Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Աղետից տուժած բնակավայրերում ակտիվորեն շարունակվում են վերականգնողական աշխատանքները 07.06.2024
Հունիսի 6-ին Լոռու մարզպետ Արամ Ղազարյանը աղետի գոտում իրականացվող աշխատանքների և տրված հանձնարարականների ընթացքը քննարկելու նպատակով պատասխանատու կառույցների ներկայացուցիչների, աշխատակազմի մասնակցությամբ Ալավերդու համայնքապետարանում խորհրդակցություն է անցկացրել: Նիստին ներկա էր նաև ՏԿԵՆ փոխնախարար Նարեկ Մանուկյանը: Ներկայացվել են հեղեղումներից տուժած բնակավայրերում ակտիվորեն իրականացվող ենթակառուցվածքների վերականգնման լայնածավալ աշխատանքները: էներգամատակարարման և գազամատակարարման վերականգնողական աշխատանքներն ընթացքի մեջ են։ Ջրամատակարարումը մեկ կետից՝ վերականգնվել է Քարկոփ համայնքում, Սանահին կայարան թաղամասում այս պահին ջրագիծ է անցկացվում։
Մարզպետը հետևել է աղետի գոտում ընթացող վերականգնողական մեծածավալ աշխատանքներին 07.06.2024
Լոռու մարզպետ Արամ Ղազարյանը, ՏԿԵՆ փոխնախարար Նարեկ Մանուկյանը հունիսի 6-ին այցելել են Ալավերդու Սանահին կայարան թաղամաս, ուր աղետի գոտու վերականգնողական մեծածավալ աշխատանքներ են ընթանում: Նրանք զրուցել են Սանահին կայարանի ձախափնյա թաղամասում ապրող բնակիչների հետ, դիտարկել վնասի չափերը, քննարկել նրանց կարիքները, ներկայացրել թաղամասում կատարվող վերականգնողական աշխատանքները: Սանահին կայարան թաղամասում այս պահին խմելու ջրագիծ է անցկացվում, գազամատակարարումը վերականգնված է, էներգամատակարարման վերականգնման աշխատանքներն ավարտական փուլում են:
Քարկոփ համայնքում դեղամիջոցների բաշխում է կատարվել 07.06.2024
Լոռու մարզպետ Արամ Ղազարյանի հանձնարարությամբ՝ աղետի գոտու բնակիչների շրջանում կատարվել է դեղորայքի պահանջարկի վերաբերյալ կարիքի գնահատում: Լոռու մարզպետի աշխատակազմը և «Ախթալայի առողջության կենտրոն» ՊՓԲԸ-ի բուժանձնակազմը Քարկոփ համայնքում իրականացնում են դեղամիջոցների բաշխման գործընթաց:
Համաճարակային իրավիճակը կառավարելի է 07.06.2024
Լոռու մարզպետ Արամ Ղազարյանի հանձնարարությամբ՝ հեղեղումներից տուժած բնակավայրերում հիվանդների վաղ հայտնաբերման, բուժօգնության և կանխարգելիչ միջոցառումների շրջանակում, Լոռու մարզպետի աշխատակազմի առողջապահության և սոցիալական ոլորտի հարցերի վարչության, ԱՆ «Հիվանդությունների վերահսկման և կանխարգելման ազգային կենտրոն» ՊՈԱԿ-ի մասնագետները, «Ալավերդու ախտահանիչ կենտրոն» ՍՊԸ- ի բուժանձնակազմը կատարում են ամենօրյա բակային համայցեր: Իրականացվում է դեղորայքի պահանջարկի վերաբերյալ կարիքի գնահատում և, ըստ անհրժեշտության, դեղամիջոցների և բժշկական առաջին անհրաժեշտության պարագաների բաշխում :
Անց է կացվել օպերատիվ շտաբի հերթական նիստը 07.06.2024
Հունիսի 7-ին անց է կացվել Լոռու և Տավուշի մարզերում տեղացած հորդառատ անձրևների հետևանքով տեղի ունեցած հեղեղումների առաջացրած արտակարգ իրավիճակի կառավարման նպատակով ձևավորված օպերատիվ շտաբի հերթական նիստը, որը վարել է ՏԿԵ նախարար Գնել Սանոսյանը։ Մասնակցել են Լոռու մարզպետ Արամ Ղազարյանը, Ալավերդի համայնքի ղեկավար Դավիթ Ղումաշյանը, պատասխանատու այլ կառույցների ղեկավարներ, ներկայացուցիչներ: Նախարարին և մարզպետին են ներկայացվել աղետի գոտում իրականացվող աշխատանքների և տրված հանձնարարականների կատարման ընթացքը: Հեղեղումներից տուժած բնակավայրերում շարունակվում են ակտիվորեն իրականացվող ենթակառուցվածքների վերականգնման լայնածավալ աշխատանքները, և արդյունքներն առավել քան տեսանելի են:
Շրջայց ջրհեղեղից տուժած բնակավայրերով 07.06.2024
ՀՀ ՏԿԵ նախարար Գնել Սանոսյանը, Լոռու մարզպետ Արամ Ղազարյանը հունիսի 7-ին այցելել են ջրհեղեղից առավել տուժած Ալավերդու Սանահին կայարան թաղամաս և Թումանյան փողոց: Նրանց է միացել նաև աղետի գոտի ժամանած, Շիրակի մարզպետ Մուշեղ Մուրադյանը, Շիրակի մարզի համայնքների ղեկավարներ, Սպիտակ համայնքի ղեկավար Քաջայր Նիկողոսյանը, Փամբակ համայնքի ղեկավար Սուրեն Կոստանդյանը: Շիրակի մարզպետը պատրաստակամություն է հայտնել իր լիազորությունների շրջանակում աջակցել աղետից տուժած բնակավայրերին: Պաշտոնյաները նշված հատվածներում հետևել են ենթակառուցվածքների վերականգնման աշխատանքների ընթացքին:
