Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՎԱՆԱՁՈՐՈՒՄ 2020Թ. ՍՈՒԲՎԵՆՑԻՈՆ ԾՐԱԳՐԵՐՈՎ ՆԱԽԱՏԵՍՎՈՒՄ Է ԻՐԱԿԱՆԱՑՆԵԼ ՇՈՒՐՋ 5 ԾՐԱԳԻՐ 22.01.2020
Հունվարի 21-ին Լոռու մարզպետ Անդրեյ Ղուկասյանի նախաձեռնությամբ հանդիպում-քննարկում էր կազմակերպվել Վանաձոր համայնքի ղեկավար Մամիկոն Ասլանյանի, մարզպետարանի և Վանաձորի քաղաքապետարանի պատասխանատու պաշտոնյաների մասնակցությամբ: Հանդիպման ընթացքում քննարկվեցին ինչպես նախորդ տարեվերջին ՀՀ վարչապետի հավանությանն արժանացած Վանաձորի զբոսաշրջային գրավչությունների զարգացմանն ուղղված ծրագրի իրականացման ընթացքի հետ կապված մի շարք հարցեր, այնպես էլ՝ համայնքի կողմից 2020թ. սուբվենիցոն ծրագրերով ներկայացվելիք հայտերը:
Լոռու մարզի թվով 8 համայնքում, 2019թ. սուբվենցիոն ծրագրերով իրականացված ճանապարհաշինական աշխատանքների հետ կապված, «Հայավտոճան» ՊՈԱԿ-ի կողմից կատարված ասֆալտբետոնե ծածկի հանուկի լաբորատոր փարձարկման արդյունքներով մի շարք ծրագրերի առումով ճանապարհաշինական պահանջները չբավարարելու վերաբերյալ բացասական եզրակացություն է տրվել: Մինչդեռ մինչ այդ, նույն ծրագրերի առումով, կապալառու կազմակերպությունների կողմից պատվիրվել էին ասֆալտբետոնե ծածկի հանուկի փորձարկումներ երկու այլ կազմակերպությունների: Վերջիններիս տրամադրած տվյալներում, «Հայավտոճան» ՊՈԱԿ-ի կողմից կատարված լաբորատոր փորձարկումների համեմատությամբ, եղել են իրարամերժ տեղեկություններ:
ՄԱՐԶԻ ՂԵԿԱՎԱՐԸ ԲԳՎ-ՆԵՐ ՀԱՆՁՆԵՑ ԳՈՒԳԱՐՔ ՀԱՄԱՅՆՔԻ ՀՐԴԵՀՎԱԾ ՓԱՅՏՅԱ ԿԱՑԱՐԱՆԻ ԹՎՈՎ 7 ԸՆՏԱՆԻՔԻ 20.01.2020
ՀՀ կառավարությունը նախորդ տարեվերջին որոշում կայացրեց Լոռու մարզի Գուգարք համայնքի Էներգետիկների 3-րդ փողոցի հրդեհված N5 բազմակացարան ոչ հիմնական շինության նախկին բնակիչներ հանդիսացող թվով 7 ընտանիքի բնակարանային խնդիրը բնակարանի գնման վկայագրերի(ԲԳՎ) տրամադրման միջոցով լուծելու մասին: Այդ նպատակով ՀՀ Լոռու մարզպետարանին հատկացվեց շուրջ 27 մլն 500 հազ.դրամ: Այս ընտանիքները դեռևս 2015թ.-ին դեկտեմբերի 25-ին տեղի ունեցած չարաբաստիկ հրդեհի հետևանքով մնացել էին անօթևան և, գտնվելով սոցիալապես անապահով վիճակում, մեծամասամբ բնակվում էին վարձով՝ նաև մարզպետարանի տրամադրած աջակցությամբ:
Հունվարի 15-ին Լոռու մարզպետ Անդրեյ Ղուկասյանն անցկացրեց այս տարվա առաջին աշխատանքային ընդլայնված խորհրդակցությունը փոխմարզպետ Գայանե Մարկոսյանի, մարզպետարանի գլխավոր քարտուղար Արթուր Մխիթարյանի, կառուցվածքային ստորաբաժանումների ղեկավարների և այլ պատասխանատու պաշտոնյաների մասնակցությամբ: Մինչ օրակարգային հարցերին անցնելը, մարզի ղեկավարը վերահաստատեց իր դիրքորոշումը մարզպետարանում ստորաբաժանումների և մարզային ենթակայության հիմնարկների գործունեության հետ կապված՝ նշելով, որ 2020թ. ակնակալում է առավել թիմային, հետևողական և պատասխանատու աշխատանք՝ նոր մոտեցումերին համահունչ գործելաոճ:
Զբոսաշրջային մի շարք կազմակերպություններ Ամանորի տոնական օրերին Լոռու մարզի Օձուն խոշորացված համայնքի պատմամշակութային զբոսավայրերով քայլարշավ իրականացնելով՝ ֆեյսբուքյան հարթակում բազմաթիվ դժգոհություններ ու ահազանգեր էին հնչեցնում՝ կապված հատկապես համայնքի տարածքում գտնվող Ծաղկեվանք և Հոռոմայր տանող ճանապարհներին կուտակված կենցաղային աղբի ու անգամ շինարարական թափոնների վերաբերյալ: Հարցի քննարկման նպատակով Լոռու մարզպետի հանձնարարությամբ մարզպետի տեղակալ Գայանե Մարկոսյանը քննարկում էր կազմակերպել Օձուն խոշորացված համայնքի և նրա կազմում գտնվող բնակավայրերի վարչական ղեկավարների, ավագանու անդամների, մարզպետարանի համապատասխան բաժինների աշխատակիցների և զբոսաշրջային կազմակերպության ներկայացուցիչների մասնակցությամբ:
Հունվարի 15-ին Լոռու մարզպետ Անդրեյ Ղուկասյանն ընդունեց «Կոտտոնի» ընկերության հիմնադիր Կարեն Դասոյանին: Նորաստեղծ ընկերությունը զբաղվում է հագուստի արտադրությամբ և նախորդ տարի նոյեմբեր ամսին կարի արտադրամասեր է հիմնել Ալավերդի և Վանաձոր համայնքներում: Ալավերդիում աշխատակիցների թիվը 80-ից ավելի է, Վանաձորում՝ շուրջ 50, սակայն ընկերությունը ընդլայնվելու մեծ ցանկություն և հնարավորություններ ունի: Մարզի ղեկավարի հարցին ի պատասխան սեփականատերը պարզաբանեց նախորդ տարեվերջին Ալավերդում գործող ֆաբրիկայում առաջացած դժգոհությունների պատճառները՝ նշելով, որ խնդիրները հարթված են:
