Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Այցելություն զորամաս 08.11.2018
Այսօր՝ նոյեմբերի 7-ին, ՀՀ Լոռու մարզպետարանի պատվիրակությունը՝ գլխավոր քարտուղարի պաշտոնակատար Վալերի Խաչատրյանը, գրող, լրագրող Ջանիբեկ Ղուկասյանը, մարզպետարանի կրթության, մշակույթի եւ սպորտի վարչության մշակույթի եւ սպորտի բաժնի պետ Արամ Ռեւազյանը և մշակույթի ու սպորտի բաժնի առաջատար մասնագետ, դասական եւ ժողովրդական երգերի կատարող Մհեր Մելիքյանը, Մարտակերտի շրջվարչակազմի աշխատակազմի ղեկավար Սասուն Հարությունյանի ուղեկցությամբ այցելեցին N զորամաս և հանդիպեցին զինվորների, սպայակազմի և հրամանատար, գնդապետ Աշոտ Աղաջանյանի հետ՝ նրանց մաղթելով բարի և անփորձանք ծառայություն, փոխանցելով նաև Լոռու մարզպետի ողջույնի ուղերձը:
Մեկնարկում են պետական աջակցությամբ իրականացվող առաջնահերթ լուծում պահանջող ծրագրերը 07.11.2018
Լոռու մարզում շուրջ 10-15 օրից կմեկնարկեն պետական աջակցությամբ իրականացվող առաջնահերթ լուծում պահանջող ծրագրերը: Ծրագրերի ընդհանուր արժողությունը 459 մլն 700 հազար դրամ է, որից պետական բյուջեից ներդումը՝ 430,515 հազար դրամ է, մնացածը՝ ներդրում է համայնքային բյուջեներից: Կիրականացվեն հետևյալ ծրագրերը.
Մեծավանի ջրամբարը ենթակա է վերականգնման. փոխմարզպետն աշխատանքային այցով համայնքում էր 07.11.2018
Օրեր առաջ Լոռու մարզպետարան էր դիմել Մեծավան խոշորացված համայնքի Ձյունաշող բնակավայրի վարչական ղեկավարը՝ մտավախություն հայտնելով, որ Մեծավանի ջրամբարի ջրթող բետոնե կառույցը վնասված է և աստիճանաբար առավել վթարային է դառնում: Մարզպետ Անդրեյ Ղուկասյանի հանձնարարությամբ խնդիրը տեղում ուսումնասիրելու նպատակով մարզպետի տեղակալ Սերգեյ Սարուխանյանը և մարզպետարանի գյուղատնտեսության և բնապահպանության վարչության մասնագետները նոյեմբերի 6-ին եղան Ձյունաշող բնակավայրում:
Իրականացվում է «Փախստականների պաշտպանություն և տնտեսական ինտեգրում» ծրագիրը 06.11.2018
Նոյեմբերի 6-ին Հայկական Կարմիր Խաչի ընկերությունը և ՄԱԿ-ի ներկայացուցիչները «Փախստականների պաշտպանության և տնտեսական ինտեգրում» ծրագրի շրջանակներում Լոռու մարզպետարանում անցկացրեցին սեմինար-դասընթաց, որին ներկա էին մարզպետի տեղակալ Արշակ Հովսեփյանը, մարզպետարանի առողջապահության և սոցիալական ապահովության, Տեղական ինքնակառավարման և հանրապետական գործադիր մարմինների հարցերով, Կրթության, մշակույթի և սպորտի վարչությունների, Իրավաբանական, Ընտանիքի, կանանց և երեխաների իրավունքների պաշտպանության բաժինների, Վանաձորի սոցիալական աջակցության տարածքային բաժնի, Վանաձորի զբաղվածության տարածքային կենտրոնի, ինչպես նաև ակտիվ հասարակական կազմակերպությունների ներկայացուցիչներ:
Անցկացվեց գենդերային հարցերով զբաղվող Լոռու մարզային հանձնաժողովի նիստը 06.11.2018
Նոյեմբերի 6-ին Լոռու մարզետարանում անցկացվեց գենդերային հարցերով զբաղվող Լոռու մարզային մշտական գործող հանձնաժողովի նիստը, որը վարում էր հանձնաժողովի նախագահ, մարզպետի տեղակալ Արշակ Հովսեփյանը: Հանձնաժողովի նախագահը հանդես եկավ բացման խոսքով, ողջունեց ներկաներին՝ կարևորելով հանձնաժողովի գործունեությունը և հույս հայտնելով, որ աշխատանքներն արդյունավետ ընթացք կունենան:
150 մլն դոլար արժողությամբ բիզնես նախագիծ Վանաձորում 05.11.2018
Սեպտեմբերի 19-ին Վանաձորի ավագանու անդամները միաձայն կողմ էին քվեարկել իրանական «Ռադ Սանե ԱՏՏԻ» ընկերության հիմնադրի կողմից վերջերս Հայաստանում ստեղծված «Ռադ Սանե Վաշամիր Գրուպ» ՍՊԸ-ին՝ Վանաձորում բիզնես ծրագիր իրականացնելու համար համայնքի ծայրամասում 8.5 հա հողատարածք նվիրաբերելու մասին հարցին: Նախաձեռնած բիզնես ծրագիրը Վանաձորում կյանքի կոչելու համար ընկերությանն անհրաժեշտ է մոտ 20 հա տարածք: Հողատարածքի մնացյալ մասն ընկերությունն ակնկալում է ստանալ կից Դարպաս ու Արջուտ համայնքներից:
