Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Մարզպետը ներկա կգտնվի «Լոռի» ֆուտբոլային թիմի խաղին 06.05.2019
Մարզպետ Անդրեյ Ղուկասյանը հյուրընկալել էր «Լոռի» ֆուտբոլային ակումբի ադմինիստրատիվ տնօրեն Արամայիս Ուլիխանյանին, կոմերցիոն տնօրեն Սամվել Բեկթաշյանին և մամուլի ծառայության ղեկավար Դավիթ Գալստյանին: Վերջիններս տեղեկացրեցին, որ մայիսի 8-ին՝ 19:30-ին, Երևանի «Բանանց» մարզադաշտում տեղի կունենա ֆուտբոլի գավաթի խաղարկության եզրափակիչ փուլը՝ «Ալաշկերտ» - «Լոռի» խաղը՝ մարզի ղեկավարին սիրով հրավիրելով ներկա գտնվել «Լոռի» թիմի համար այս չափազանց կարևոր խաղին, ներկայությամբ ոգևորել ու զորակցել: Նրանք նաև հայտնեցին, որ նույն օրը, ժամը 13.30-ին թվով 25 գազել մակնիշի ավտոմեքենաներ անվճար կշարժվեն դեպի Երևան՝ տեղափոխելով թիմի երկրպագուներին:
Մարզի ղեկավարը Հայկ Օհանյանին շնորհավորեց տարեդարձի առթիվ 03.05.2019
Վանաձորի պատվավոր քաղաքացի, սիրված պետական, քաղաքական գործիչ Հայկ Աղասու Օհանյանը 88 տարեկան է: Այս առիթով նրան մարզպետարանի մի խումբ պաշտոնյաների ուղեկցությամբ հյուրընկալվել էր Լոռու մարզպետ Անդրեյ Ղուկասյանը: Նա շնորհավորանքի ջերմ խոսքեր հղեց պատվավոր այրին՝ մաղթելով առողջություն և երկար տարիների կյանք. - Դուք հիրավի երկար բեղմնավոր ճանապարհ եք անցել, շուրջ 40 տարի գտնվել եք Կիրովականի, Հայաստանի Խորհրդային Միության քաղաքական կյանքի հորձանուտում, բոլոր կարևոր իրադարձությունների, բարեփոխումների ականատեսն ու մասնակիցն եք:
Լոռու մարզի զբաղվածության աջակցության մարզային հանձնաժողովի անդամները՝ Վանաձորի զբաղվածության տարածքային կենտրոնի տնօրեն Արա Առաքելյանը, ՀՀ մշակույթի նախարարության «Պատմամշակութային արգելոց թանգարանների և պատմական միջավայրի պահպանության ծառայություն» ՊՈԱԿ-ի Լոռու մարզային ծառայության պետ Արմեն Գերյանը, ՀՀ Լոռու մարզպետարանի առողջապահության և սոցիալական ապահովության վարչության սոցիալական ապահովության բաժնի պետ, Գուգարքի տարածաշրջանում իրականացվող ծրագրերի խորհրդատու Վալերի Ջաղինյանը մշտադիտարկում անցկացրին Ձորագյուղ համայնքում՝ հընթացս ստուգելով համայնքում իրականացվող «Ձորագյուղի թիվ 1 գերեզմանատան պատի վերանորոգման և տարածքի բարեկարգման աշխատանքներ» ծրագրի ընթացքը:
Մարզպետ Անդրեյ Ղուկասյանն ընդունեց «Ցավեր առանց սահմանների» կազմակերպության ներկայացուցիչներին 02.05.2019
Այսօր Լոռու մարզպետ Անդրեյ Ղուկասյանն ընդունեց ֆրանսիական «Ցավեր առանց սահմանների» կազմակերպության նախագահ Ալեն Սերիին և նույն կազմակերպության ծրագրերի համակարգող Անուշ Առնավուտյանին: Հանդիպմանը ներկա էր նաև մարզպետարանի առողջապահության և սոցիալական ապահովության վարչության պետի պաշտոնակատար Արթուր Մխիթարյանը:
Աշխատանքային խորհրդակցություն 30.04.2019
Ապրիլի 29-ին Լոռու մարզպետ Անդրեյ Ղուկասյանը աշխատանքային խորհրդակցություն անցկացրեց մարզպետարանի կառուցվածքային ստորաբաժանումների ղեկավարների և մարզպետարանի այլ պատասխանատու պաշտոնյաների մասնակցությամբ: Նա նախ անդրադարձավ նախորդ շաբաթ Չինաստանի Ժողովրդական Հանապետություն կատարած աշխատանքային այցին: Ընդգծելով, որ այցն անցել է բավականին հագեցած գրաֆիկով՝ նշեց նաև, որ այն եղել է բավականին արդյունավետ:
Այսօր Լոռու մարզպետ Անդրեյ Ղուկասյանը հանդես եկավ մամլո ասուլիսով, որին ներկա գտնվեցին մարզային և հանրապետական լրատվամիջոցների ներկայացուցիչները: Ասուլիսի օպերատիվ առիթը մարզպետի կողմից Չինաստանի Ժողովրդական Հանրապետություն կատարած աշխատանքային այցն էր, որի շուրջն էլ ծավալվեց հարցուպատասխանը: Ա. Ղուկասյանը նախ ներկայացրեց մանրամասներ այցի և ձեռք բերված պայմանավորվածությունների վերաբերյալ: Նա տեղեկացրեց, որ դեռևս 2011թ. մարզը Չինաստանի Ժողովրդական Հանրապետության Շանսի նահանգի հետ կնքել է համագործակցության համաձայնագիր, սակայն հետագա տարիներին որևէ առարկայական քայլ տեղի չի ունեցել:
