Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Աշխատանքային խորհրդակցություն Լոռու մարզպետարանում 28.03.2019
Այսօր մարզպետ Անդրեյ Ղուկասյանն անցկացրեց հերթական աշխատանքային խորհրդակցությունը մարզպետարանի կառուցվածքային ստորաբաժանումների ղեկավարների և պատասխանատու այլ պաշտոնյաների մասնակցությամբ: Մինչ օրակարգային հարցերին անցնելը, մարզի ղեկավարն անդրադարձավ մարտի 23-ին անցկացված համապետական շաբաթօրյակին՝ նշելով, որ այն թե՛ կատարված աշխատանքի ծավալով և ընդգրկվածությամբ էականորեն տարբերվել է նախորդներից: Նա շնորհակալություն հայտնեց մարզպետարանի աշխատակազմին ակտիվ մասնակցության համար և տեղեկացրեց, որ նմանատիպ միջոցառումներ անցկացվելու են յուրաքանչյուր 6 շաբաթը մեկ:
Անցկացվեց Լոռու մարզպետարան-ոստիկանություն-համայնք ձևաչափով հերթական հանդիպում-քննարկումը 28.03.2019
Լոռու մարզպետարանում անցկացվեց Լոռու մարզպետարան-ոստիկանություն-համայնք ձևաչափով հերթական հանդիպում-քննարկումը, որը վարում էր մարզպետարանի գլխավոր քարտուղարի տեղակալ Վալերի Խաչատրյանը: Հանդիպմանը մասնակցում էին Ոստիկանության Լոռու մարզային վարչության ծառայության գծով պետի տեղակալ, փոխգնդապետ Արմեն Մաթևոսյանը, մարզպետարանի պատասախանատու պաշտոնյաներ, ոստիկանության ծառայողներ, համայնքների ղեկավարներ, ներկայացուցիչներ: Ա. Մաթևոսյանը նշեց, որ հանդիպման օպերատիվ առիթը մասնավորապես փողոցային առևտրի վերացման և կանխարգելման ուղղությամբ տարվող աշխատանքներն են: Նա այս հարցում կարևորեց քաղաքային իշխանությունների և շահագրգիռ այլ կառույցների հետ սերտ համագործակցությունը:
Մարզի ղեկավարը հանդիպեց կաթ մթերող ըկերությունների ղեկավարների հետ 28.03.2019
Այսօր մարզպետ Անդրեյ Ղուկասյանը, ինչպես և խոստացել էր, հանդիպեց մարզի կաթ մթերող 11 ընկերությունների ղեկավարների հետ: Հիշեցնենք, որ օրեր առաջ մարզի ղեկավարի հետ հանդիպելով, կաթ արտադրող ընկերությունները բարձրացրել էին կաթի գնի նվազեցման հարցը՝ խնդրելով միջոցներ ձեռնարկել հարցի կարգավորման ուղղությամբ: Շնորհակալություն հայտելով հանդիպման առաջարկությունն ընդունելու համար՝ մարզպետ Ա. Ղուկասյանը ներկայացրեց կաթ արտադրողների անհանգստությունը: Նա նշեց, որ անասնապահները մտավախություն ունեն, որ կաթի գները գնալով նվազում են, ինչն անարդյունավետ է դարձնում անասնապահությունը: Երևույթը դիտարկելով որպես շուկայական հարաբերություններով պայմանավորված գործընթաց՝ մարզպետն այնուամենայնիվ առաջարկեց հնարավորինս բարեխղճություն ցուցաբերել, որոշակի զիջումների գնալ մինչ խնդրի կարգավորումը:
Մարզպետ Անդրեյ Ղուկասյանն աշխատանքային այցով եղավ Ալավերդի համայնքում, ուր համայնքի ղեկավար Սասուն Խեչումյանի ուղեկցությամբ հյուրընկալվելով Միկոյան եղբայների տուն- թանգարանում: Վերջինս 2016թ.-ին 3 տարի ժամկետով անհատույց տրամադրվել է «Լուդինգ ֆորվարդ» հիմնադամին, որը թանգարանում իրականացրել է վերանորոգման, Միկոյան եղբայրների կյանքն ու գործունությունը ներկայացնող նյութերի նորովի մատուցման տեխնոլոգիաների, զբոսաշրջային ծրագրերի ներդրման տարաբնույթ աշխատանքներ՝ ընդհանուր առմամբ ներդնելով ավելի քան 200 մլն դրամ:
Լոռու մարզում շարունակվում է սերմացուի բաշխման գործընթացը 27.03.2019
Լոռու մարզկենտրոն տեղափոխվեց ՀՀ կառավարության կողմից սուբսիդավորված սերմացուների երկրորդ խմբաքանակը: Լոռու մարզպետարանի գյուղատնտեսության և բնապահպանության վարչության գյուղատնտեսության բաժնի վերահսկողությամբ մարտի 14-26-ն ընկած ժամանակահատվածում համայնքներից նախապես ներկայացված հայտերի հիման վրա մարտի 27-ին մարզի թվով 12 համայնքների հատկացվեց շուրջ 9633,1 կգ գարնանացան սերմացու:
«Արմաթ» ինժեներական լաբորատորիաներով կհամալրվի Լոռու մարզի ևս 10 դպրոց 26.03.2019
Մարտի 26-ին մարզպետն ընդունեց «Արմաթ» ինժեներական լաբորատորիաների ծրագրերի ղեկավար Սեդրակ Վարդանյանին: Հանդիպմանը մասնակցում էր նաև մարզպետարանի կրթության, մշակույթի և սպորտի վարչության պետ Ռաֆայել Մխիթարյանը: Ներկայացնելով այցի նպատակը՝ Ս. Վարդանյանը նշեց, որ նպատակ ունեն փուլառփուլ «Արմաթ» ինժեներական լաբորատորիաներ հիմնել մարզի բոլոր հանրակրթական դպրոցներում: Ծրագիրը ենթադրում է համակարգչային տեխնիկական միջոցներով, սարքավորումներով համալրում, խմբավարի վերապատրաստում, դասընթացների անցկացում, երկրորդ փուլով նաև՝ երեխաների մասնակցությունը տեխնոլոգիական ճամբարներին, տեխնոլոգիական մրցույթների և ցուցահանդեսների:
