Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
«Սպիտակի բժշկական կենտրոն» ՓԲԸ երեխաների բժշկասոցիալական վերականգնողական կենտրոնի երեխաները ամանորյա տոներից առաջ իրենց ձեռքով պատրաստված շնորհավորական բացիկ էին ուղարկել մարզպետի տեղակալ Գայանե Մարկոսյանին, իսկ փոխմարզպետը, վերաբերմունքից անչափ հուզված, նրանց խոստացել էր անպայման այցելել ու անձամբ շնորհավորել Ամանորի կապակցությամբ: Այսօր այստեղ Գայանե Մարկոսյանին երեխաները և նրանց ծնողները սպասում էին մեծ անհամբերությամբ, իսկ փոխմարզպետը ձեռնունայն չէր եկել՝ բերելով զարգացնող խաղեր՝ կենտրոնի և նվերներ՝ երեխաների համար:
ԾԱՂԿԱԲԵՐ ՀԱՄԱՅՆՔԻ ՂԵԿԱՎԱՐԸ ՊԱՐԳԵՎԱՏՐՎԵՑ ՄԱՐԶՊԵՏԻ ՇՆՈՐՀԱԿԱԼԱԳՐՈՎ 10.01.2020
Լոռու մարզպետ Անդրեյ Ղուկասյանն այսօր ընդունեց Լոռու մարզի Ծաղկաբեր համայնքի ղեկավար Հովհաննես Հովհաննիսյանին: Հանդիպմանը ներկա էր նաև մարզպետի տեղակալ Գայանե Մարկոսյանը: Մարզի ղեկավարը շնորհակալություն հայտնեց համայնքի ղեկավարին 2019թ.-ին համայնքում իրականացված արդյունավետ աշխատանքների համար՝ նշելով, որ նախորդ տարի սեփական եկամուտների հավաքագրման առումով Ծաղկաբերը առաջին հորիզոնականում է. եկամուտների հավաքագրման կատարողականը կազմել է 128.3 տոկոս:
ՎԱՆԱՁՈՐԻ ԶԱՐԳԱՑՄԱՆ ԾՐԱԳՐԻ ՄԵԿՆԱՐԿԸ ՏՐՎԱԾ Է ՏԿԵ ՆԱԽԱՐԱՐ ՍՈՒՐԵՆ ՊԱՊԻԿՅԱՆԸ ՎԱՆԱՁՈՐՈՒՄ ԷՐ 08.01.2020
ՀՀ Վարչապետ Նիկոլ Փաշինյանի մոտ դեկտեմբերի 28-ին տեղի ունեցած խորհրդակցությանը քննարկվել էր Վանաձորի զարգացման ծրագիրը: Հանդիպման առաջարկը Լոռու մարզպետ Անդրեյ Ղուկասյանինն էր։ Այսօր ՏԿԵ նախարար Սուրեն Պապիկյանը մարզի ղեկավարի և Վանաձորի համայնքապետի հետ շրջեց մարզկենտրոնում՝ հստակեցնելու այն ծրագրերը, որոնք 2020 թվականի ընթացքում պետական միջոցներով կիրականացվեն Վանաձորում։ Պատասխանատուների զեկույցի համաձայն նախատեսվում է քաղաքում իրականացնել ենթակառուցվածքների բարելավման և զբոսաշրջության խթանման ծրագրեր: Մասնավորապես, հիմնովին կվերանորոգվեն Կարեն Դեմիրճյան, Գրիգոր Լուսավորիչ, Աղայան, Ներսիսյան, Նաիրի փողոցները, որոնք տարանցիկ են և Մ6 միջպետական ճանապարհի մի մասն են կազմում:
ԾԱՌԱՅՈՒԹՅԱՆ ՄԵԿՆԵՑԻՆ ՏԱՇԻՐԻ ԵՎ ՍՏԵՓԱՆԱՎԱՆԻ ՏԱՐԱԾԱՇՐՋԱՆՆԵՐԻ ՆՈՐԱԿՈՉԻԿՆԵՐԸ 08.01.2020
Հունվարի 8-ին պարտադիր զինվորական ծառայության մեկնեցին նաև Ստեփանավանի և Տաշիրի տարածաշրջանների նորակոչիկները: Նրանց անփորձանք ծառայություն ու բարի վերադարձ մաղթելու էր մեկնել մարզպետի տեղակալ Գայանե Մարկոսյանը: Նրան ուղեկցում էր մարզպետարանի զորահավաքային նախապատրաստության բաժնի պետ Սպարտակ Ղուբաթյանը, մարզպետարանի այլ պաշտոնյաներ: Զորակոչի առիթով հանդիսավոր միջոցառումներ էին կազմակերպվել Տաշիր և Ստեփանավան քաղաքներում, երիտասարդներին ծառայության էին ճանապարհում աղոթքով, բարեմաղթանքներով, ուրախ երգ ու պարով, ասմունքով:
ՃՐԱԳԱԼՈՒՅՑԻ ՀԱՆԴԻՍԱՎՈՐ ԱՐԱՐՈՂՈՒԹՅՈՒՆ՝ ՎԱՆԱՁՈՐԻ ԱՌԱՋՆՈՐԴԱՆԻՍՏ ՍՈՒՐԲ ԳՐԻԳՈՐ ՆԱՐԵԿԱՑԻ ԵԿԵՂԵՑՈՒՄ 08.01.2020
Սուրբ Ծննդյան նախորդ օրը՝ հունվարի 5-ին, Հայ Առաքելական բոլոր եկեղեցիներում կատարվում է ճրագալույցի հանդիսավոր արարողությունը: Վանաձորի առաջնորդանիստ Սուրբ Գրիգոր Նարեկացի եկեղեցում ձեռամբ Գուգարաց թեմի առաջնորդ Սեպուհ արքեպիսկոպոս Չուլջյանի մատուցվեց Սուրբ պատարագ: Պատարագին ներկա էին նաև Լոռու մարզպետ Անդրեյ Ղուկասյանը, մարզպետի տեղակալ Գայանե Մարկոսյանը, այլ պաշտոնատար անձինք: Գուգարաց թեմի առաջնորդն իր օրհնության խոսքը հղեց ներկաներին։ Ճրագալույցի ավարտին հավատացյալներն իրենց տուն տարան եկեղեցու կանթեղներից ու մոմերից վառված ճրագը, ինչը խորհրդանշում է աստվածային լույսը, Բեթղեհեմյան աստղի լույսը, որն Արեգակից ավելին էր, քանի որ ցերեկով էր երևում:
Լոռու մարզպետ Անդրեյ Ղուկասյանը, մարզպետարանի մի խումբ պաշտոնյաներ և մարզպետին կից երիտասարդական խորհրդի անդամներ Ամանորի և Սուրբ Ծննդյան տոների նախօրեին եղան N զորամասում և մեկնեցին առաջնագիծ՝ շնորհավորելու սահմանապահ զինծառայողներին և հաղորդակցվելու նրանց կենցաղին։
