Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Լոռու մարզի զարգացման իրատեսական և մեծ ներուժ ունեցող ոլորտներից մեկը զբոսաշրջությունն է, որը 2019 թվականի ընթացքում բավականին արդյունավետ ու հեռանկարային է գնահատվում մարզպետարանի կողմից: Մարզպետի տեղակալ Գայանե Մարկոսյանը, որը նաև համակարգում է զբոսաշրջության ոլորտը, մարզում տուրիստական գործունեություն իրականացնող շուրջ 5 տասնյակ կազմակերպությունների ներկայացուցիչների հետ հանդիպմանը համառոտ ներկայացրեց ոլորտի անցնող տարվա ձեռքբերումներն ու բացթողումները՝ հստակ նախանշելով անհրաժեշտ այն գործողությունները, որոնք «Հյուրընկալ Լոռի» արտահայտությունը կդարձնեն բացարձակ ճշմարտություն:
Լոռու մարզի Սարչապետ խոշորացված համայնքի Պրիվոլնոյե բնակավայրի մի խումբ բնակիչներ իրենց բողոքներն ու մտահոգությունները փոխանցելու նպատակով հանդիպեցին Լոռու մարզպետի տեղակալ Գայանա Մարկոսյանին: Նրանց պնդմամբ «Հայանտառ» ՊՈԱԿ-ի «Տաշիրի անտառտնտեսություն» մասնաճյուղի տնօրեն Ռուբեն Վելիցյանի հրահանգով իրենք դժվարանում են անտառից տեղափոխել օրենքով սահմանված կարգով իրենց հատկացվելիք վառելափայտը: Գյուղացիների խոսքով չեն կարողանում թափուկ վառելափայտը անտառից հավաքել և էլէկտրական սղոցի օգնությամբ կտրել ու տեղափոխել իրենց տները: Ասում են, որ կան նաև այլ խոչընդոտներ, և իրենք պատրաստ են պաշտպանել իրենց իրավունքներն ու ստանալ իրենց հասանելիք փայտանյութը:
ՀԱՅՏԱՐԱՐՈՒԹՅՈՒՆ 01.11.2019
Նոյեմբերի 28-ին «Հայաստան» համահայկական հիմնադրամը կանցկացնի ազգային նվիրատվության 22-րդ հեռուստամարաթոնը՝ «Ես իմ անուշ Հայաստանին. կենարար ջուր և արև համայնքներին» խորագրի ներքո, որն ուղիղ հեռարձակմամբ կմեկնարկի Հայաստանի հանրային հեռուստաընկերությամբ ժամը 22.00-ին: 12-ժամյա համահայկական միջոցառման առաջին 4 ժամն այս տարի կանցկացվի Երևանում, իսկ հաջորդ 8 ժամը կհեռարձակվի Լոս Անջելեսից:
ՄԱՐԶՊԵՏԻ ՏԵՂԱԿԱԼՆ ԱՆՑԿԱՑՐԵՑ ՔԱՂԱՔԱՑԻՆԵՐԻ ԸՆԴՈՒՆԵԼՈՒԹՅՈՒՆ 31.10.2019
Այսօր մարզպետի տեղակալ Գայանե Մարկոսյանն անցկացրեց քաղաքացիների հերթական ընդունելությունը, որին մասնակցեցին բնակիչներ Վանաձորից և մարզի տարբեր տարածաշրջաններից: Առաջին այցելուն՝ վանաձորցի Անի Ավետիսյանը, եկել էր ներկայացնելու Վանաձորում դենտալ տուրիզմի զարգացման իր ծրագիրը՝ մարզպետարանից ակնակալելով տեղեկատվական աջակցություն: Գ. Մարկոսյանը, ողջունելով երիտասարդի նախաձեռնողականությունը, պատրասատակամություն հայտնեց աջակցելու գաղափարի իրականացմանը:
Քննարկվեց բնակարանաշինության ընթացքը 31.10.2019
Այսօր մարզպետ Անդրեյ Ղուկասյանն աշխատանքային քննարկում ունեցավ «Հայաստանի Ֆուլլեր տնաշինական կենտրոն» բարեգործական հասարակական կազմակերպության նախագահ Աշոտ Եղիազարյանի հետ: Հանդիպմանը ներկա էր նաև մարզպետի խորհրդական Լևոն Ասլանյանը, ով համակարգում է «Երկրաշարժի հետևանքով անօթևան մնացած ընտանիքների բնակապահովման ծրագրի» ընթացքը: Ընկերությունն, ինչպես հայտնի է, Լոռու մարզպետարանի հետ կնքված համաձայնագրով «Երկրաշարժի հետևանքով անօթևան մնացած ընտանիքների բնակապահովման ծրագրի» շրջանակներում ծրագրի շահառու հանդիսացող ընտանիքների համար իրականացնում է կիսակառույցների կառուցման աշխատանքներ:
ՄԱՐԶԻ ՂԵԿԱՎԱՐԸ ՍՊԻՏԱԿԻ ՏԱՐԱԾԱՇՐՋԱՆԻ ՀԱՄԱՅՆՔՆԵՐՈՒՄ ԾԱՆՈԹՑԱՎ ՇԻՆԱՇԽԱՏԱՆՔՆԵՐԻ ԸՆԹԱՑՔԻՆ 31.10.2019
Լոռու մարզպետ Անդրեյ Ղուկասյանն այսօր աշխատանքային այցով եղավ Սարահարթ, Ծաղկաբեր և Հարթագյուղ համայնքներում՝ հետևելու սուբվենցիոն միջոցներով իրականացվող ծրագրերի ընթացքին, ինչպես նաև ծանոթանալու «Երկրաշարժի հետևանքով անօթևան մնացած ընտանիքների բնակապահովման ծրագրի» շրջանակներում պետբյուջեից 2018թ. և 2019թ. հատկացված միջոցներով իրականացված և ընթացքի մեջ գտնվող բնակարանաշինության աշխատանքներին: Սարահարթ համայնքում այս տարի ոռոգման ցանցի կառուցման երկու ծրագիր կա: Առաջինն իրականացվել է Հայաստանի Տնտեսական Զարգացման Հիմնադրամի ֆինանսավորմամբ: Ծրագիրն ավարտված է: Նախահաշվային արժեքը կազմել է 13 մլն 399 հազ.դրամ: Երկրորդը՝ «Սարահարթ համայնքի ոռոգման ցանցի նորոգում», իրականացվում է պետություն-համայնք համատեղ ներդրմամբ՝ սուբվենցիոն ծրագրով: Պայմանագրային արժեքը՝ 16 մլն 150 հազար դրամ է:
