերդ ամրոցի պահպանության և վերականգնման նպատակով 09.10.2026
Լոռի Բերդ համայնքում պետական բյուջեի ֆինանսավորմամբ իրականացվել են «Լոռի բերդ» պատմական քաղաքատեղիի մի շարք կառույցների վերականգնման և ամրակայման աշխատանքներ։ Ծրագրի իրականացման համար հատկացվել է 600 մլն դրամ։ Աշխատանքների շրջանակում վերականգնվել և ամրակայվել են ամրոցի պարիսպների, բաղնիքների հատվածները և եկեղեցին (հասարակական նշանակության կառույցը)։ Լոռու մարզպետ Արեն Մկրտչյանն այցելել է Լոռի բերդ ամրոց, տեղում ծանոթացել իրականացված աշխատանքներին և պատմական հուշարձանի պահպանությանն ուղղված ծրագրի արդյունքներին։ Մարզպետն ընդգծել է նման ներդրումների կարևորությունը՝ նշելով, որ դրանք հնարավորություն են տալիս կանխելու պատմամշակութային հուշարձանների՝ ժամանակի ընթացքում քայքայումն ու մաշվածությունը։ Իրականացված աշխատանքները կարևոր քայլ են պատմական արժեքների պահպանության, միջնադարյան ժառանգության արժևորման և Լոռու մարզի զբոսաշրջային ներուժի զարգացման ուղղությամբ։
Լոռու մարզի Արևածագ բնակավայրում ավարտվել են կոյուղու համակարգի կառուցման աշխատանքները։ 08.10.2026
Աշխատանքների ավարտական փուլին տեղում հետևել է Լոռու մարզպետ Արեն Մկրտչյանը։ Ծրագրի շրջանակում կառուցվել է 700 մետր կոյուղատար խողովակաշար, տեղադրվել է 26 դիտահոր, ինչպես նաև իրականացվել են կոյուղու համակարգի բնականոն շահագործումն ապահովող անհրաժեշտ աշխատանքներ։ Ծրագրի իրականացման համար ներդրվել է 34 միլիոն դրամ՝ կառավարություն-համայնք համատեղ ֆինանսավորմամբ։
19 միավոր գյուղտեխնիկա և ավելի քան 200 մլն դրամի ներդրում՝ Լոռի Բերդում 08.10.2026
Լոռու մարզպետ Արեն Մկրտչյանն այցելել է #ԼոռիԲերդ համայնք և ծանոթացել համայնքում առկա գյուղատնտեսական տեխնիկայի հնարավորություններին ու աշխատանքային ընթացքին։ Համայնքում շահագործվում է 19 միավոր գյուղտեխնիկա, որի ձեռքբերման ուղղությամբ կատարված ներդրումների ընդհանուր արժեքը գերազանցում է 200 մլն դրամը։ Մարզի ղեկավարը նշել է, որ համայնքում ձևավորված գյուղտեխնիկայի պարկն իր ծավալներով աննախադեպ է, այն էականորեն ընդլայնում է համայնքի գյուղատնտեսական հնարավորությունները։ Գյուղտեխնիկայի ձեռքբերումից հետո համայնքում զգալիորեն ավելացել է մշակվող հողերի ծավալը։ Այսօր համայնքում մշակվում է շուրջ 2500 հեկտար հողատարածք։ Տեխնիկայի հասանելիությունը հնարավորություն է տալիս ավելի արդյունավետ կազմակերպել գյուղատնտեսական աշխատանքները, ավելացնել մշակվող հողերի քանակը և համայնքի գյուղատնտեսական ներուժն ավելի լիարժեք օգտագործել։
